ബ്ലും

"പുന്നാരതുമ്പികള്‍" (A)

2011-06-30T23:33:00.003+05:30

ആപ്പിളിലും മണീ ചെയിനിലും കാശ് പോയവര്‍ക്ക് പോയ കാശ് തിരിച്ചുപിടിക്കാനൊരു സുവര്‍ണ്ണാവസരം.!

പുന്നാരതുമ്പികള്‍ (A)

ദ "കിന്നാരതുമ്പികള്‍" റിമെയ്ക്.

അപ്പനപ്പുപ്പന്റെ കാലത്തെ ഇക്കിളികളായ "രതിനിര്‍വേദം", "അവളുടെ രാവുകള്‍" എന്നിവ വീണ്ടും ഇറങ്ങിയാല്‍ സൂപ്പര്‍ ഹിറ്റാവുമെങ്കില്‍ അത്രയധികം ജനറേഷന്‍ 'ഗാപ്പ്' ഇല്ലാത്ത [സത്യമായിട്ടും അത്രയ്ക്ക് ഗ്യാപ്പില്ല്ല...] "കിന്നാരത്തുമ്പികള്‍" റീമെയ്ക് ചെയ്താലും വന്‍ വന്‍ ഹിറ്റുതന്നെയാവും. കാശിട്ട് കാശുവാരാന്‍ ഒരു സിനിമ... പലതിലും കാശുവാരാന്‍ നോക്കിയ നമ്മുടെ വേദനിയ്ക്കുന്ന കോടീശരന്‍മാര്‍ക്ക് ഇതുപോലുള്ള നല്ല റിട്ടേണ്‍സ് ഉറപ്പുള്ളതും കലാ മൂല്യമുള്ളതുമായ സിനിമകളില്‍ കാശുമുടക്കി ആ പോയ കാശ് തിരിച്ചുപ്പിടിക്കാവുന്നതേയുള്ളൂ.

പേര് "പുന്നാരതുമ്പികള്‍" എന്നു തന്നെ ഇടാം.

നായകന്‍ പക്ഷേ സന്തോഷ് പണ്ഡിതന്‍ സാര്‍ തന്നെ വേണം. ഈശ്വരന്‍മരേ ആ വലിയകുട്ടീടെ ഡേറ്റ് കിട്ടുമോ എന്തോ. നായിക കുറച്ചു വണ്ണം കൂടിയ കുട്ടിമതി. കൂടെ അഭിനയിക്കുന്നവരെല്ലാം പല വലിപ്പത്തിലുള്ള കുട്ടികളായാ നന്ന്. ഒരഞ്ച് പാട്ടും ഏഴ് ഫൈറ്റും ഓരഞ്ചാറു തുണ്ടും. പക്ഷേ കമ്പ്ലീറ്റ് കഴിവുള്ളവരായിരിക്കണം.

അല്ലെങ്കിലും കഴിവുള്ളവര്‍ കടന്നുവരുമ്പോ ഫീല്ഡിലുള്ളവര്‍ക്ക് ഇത്തിരി അസൂയയാ...അതുമൈന്റ് ചെയ്യാന്‍ പോണ്ട.

ബൈ ദ ബൈ, ഈ ഐഡിയ ബ്ലോഗിലിട്ടതു കാരണം നാളെയോ മറ്റന്നാളോ കാനഡയില്‍നിന്നുള്ള സൈറ്റിലോ ഫ്രാന്‍സില്‍നിന്നുള്ള ഫെയ്സ് ബുക്കിലോ ഈ സിനിമയുടെ ലിങ്ക് കാണാന്‍ സാധ്യതയുണ്ട്. അങ്ങനെ കണ്ടാല്‍ പ്ലീസ്.. പ്രിഥ്വിരായപ്പനെയോ അമ്മയെയോ അറിയിക്കണം . ഒരു പാട് വേദനിച്ചവരെ ഇനിയും വേദനിപ്പിക്കരുത്. അവരൊക്കെ ചിലപ്പോ ഇംഗ്ലീഷില്‍ കരഞ്ഞുകളയും. നമുക്കാണെങ്കില്‍, ഈ മുമ്പൈലൊന്നും പോകാത്തത്കൊണ്ട്, അവരുടെ ആ ഹൃദയവേദന കമ്പ്ലീറ്റ് അങ്ങോട്ട് മനസ്സിലാവില്ല. അതോണ്ട് തന്നെ മനസ്സുതുറന്ന് അവരെയൊന്നാശ്വസിപ്പിക്കാന്‍പോലും കഴിയില്ല.

എന്തായാലും ബാക്കി തിയേറ്ററില്‍ വെച്ചു കാണാം.

കുളത്തിലേക്കൊരു റീമെയ്ക് വരാന്‍ സാധ്യതയുണ്ട്.

ബ്ലും!

"ഓ മാമ മാമ മാമ മാമ... ♫ ♫ "

2011-06-29T08:31:00.002+05:30

കേന്ദ്രത്തില്‍ നിന്നും പേപ്പറെത്തിയിട്ടുണ്ട്.
തച്ചങ്കരിയുടെ സസ്‌പെന്‍ഷന്‍ മിക്കവാറും പിന്‍ വലിച്ചേക്കും.

"ഓ മാമാ മാമാ മാമാ മാമാ... ♫ ♫
....അച്ചു മാമാ..♫ ."

"മകനേ നീയേ തൂണ" എന്ന ഭക്തിഗാന പരമ്പരയിലെ
അടുത്ത ഭാഗത്തിലെ ആദ്യഗാനത്തിന്റെ ട്യൂണാ...

സിംപിളായിട്ട് കുളത്തിലേക്കൊരു ട്യൂണ്‍...

ബ്ലും!

'ആ സ്ഥാനം' മാറ്റി...

2011-06-28T08:27:00.001+05:30

'ബ്ലും!' ഇനി മുതല്‍ കൊച്ചിയില്‍ നിന്നും ...

കൊച്ചിപിടിക്കാന്‍ വേണ്ടി ചെറിയ ഒരു സര്‍ക്കസ്.
കമ്പനിയൊന്നു മാറി.
ഇപ്പോ സ്മാര്‍ട്ട് സിറ്റീം മെട്രോറെയിലും നാളെ അല്ലെങ്കില്‍ മറ്റന്നാള്‍ തീര്‍ച്ചയായിട്ടും വരുന്ന കൊച്ചിയിലാണ് പുതിയ 'ആ സ്ഥാനം'. മഴക്കാലത്തിന്റെ ആരംഭത്തില്‍ ശൂരത്തം കാണിച്ചതോണ്ടാവും പേരുവെട്ടി പുതിയ സ്കൂളില്‍ ചേര്‍ത്തിയ ഒരു പ്രതീതി.
എന്നാലും പണിക്കുയാതൊരു കുറവുമില്ല കെട്ടോ...

അപ്പോ ഇനി കല്ലുകള്‍ കൊച്ചിയില്‍നിന്നും ഇടുന്നതായിരിക്കും.

മഴ മാറിയപ്പോള്‍...

2011-06-27T08:49:00.002+05:30

വൈകീട്ട് മഴയല്‍പ്പം നിന്നപ്പോള്‍, കോവളത്തുനിന്നും....

ഗോപുമോന്‍ റോ(ജോ)ക്സ്...

2011-04-05T22:30:00.000+05:30

ടിന്റുവിനെ കടത്തി വെട്ടി നമ്മടെ ഗോപുമോന്‍ SMS ഈ വേള്‍ഡ് കപ്പ് സമയത്ത്...
എനിക്കു ഫോര്‍വേഡ് ചെയ്തു കിട്ടിയത് കിട്ടാത്തവര്‍ക്ക് വേണ്ടി ഇവിടെ ബ്ലോഗുന്നു,സമയക്രമമനുസരിച്ച്... കിട്ടിയവന്‍ കിട്ടാത്തവന് കൊടുക്കണമല്ലോ, അതോണ്ട് മാത്രം

ഗോപുമോന് ടീമിലിടം കിട്ടയപ്പോ:
മികച്ച ഫലം ഉറപ്പുള്ള ചാത്തന്‍ സേവകള്‍ക്ക് സമീപിക്കുക, ഗോപുമോന്‍ മഠം, എറണാകുളം.
"ജീവിതത്തിലിന്നുവരെ ഇങ്ങനെയൊരു പരിക്ക് പറ്റിയിട്ടില്ല"- പ്രവീണ്‍ കുമാര്‍

ആദ്യകളിയില്‍ വന്‍ ബൌളിങ്ങ് കാഴ്ചവെച്ച് പുറത്തിരിക്കേണ്ടിവന്നപ്പോ:
ശ്രീകുട്ടനെ സി ഐ ടി യു വിന്റെ ബ്രാന്റ അംബാസിഡറാക്കി; ഏറ്റവും വലിയ നോക്കു കൂലി വാങ്ങിയത് കാരണം!

ഫൈനലില്‍ കളിക്കും എന്നുറപ്പായപ്പോ:
ഗോപുമോന്‍ പ്ലേയിങ്ങ് ഇലവനില്‍. ഹനുമാനില്ലാതെ എന്ത് ലങ്കാ ദഹനം !

ഫൈനലു കഴിഞ്ഞപ്പോ:
ഗോപുമോന്റമ്മ ഇന്റര്‍വ്യൂയില്‍.. ഗോപുമോനു രണ്ട് ഓവര്‍കൂടെ കൊടുക്കായിരുന്നു. എന്നാ ധോണിക്ക് സെഞ്ച്വറി അടിക്കായിരുന്നൂ

എല്ലാര്‍ക്കും കോടികള്‍ പാരിതോഷികം കിട്ടിയപ്പോള്‍:
ധോണിക്ക് രണ്ട് കോടി -ഡല്‍ഹി സര്‍ക്കര്‍; സച്ചിന്‍ രണ്ട് കോടി -മഹാരഷ്ട്ര സര്‍ക്കര്‍; ഗോപുമോന് രണ്ട്......... രൂപയ്ക്കരി- കേരളാ സര്‍ക്കാര്‍

ബ്ലും...!
നമുക്കൊന്നും അസൂയയ്ക്ക് ഒട്ടും കുറവില്ല... ഇനീം ഇറങ്ങും. നമ്മളൊക്കെ അതു ഫോര്‍വേഡേം ചെയ്യും.

ഉറുമി-ആഗസ്റ്റ്15-ക്രിസ്ത്യന്‍ ബ്രദേഴ്സ്

2011-04-05T21:34:00.001+05:30

ക്രിസ്ത്യന്‍ ബ്രദേഴ്സ് : മൂന്ന് കോട്ടും രണ്ട് പോലീസും ഒരു മന്ത്രീം വിജയരാഘവനും. ഊഹിക്കാന്‍ പറ്റാത്ത ഒരു സീന്‍ പോലുമില്ല. ഉള്ളത് പറഞ്ഞാ ശരത്കുമാര്‍ സ്പാറി.

ആഗസ്റ്റ്15: മലയാള സിനിമാ ചരിത്രത്തില്‍ ബൈക്കിനെ നായകനാക്കിയും മമ്മുട്ടിയെ സഹനടനാക്കിയും എടുത്ത ആദ്യത്തെ സിനിമ. പണ്ടാര സസ്പന്‍സാ.
ഗുണപാഠം- അഞ്ഞൂറു രൂപ അടക്കേണ്ടിവന്നലും ഹെല്‍മെറ്റ് വയ്കരുത് !

ഉറുമി: ഒരു സിനിമയ്ക്കു പോയപോലെ തോന്നും. ഫ്രെയിംസ് എല്ലാം മനോഹരം. ജഗതിയോടു മത്സരിക്കാന്‍ കെല്പില്ലെങ്കിലും അറയ്ക്കല്‍ ആയിഷയും കേളുനായനാരും മോശമാക്കിയില്ല. എന്നാലും മിക്ക ഷോട്ടുകളും കൈ മസിലുകളില്‍നിന്നും തുടങ്ങുന്നതു ബോറാല്ലേന്നൊരു സംശയം. ഉറുമി അയിഷയ്ക്ക് കളിക്കാന്‍ കൊടുത്തിട്ട് മെയിന്‍ സംഘട്ടനങ്ങളെല്ല്ലാം മസിലുവച്ച് തന്നെയാണ്. റൊമാന്‍സ് കൊള്ളാം, രാവണിന്റെ പോരായ്മ പൃഥ്വി ഇവിടെ തീര്‍ത്തിട്ടുണ്ട്. പ്രഭുദേവയും നന്നായി. വിദ്യാ ബാലനു ഉറുമി സില്ക് സ്മിതയാവാനുള്ള ട്രയല്‍ റണായിരുന്നോന്നൊരു സംശയം. നിത്യാ മേനോന്‍ന്റെ റോളിനെ കുറിച്ച്കേട്ട ഏറ്റവും നല്ല കമന്റ് ഇതാണ്. "അവളുടെ ഒരു അന്ന നട!" .

ബ്ലും !
ഇനീം പോവും...

ഒരു ക്ലിക്ക്

2011-02-28T00:14:00.001+05:30

ഇതിപ്പോ പലതും ക്ലിക്കിയപ്പോ ഒന്നു നല്ലതുവന്നൂന്ന് പറയാം.

ഓഫീസിലെ ടീംസാ...

ഉള്ളതു പറയാലോ, എര്‍ക്കാട് എന്ന സ്തലം ഫെബ്രുവരി മാസത്തില്‍ ഒരു വെയ്സ്റ്റാ...

എന്തിനധികം പറയണം, ഒരു ബിയറുപോലും കിട്ടീലഷ്ടാ...

കഷ്ടപ്പാടായി.

ഒരു ചിത്ര ബ്ലും !

മാര്‍ത്താണ്ഡ വര്‍മ്മ

2011-02-27T15:54:00.000+05:30

സൂര്യാടിവി, ശനിയാഴ്ച, പത്തുമണി രാത്രി.
"മാര്‍ത്താണ്ഡവര്‍മ്മ" [മ്യൂസിക്കുണ്ട്]

നിങ്ങള്‍കായി അവതരിപ്പിക്കുന്നത്

"സമാനതകളില്ലാത്ത പ്രവര്‍ത്തനങ്ങളുമായി,
ജനകീയ കേരളാ സര്‍ക്കാര്‍" [മ്യൂസിക്കില്ലാ,അല്ലെങ്കി എന്തിനാ മ്യൂസിക്?!!]

കേരളാ സര്‍ക്കാര്‍ സീരിയല്‍ സ്പോണ്‍സര്‍ഷിപ്പിനും !
സമാനതകള്‍ ശരിക്കും ഇല്ലാ ട്ടോ!

ബ്ലും!

കുട്ടികള്‍

2011-02-16T15:58:00.000+05:30

കുഞ്ഞാലി മരയ്ക്കാറൊരു പ്രശ്നമായിരുന്നില്ല.
ഷെയിക് അബ്ദുള്ള ഒരിക്കലും ഒരു പ്രശ്നമായിരുന്നില്ല.
അപ്പൊ പ്രശ്നം കുട്ടിയാണ്.
അല്ലെങ്കിലും കുട്ടികള്‍ പ്രശ്നക്കാരാ !
ബ്ലും!

വൈകി തിളച്ച സാമ്പാര്‍ !

2011-02-11T12:19:00.000+05:30

അന്നെനിക്ക് വെറും പത്തുവയസ്സു തിങ്കഞ്ഞ് കാണില്ല.

അന്ന് എന്റെ ചെരിപ്പിന്റെ വള്ളി മൂന്ന് ബി ക്ലാസിലെ ബാലകൃഷണന്‍ ഊരിയെടുത്ത് 5 പൈസക്ക് നാലെണ്ണം കിട്ടുന്ന തേന്‍മുട്ടായി പ്രതിഫലമായി സ്വീകരിച്ച് അവന്റെ സു്‌ഹ്‌ത്തിന് വിറ്റു.

ഇതുമനസ്സിലാക്കിയ ഞാന്‍ ക്ലാസ് മാഷോട് പരാതി പറഞ്ഞു. മാഷ് അവനെ അടിക്കും എന്ന ഘട്ടം വന്നപ്പോ ബാലകൃഷണന്‍ ഹെഡ്മാഷുടെ അടുത്തേക്ക് ഓടി. ഹെഡ് മാഷ് അവന്റെ അരോ ആയതുകൊണ്ട് അവനെ കുറ്റവിമുക്തനാക്കി.

ഞാന്‍ ഏ.ഈ.ഓ യെ കണ്ട് പരാതി പറഞ്ഞൂ.

ഇപ്പോ എനിക്ക് മുപ്പത് വയസ്സായി. ഇന്ന് ഏ.ഈ.ഓ. ആ പഴയ മൂന്ന് ബി യിലെ ബാലകൃഷനോട് അന്നത്തെ അളവില്‍ ഒരു ചെരുപ്പ് മേടിച്ച് എനിക്ക് തരാന്‍ പറഞ്ഞിട്ടുണ്ട്. ഇത്രകാലം കഴിഞ്ഞതോണ്ട് ഒരു ചെരുപ്പാണെങ്കിലും മതീന്ന് അദ്ദേഹം പറഞ്ഞിട്ടുണ്ട്.

ഇരുപത് വര്‍ഷം മുമ്പ് മേടിച്ച് ഒരു ചില ടണലും ഷാഫ്റ്റു്‌ അരോ കുളത്തിലേക്കിട്ടൂ.

ബ്ലും!

ശ്രീശാന്തും വേള്‍ഡ് കപ്പും

2011-02-09T12:03:00.000+05:30

മലയാളം അറിയുന്ന അറിയുന്ന ദൈവങ്ങള്‍ക്ക് ഇനി ഇന്ത്യ പുറത്താവുന്നത് വരെ ഒരു സൌര്യവും ഉണ്ടാവില്ല.
അമ്മേ.....കാത്തോളണേ!
ബ്ലും!

കുരത്തം കെട്ടവന്‍ ശ്രീശാന്തിന്റെ കൂടെതന്നെയാണ്. മലയാളി ആയതോണ്ടല്ല. നല്ലൊരു ബൌളറായതുകൊണ്ടും സായിപ്പിനെകാണുമ്പം കവാത്ത് മറക്കാത്തവനായതുകൊണ്ടും. കൊടുക്കേണ്ടത് ആര്‍ക്കിട്ടാണെങ്കിലും ശ്രീ കൊടുക്കും, ഒരു പണത്തൂക്കം കൂട്ടി.

ശുംഭന്‍

2011-02-09T08:13:00.003+05:30

ചിലപ്പോ ബഹുമാനപ്പെട്ട ഹൈക്കോടതി ഇങ്ങനെയും വിധിച്ചേക്കും.

പ്രതിക്കൂട്ടിലുള്ള ബഹുമാനപ്പെട്ട ശുംഭനെ, ശുംഭനായ പ്രതിഭാഗം വക്കീലിന്റെ വാദമുഖങ്ങള്‍ കണക്കിലെടുത്ത്, ശുംഭനായ പ്രതി, ബഹുമാനപ്പെട്ട ഹൈക്കോടതി ജഡ്ജിമാരെ 'ശുംഭന്‍' എന്നുവിളിച്ചത് ശോഭിക്കുന്നാന്‍ എന്ന അര്‍ത്ഥത്തിലാണെന്ന് ഹൈക്കോടതിക്കു ബോധ്യപ്പെട്ടതിനാല്‍ വെറുതേ വിടുവാന്‍ തീരുമാനിച്ചിരിക്കുന്നൂ.

ഈ വിധിവന്നാ ശബ്ദതാരവലിയില്‍ ഇങ്ങനെ എഴുതിച്ചേര്‍ക്കും.
ശുംഭന്‍: പ്രകാശം പരത്തുന്നവന്‍ , കേരളാ ഹൈക്കോടതി വിധി പകര്‍പ്പ് 2011/34/xxx ഹൈക്കോടതി Vs ശുംഭന്‍

ബ്ലും!
ഓര്‍ഡര്‍ ഓര്‍ഡര്‍...

കുളത്തില്‍ ഹാജി മുതലാളി

2011-02-07T14:33:00.005+05:30

മലയാളികളുടെ ബിനീത സ്രദ്ധക്ക്,

ഞാനതങ്ങട്ട് മുയ്മനായിട്ട് ബാങ്ങാന്‍ തീരുമാനിച്ച വിവരം ഇതിനാല്‍ രേഖപ്പെടുത്തികൊള്ളുന്നൂ. ഏത്, നമ്മടെ ഇന്ത്യാവിശനേയ് . എന്നട്ട് ചാനലിനെ രക്ഷിച്ചെടുക്കാനുള്ള തായെ പറയുന്ന ഫോര്‍മുല അങ്ങട്ട് നടപ്പിലാക്കും.

1. എഡിറ്റോറിയല്‍ ബോര്‍ഡിലെ ചെയ്ത്താമ്മാരടെ ഹറാംപറപ്പീന്ന് ഞമ്മടെ ചാനലിനെ അങ്ങട് മോചിപ്പിച്ച് സ്വതന്ത്രമാക്കും.
2. ചാനല്‍ പരിപാടീടെ ബാക് ഡ്രോപ്പ് കറുപ്പില്‍നിന്നും പെര്‍മനന്റ് ആയി പച്ച നിറമാക്കും.
3. വാര്‍ത്ത, അല്ലെങ്കി ബാര്‍ത്ത തുടങ്ങുമ്പോ "അസ്സലാമു അലൈക്കും" പറഞ്ഞ് തുടങ്ങിക്കും
4. വായിക്കുന്ന പെണ്‍കുട്ടികളെ മിനിമം തട്ടം ധരിപ്പിക്കണം പുരുസമ്മാരെ ബഹുമാനിക്കാന്‍ പടിപ്പിക്കും.

5. ആണുങ്ങളോട് ബല്ല്യബല്ല്യ ചോദ്യങ്ങളൊന്നും ചോദിപ്പിക്കൂല. ഇങ്ങട്ട് പറണത് കേട്ട് മുണ്ടാണ്ടിരിപ്പിക്കും.
6.ആ മുസ്ലി പവറിന്റെ പരസ്യത്തിനെ പകരം ഇക്കാക്കന്റെ ചിത്രം പരസ്യമായി ഇടക്കിടക്കങ്ങനെ ഇടീപ്പിക്കും.
7. ഐസ്ക്രീമിന്റെ പരസ്യം കുടുക്കാതിരിപ്പിക്കും.
8. ഒമ്പത് മണിന്റെ ബാര്‍ത്ത, "അല്‍ ന്യൂസ് നൈറ്റ്" എന്നാക്കും.
9. കൊച്ചിയില്‍നിന്നും ആസ്ഥാനം മലപ്പുറത്തേക്കു മാറ്റിക്കും.

ഇങ്ങക്കെന്തേങ്കിലും ഫോര്‍മുല തോന്നണുണ്ടെങ്കീ കമന്റൊലൊന്നിടീ. ഞമ്മക്ക് നടപ്പിലാക്കാന്‍പറ്റോന്ന് നോക്കാലോ.

ബേറെ ബിശേശമൊന്നുമില്ലല്ലാ, ഇങ്ങക്കെല്ലാം സുഖം തന്നേണല്ലാ... പെരുത്ത് സന്തോസം !

എന്ന്,
കുളത്തില്‍ ഹാജി മുതലാളിക്കുവേണ്ടി,
അഭ്യസ്തനായ സെക്കട്രീ,
കുളത്തിന്റരികത്ത് ബസീര്‍. [പ്രീഡിഗ്രീ (മൂന്ന് പ്രാവശ്യം) ]
ബ്ലും!

NB:അക്ഷരത്തെറ്റൊന്നും ബല്ല്യ കാര്യാക്കണ്ടാ. ഞമ്മളെ അടുത്ത് പൈസണ്ട്, പിന്നെ റാഡോ ബാച്ചില് ടൈമും ണ്ട്!

സൌമ്യയ്ക്ക് മുന്നില്‍

2011-02-06T19:30:00.005+05:30

പ്രിയപ്പെട്ട അനിയത്തിയുടെ ചേതനയറ്റ ശരീരത്തിനുമുന്നില്‍, ബാക്കിവെച്ചുപോയ മോഹങ്ങള്‍ക്കുമുന്നില്‍... തലകുനിച്ച്...

എന്റെ കേരളം എത്ര....

2011-02-06T15:28:00.000+05:30

മോഹനേട്ടോ, മോള്‍ പത്താംക്ലാസ്സ് കഴിയല്ലേ ഇക്കൊല്ലം. ഇനിയെന്ത പരിപാടി? തൃശൂര് പീസീ ടെ അങ്ങോട്ടാണോ കോച്ചിങ്ങിന്?
അതൊക്കെ മുന്നെയല്ലേടോ...
അപ്പൊ, ഇപ്പൊ എന്താ പരിപാടി?
നമ്മടെ അച്ചുവാശാന്റെ കളരീലൊന്ന് ചേര്‍ക്കണം, പിന്നെ ബ്ലാക്ക് ബെല്‍റ്റ് കരാട്ടേയില്‍ അപ്പ്ലിക്കേഷന്‍ കൊടുത്തിട്ടുണ്ട്. കിട്ടോന്നറിയീല്ല. ഭയങ്കര തിരക്കാടോ ഇപ്പൊ അവിടെ ഒക്കെ. കിട്ടാന്‍ ബുധിമുട്ടാ.
അപ്പോ മോളെ കേരളത്തില്‍ തന്നെ നിര്‍ത്താനാ പ്ലാന്‍, അല്ലേ..?
അതേടോ...

ബ്ലും!

പ്രതിച്ഛായ

2011-02-03T15:53:00.000+05:30

യുഡിഎഫിന്റെ പ്രതിച്ഛായ തകര്‍ക്കാന്‍ ചിലര്‍ശ്രമിക്കുന്നുവെന്ന് ബഷീര്‍ക്ക.
അതോ പ്രതി ച്ഛായ യോ ?
ബ്ലും! ചുമ്മാ ബ്ലുമ്മിയതാ...

അറസ്റ്റ് !

2011-02-03T08:10:00.000+05:30

ചെയ്തോ ?
ചെയ്തൂ!
എന്നിട്ട്?
കോണ്‍ഗ്രസ് വേളുത്തു, ഒരല്‍പ്പംകരുണാനിധിയും!
ഓ..
രാജ വീണ്ടും കറുത്തു
പണ്ടേ കറുത്തിട്ടാ.
സോണിയയെ വാഴ്ത്തപ്പെട്ടവളാക്കും .
വേണ്ടതാ.

ഉമ്മന്‍ചാണ്ടീടെ പനി കുറഞ്ഞൂ.
കുറയുമായിരിക്കും.
ചെന്നിത്തലയ്ക്കു പ്രായം കുറഞ്ഞൂ.
അല്ലെങ്കിലും ചെറുപ്പമല്ലേ.
എല്ലാം വേണുഗോപാലിന്റെ ഐശ്വര്യം.

ബ്ലും.!

2ജീ : സോണീയാജീ, രാഹുല്‍ ജീ

ഒപ്പിട്ടൂ, സ്മാര്‍ട്ടായി...

2011-02-02T17:02:00.003+05:30

അതങ്ങനെയാണ്,പ്രാഞ്ചിയേട്ടന്‍ , ശ്ശെ.. യൂസുഫലി ഒരു കാര്യത്തിലിടപെട്ടാല്‍.... അവസാനം കാര്യങ്ങളിലൊക്കെ ഒരു ധാരണയിലെത്തി സ്മാര്‍ട്ട്സിറ്റി കരാറൊപ്പിട്ടു. യൂസുഫലി ഇടപെട്ടാല്‍ എന്നുള്ള ഒരു പഴംചൊല്ലിന്റെ സാധ്യതകള്‍ ഭാഷാപിതാക്കളുടെ പുതുതലമുറക്കാര്‍ അലോചിച്ചു തുടങ്ങിയിട്ടുണ്ടെന്നാണ് റിപ്പോര്‍ട്ടുകള്‍.

ഈ സംഭവം ഒപ്പിട്ടപ്പോഴും, അച്ചുമാമന്‍ കയ്യിലാത്ത ബനിയനായിരുന്നോ ഇട്ടിരുന്നത്, എന്ന ചോദ്യം അത്ര പ്രസക്തമല്ല ! എങ്ങനെയാണേലും ദുബായ് ഗവര്‍മെന്റിനെയും ടീകോമിനെയും രക്ഷിക്കുന്നതിന്നുള്ള കേരളാ സര്‍ക്കാറിന്റെ സഹായ ഹസ്തമായി അച്ചുമാമന്റെ കയ്യില്ലാത്ത ബനിയന്‍ ധരിച്ചിട്ട ഒപ്പിനെ പില്‍ക്കാലത്ത് വിശേഷിപ്പിക്കപ്പെടും എന്നതില്‍ തര്‍ക്കമുണ്ടാവാന്‍ വഴിയില്ല.. ഒരുപാട് ഹിഡണ്‍ കേമറകള്‍ ഉള്ള കാലമാണ് !!!

എന്തായാലും മേല്‍പ്പറഞ്ഞ 246 ഏകര്‍ സ്ഥലത്ത് നാളെ മുതല്‍, പണ്ടെന്നോ ഇട്ട ശിലാഫലകത്തിന്റെ അടിത്തറ അവിടെതന്നെയുണ്ടോ എന്നു കണ്ടുപിടിക്കാന്‍ അന്വേഷണ കമ്മീഷനെ ചുമതലപ്പെടുത്തിയിരിക്കുന്നൂ. ഇതിന്റെ റിപ്പോര്‍ട്ട് വരുന്നതിനനുസരിച്ച് ആ അടിത്തറ കണ്ടുപിടിച്ച് കുഴിച്ചെടുത്ത് വീണ്ടും യധാസ്ഥാനത്ത് പ്രതിഷ്ടിക്കാനുള്ള കോണ്‍ട്രാക്റ്റേഴ്സിനേയും നിയമിച്ചിരിക്കുന്നൂ.

ഈ സമയംകൊണ്ട് പായയും പെട്ടിയും തലയണിയും കുട്ടിയുമായി കൊച്ചിപിടിക്കാനിറങ്ങുന്നവരുടെ ശ്രദ്ധയ്ക്ക്... ഇത്രയും കഴിയുമ്പോഴേക്കും ഇലക്ഷനാവും!

ബ്ലും!

പ്രതീക്ഷകള്‍

പെണ്ണു കേസ്

2011-02-02T08:24:00.005+05:30

ചട്ടം ഭേദഗതി ചെയ്തതുപ്രകാരം ഹൈക്കോടതി വഴി സിബിഐക്ക് വിടാവുന്ന കേസുകള്‍ക്ക് താഴെ പറയുന്ന ഏതെങ്കിലും പ്രത്യേകതകള്‍ ഉണ്ടായിരിക്കേണ്ടതാണ്.

1. സംഭവം നടക്കുന്നത് ടയോട്ട് പ്രാഡോ പോലെയുള്ള വിലയുള്ള വണ്ടികളിലാവണം.
2. പ്രതികളുടെ അല്ലെങ്കില്‍ പ്രതിയുടെ അരയില്‍ ഇരുമ്പുകൊണ്ടുള്ള [ലോഹം മസ്റ്റാ, എന്തെങ്കിലും
ഉണ്ടായാ പോര!!! ] ടൂള്‍സ് ഏതെങ്കിലും വേണം. ഫോര്‍എക്സാമ്പില്‍ എസ് കത്തിപോലുള്ളത്,
വറൈറ്റി ഐറ്റംസ് ആണെങ്കില്‍ ബെസ്റ്റ്.
3. ഇതു രണ്ടുമല്ലങ്കില്‍ കേസിന്‍ മണ്ണെണ്ണ പമോയില്‍ എന്നീ ദ്രാവക ബന്ധം വേണം
4. ഇവയൊന്നുമില്ലെങ്കില്‍ അഗ്നിപര്‍വതം ഉരുകിയ ലാവ സംബന്ധമായ കേസാവണം.

അല്ലാതെ കണ്ട പെണ്ണുകേസുകളൊന്നും ഹൈക്കോടതി സി ബി ഐക്ക് തള്ളില്ലാ. കട്ടായം!!! നമ്മടെ ഹൈക്കോടതി അത്രയ്ക്ക് ചീപ്പല്ലടൈ...

അതുകോണ്ടും ആണത്രെ ഐസ്ക്രീം സിബിഐക്കു വിടാഞ്ഞത് !
കുരുത്തം കെട്ടവനൊരു സംശയം. നമ്മടെ അളിയന്‍മാരും ആണുങ്ങളല്ലേ? അപ്പോ ഇതൊരു ആണ്‍കേസുമല്ലേ???

ബ്ലും!
ആരുടെയോ മാനം വന്ന് കൂളത്തില്‍ വീണതാ.

കൂടെ വീണത് : കാശുള്ളവന്റെ മാസത്തില്‍ രക്തം നിറയുമ്പോള്‍ കളങ്കപ്പെടുന്നത് സ്വന്തം മകളുടെയും അമ്മയുടെയും ഭാര്യയുടെയും പെങ്ങളുടെയും ദേഹവും ദേഹിയും ആവുമ്പൊഴേ ഇതൊക്കെ 'വെറും പെണ്ണൂകേസ'ല്ലാതാവുകയൊള്ളൂ. ആരുപറഞ്ഞതായാലും ശരി ... ലജ്ജാവഹം!

ആന്ധ്രാ 'ക്സ്' അമേരിക്കലിയിലും

2011-02-01T09:01:00.006+05:30

സത്യത്തില്‍ ആന്ധ്രയില്‍നിന്നുള്ളവരെല്ലാം നല്ലവരും നുണപറയാത്തവരും സര്‍വ്വോപരി നല്ല സുഹൃത്തുക്കളുമാണെന്നാണ് കുരുത്തംകെട്ടവന്റെ അഭിപ്രായം. ആണും പെണ്ണുമ്മായി ഒരുപാടു നല്ല ആന്ധ്രാക്കാരുമായി സൌഹൃദം സൂക്ഷിക്കുന്നുമുണ്ട് ഞാന്‍.

എന്നുവച്ച് നടന്നത് പറയാതിരികാന്‍ വയ്യല്ലോ, ഏതാണ്ട് മൂന്ന് കൊല്ലങ്ങള്‍ക്ക് മുമ്പ് ഐ ബി എമ്മില്‍ ജാവ ഇന്റര്‍ര്‍വ്യൂപാനലില്‍ കുരുത്തക്കെട്ടവനും ഉള്ള കാലം.മുന്‍ പരിചയം വെച്ച് ചുള്ളനോ ചുള്ളിയോ ആന്ധ്രയില്‍നിന്നുള്ളവരാണെങ്കില്‍ നമ്മള്‍ സ്പെഷ്യലായിട്ടു കുറച്ചുകൂടുതല്‍ ചോദ്യങ്ങള്‍ ചോദിക്കാറുണ്ട്, അവരുടെ എക്സ്പീരിയന്‍സ്‌ ശരിക്കുള്ളതാണോ ടെസ്റ്റ് ചെയ്യാന്‍

പലതില്‍ ഒന്ന്

അന്നും അതുപോലെ ഒരു ആന്ധ്രാക്കരനെയായിരുന്നു ഇന്റര്‍വ്യു എടുക്കേണ്ടത്.

ചുള്ളന്‍ തന്ന ഫോണ്‍ നമ്പറിലേക്ക് വിളിച്ചു...

പിന്നെ നടന്നതെല്ലം ഇങ്ങനെ,

ഹലോ ഇത് സുന്ദരന്‍ അല്ല്ലേ?

അതേ...
ഞാന്‍ ഐ ബി യെമ്മില്‍നിന്നാണ് വിളിക്കുന്നത്. താങ്കള്‍ ഇന്ന് ഒരു ഇന്റര്‍വ്യൂവിന് സമയം തന്നിട്ടുണ്ടായിരുന്നൂ ഈ സമയത്ത്.
ഐ ബി യെമ്മില്‍നിന്നാണോ...വണ്‍ സെകന്റ്, ഒന്നു ഹോള്‍ഡ് ചെയ്യൂ.
ഓക്കെ..

ഒരു മിനിട്ടിന്നു ശേഷം
ഹലോ..
[ഫോണില്‍ തീര്‍ത്തും മറ്റൊരു ശബ്ദം]
ആരാ?
ഐ ആം സുകുമാരന്‍ തന്നെ.
ആര്?
നിങ്ങള്‍ ഇപ്പോ എന്നെയാണ് വിളിച്ചത് ഇന്റര്‍വ്യ്യുവിന്.
ഞാന്‍ വിളിച്ചത് സുന്ദരനെയായിരുന്നു.
സോറി സുന്ദരന്‍ . പേര് മാറിപ്പോയതാ...
ആ കോള്‍ അപ്പോ തന്നെ കട്ട് ചെയ്തൂ, വെറുതെ സമയം മെനക്കടുത്തേണ്ടല്ലോ.

പലതില്‍ രണ്ട്
മറ്റൊരു ദിവസം.
ഇതേപോലെ ഒരു ആന്ധ്രാ ചുള്ളി.
ഹലോ
ഹായ്‌.
ഐ ബി എമ്മില്‍നിന്നാണ്. നിങ്ങള്‍ ഇന്നു ഇന്റര്‍വ്യൂവിന് സമയം തന്നിട്ടുണ്ടായിരുന്നു.
ഓ, ശരിയാണ്.
അപ്പോ തുടങ്ങാം.
ശരി, പക്ഷെ ഇന്റര്‍വ്യൂവിനു മുമ്പ് ഒരു കാര്യം പറയാനുണ്ട്.
എന്താ അത്?
പ്ലീസ്... മിസ്സ് അണ്ടര്‍സ്റ്റാന്റ് ചെയ്യരുതേ, താങ്കളുടെ ശബ്ദം വളരെ നന്നായി തോന്നുന്നൂ, പാട്ടു പാടാറുണ്ടോ?
[ഇന്റര്‍ര്‍വ്യൂവിലും പഞ്ചാര!!!] പിന്നല്ലേ, ഞാന്‍ മുപ്പതിലതികം സിനിമയില്‍ പാടിയിട്ടുണ്ട്!!!
ശരിയാണോ? ഏത് ഭാഷയിലാ?
നോര്‍ത്ത് കേരളാ മലയാളം സൌത്ത് കേരളാ മലയാളം പിന്നെ തുളു..
ഓ എനിക്കു മലയാളം അറിയില്ലാ.
അതാ കേള്‍ക്കഞ്ഞത്.

ദാറ്റ്സ് ഓക്കെ! എന്നാ തുടങ്ങാം

ഓകെ.

നിങ്ങളിപ്പോള്‍ ചെയ്യുന്ന പ്രൊജക്റ്റിനെക്കുറിച്ചൊന്നു പറയൂ..

ഈ പ്രതീക്ഷിത ചോദ്യം മുഴുവനാക്കുന്നതിന്നു മുന്നേ അവള്‍ ഒരു പ്രൊജക്റ്റിന്റെ ഡീറ്റെയില്‍സ് വിവരിക്കാന്‍ തുടങ്ങീ.

ഒരഞ്ച്മിനിറ്റ് കേട്ടപ്പോഴേക്കും എനിക്കൊരു വല്ലായ്ക...

ഹലോ...

എന്തേ?

അല്ല, ഞാന്‍ ചോദിച്ചത് നിങ്ങളിപ്പോള്‍ ചെയ്യുന്ന പ്രൊജക്റ്റിനെക്കുറിച്ചാണ്.

അതു തന്നെയാണ് ഞാന്‍ പറയുന്നതും.

സോറി, നിങ്ങളുടെ റെസ്യൂം പ്രകാരം ഇതു ഇപ്പൊ വര്‍ക്ക് ചെയ്യുന്ന കമ്പനിയുടെ മുന്‍പ് നിങ്ങള്‍ വര്‍ക്ക് ചെയ്തിട്ടുള്ള കമ്പനിയില്‍ ചെയ്ത പ്രൊജക്റ്റ് ആണ്. അങ്ങനെയെങ്കില്‍ റെസ്യൂമില്‍ ചിലപ്പോ തെറ്റിയതായിരിക്കം.

ഒരു രണ്ടു നിമിഷത്തെ നിശ്ശ്ബ്ദതയ്ക്ക് ശേഷം...

സോറി, ആക്ച്വലി, റെസ്യൂം ശരിയാണ് . എനിക്കു തെറ്റിയതാ. ഞാനിപ്പോള്‍ ചെയ്തുകൊണ്ടിരിക്കുന്ന പ്രോജക്റ്റ്...

അത്രേം കേട്ടപ്പോഴേ, അതിലും തീരുമാനമായി.

ബ്ലും!

രണ്ട് റെസ്യൂം കുളത്തില്‍ പോയതാ..

അമേരിക്കയില്‍ ഇപ്പോ ഒരു യൂനിവേഴ്സിറ്റിയുടെ ഏതാണ്ട് എണ്‍പത്ശതമാനം ആന്ധ്രക്കരും അതില്‍ മിക്കതും പറ്റിക്കല്‍സും . ആ പിള്ളാര്‍ക്ക് ഇപ്പോ കാലിലൊരു റേഡിയോ കോളര്‍ ഇട്ടു കൊടുത്തിട്ടുണ്ടത്രെ. ഇവരെവിടെ പോവുന്നൂന്ന് നോക്കാന്‍! എന്തിനും ഒരു പരിധി നല്ലാതാ...

നമുക്ക് മാത്രമാണ് അവര്‍ ആന്ധ്രാക്കാര്‍, പക്ഷേ ബാക്കിയുള്ള ലോകത്തിന് "കംപ്ലീറ്റ് ഇന്ത്യാക്കരും തട്ടിപ്പ് ടീംസ്" ആവും. നമ്മുടെ വിദേശകാര്യമന്ത്രാലയം ഇന്ത്യയുടെ പേര് കളങ്കപ്പെടുത്തുന്ന ഈ ടീംസിനെ സപ്പോര്‍ട്ട് ചെയ്യാന്‍വരുന്നതിന്നുമുന്നേ ഇതിനെക്കുറിച്ചുകൂടെ ഒന്നാലോചിക്കുന്നത് നന്നാവും

NB: ഉപയോഗിച്ചിരിക്കുന്ന എല്ലാ പേരുകളും സാങ്കല്‍പ്പികം. സംഭവങ്ങളെല്ലം യാഥാര്‍ത്തവും.

എലിക്കെണീല് പുലിവാല് ‍പെട്ട കേസ് !

2011-01-31T14:19:00.008+05:30

ഹലോ...
ഹലോ... ഹൈകോടതി...

ഹലാക്ക്.. പിന്നേം നമ്പര്‍ മാറിയാ?
ഇത് ഹൈക്കോടതിയാണ്, തങ്കള്‍ എങ്ങോട്ടാ വിളിച്ചത്?
ഞമ്മള് തെക്കോട്ട് തിരിഞ്ഞ് ബഹുമാനപ്പെട്ട ഹൈക്കോടതിയിലേക്കാണ് കോയ വിളിച്ചത്.
ആ അതുതെന്നെയാണ് ഇത്.
ഇത് നല്ല കഥ, നിങ്ങളതിന്റെടീല്‍ ബഹുമാനം കളഞ്ഞതൊന്നും ഞമ്മളറിഞ്ഞീലല്ല കോയ...

നിങ്ങള്‍ കാര്യം പറയൂ, ആരാ സം സാരിക്കുന്നത്?
ഗഫൂര്‍ക്കാ ദോസ്ത്, കോയിക്കോട്ന്ന്

എന്തായിരുന്നു കാര്യം?
അല്ലോലെ, ഒരു വിധി ആവശ്യണ്ടേനീന്ന്...
ഏതാ കേസ്?
ഒരു പുലിവാല്, ഇരിക്കണേന്റെ എടേല്‌, അറിയാതെ എലിക്കെണീപ്പെട്ട കേസേയ്നൂന്ന്...
പുലിവാല് എവിടെപ്പെട്ട കേസ്? ഏണീപ്പെട്ട കേസോ?
അല്ലോലെ, എലിക്കേണീന്ന്..
ഓ അങ്ങനെ.
അല്ല കോയ, ഇങ്ങള്‍ കാര്യം പറയീന്ന്... വിധികിട്ടോ?
കിട്ടും, കേസിന് പിന്നെ വിധികിട്ടാണ്ടിരിക്കോ ?
അതങ്ങനല്ലാന്ന്, ഞമ്മക്ക് വേണ്ട വിധി എലിക്കെണീന്ന് പറഞ്ഞ സാധനം വെച്ചിട്ടൂല്യ, പുലിക്ക് വാലുംല്ലാ എന്ന വിധിയാണ് കോയാ...
അങ്ങനെ തന്നെ വേണോ?
ഇതിപ്പം നല്ല കഥ, അങ്ങനെ തന്നെ വേണം.

സാധനം കയ്യിലുണ്ടോ?
സാധനോം സംഗതിയൊക്കെ വലത്തേ കയ്യീതന്നെണ്ട്ന്ന് ...

&&%*&()(*(*&്‌)
&ക്യാ*^(*&)(*&(&്‌&(*&(*(ഷ്
മരു*^&()മകന്‍5647654
&*()&)(&
*)(*(^&%&%&

ഓകെ...
ഓകെ...

ബ്ലും...! വിധി വീണതാ...

കൂടെ വീണത്: ഈ കുത്തും കോമയുമുള്ള ഭാഗം എങ്ങാനും ബഹുമാനപ്പെട്ട കോടതി വായിക്കനിടയായല്‍ കുരുത്തം കെട്ടവനെതിരെ, കോടതി നിന്ദയ്ക്ക് സ്വമേധയാ കേസെടുത്ത് അന്വേഷണം ആരംഭിക്കുമെന്നതിനാലും,"ബ്ലും" പൂട്ടി താക്കോല്‍ ബഹുമാനപ്പെട്ട കോടതിക്ക് കൊടുക്കേണ്ടണ്ടി വരുമെന്നെതിനാലും, തല്‍ക്കലം വിധി മേടിക്കാന്‍ കാശില്ലാത്തതിനാലും നാളെയോ മറ്റന്നാളോ അതിന്റെ പിറ്റേന്നോ ഇന്ത്യാവിഷന്‍ ചെറിയ ക്യാമറവെച്ച് കണ്ടുപിടിക്കുന്നവരെ ഇതിങ്ങനെ കൊടുക്കുകയേ നിവൃത്തിയുള്ളു. മാന്യ സുഹൃത്തുക്കള്‍ "ബഹുമാന പുരസ്കരം" പൂരിപ്പിച്ചു വായിച്ചുകൊള്ളും എന്നു കരുതുന്നൂ...

വീണ്ടും ഒരു 'വേണു' നാദം

2011-01-30T08:41:00.001+05:30

ഐസ്ക്രീം തിളച്ചു മറിയുന്നത് കാരണം ഏതു ന്യൂസ് ചാനല്‍ 9 മണിക്ക്ക്കു കാണും എന്നതാണ് കണ്‍ ഫ്യൂഷന്‍ .
പിന്നെ ബലികുടീരങ്ങള്‍ വേണു കത്തിക്കയറിക്കൊണ്ടിരുന്ന മനോരമ ന്യൂസില്‍ മനമുടക്കി.
മോശമായില്ല... എല്ലാം മനോരാജ്യത്തിന്റെ വഴികളിലെത്തിച്ചശേഷം ഡയലോഗ് വന്നൂ
"ഐസ്ക്റീം കേസില്‍ കുഞ്ഞാലികുട്ടി മലം..."ഒരു വേണു സ്റ്റൈല്‍ പുഞ്ചിരിക്കുശേഷം " കേരളാ രാഷ്ട്രീയം മലക്കം മറഞ്ഞതി...."

ബ്ലും !

മലക്കം മറിഞ്ഞതുതന്നെ...

അര്‍ജ്ജുനന്‍ സാക്ഷി തന്നെ !

2011-01-29T11:37:00.000+05:30

28- Jan- 2011 ഉച്ചതിരിഞ്ഞ് 3.30
ഹാല..
ഹലോ... അര്‍ജ്ജുനന്‍ സാക്ഷിക്ക് പോവുന്നുണ്ട്, വരുന്നോ?
എപ്പോ?
ഇന്നു വൈകുന്നേരം.
ഇല്ല, ഞങ്ങളൊരു ഔട്ടിങ്ങ് പ്ലാന്‍ ഉണ്ട്.
വെള്ളം തന്നെ ?
ചെലപ്പോ, തീരുമാനിച്ചില്ലാ...
നടക്കട്ടെ... അപ്പോ ഇല്ല അല്ലെ?
ഇല്ല.. നീയൊക്കെ പോയി കണ്ടിട്ടു പറ, എന്നിട്ടു ഞാന്‍ തലവെയ്ക്കണോ എന്നാലോചിക്കാം. കുഞ്ഞാട് കണ്ട ഹാങോവര്‍ ഇതുവരെ മാറിയിട്ടില്ലാ.
ഹം, ശരിയെന്നാല്‍...

28- Jan- 2011 രാത്രി 11.30

ഹാലോ...
ഹാല...
എങ്ങനുണ്ട്?
കൈരളീടീവിയിലെ സാക്ഷി പിന്നേം സഹിക്കാം.
അപ്പോ കൂതറതന്നെ ?
ഫ്രീ ആയിട്ടാണെങ്കിലും പോയി തല വെയ്ക്കണ്ടാ...
ശരി.
അപ്പോ ഗുഡ് നൈറ്റ്.

ബ്ലും... !

സാക്ഷിയുടെ കൊമ്പോ അര്‍ജ്ജുനന്റെ അമ്പോ അതോ മഹാനായ [ഗായകനും ആയ] പൃഥ്വിയുടെ നാവോ ! ആ...

പിക്ച്ചര്‍ അഭീ ഭീ ബാക്കി ഹൈ മെരെ ദോസ്ത്...

2011-01-28T17:19:00.004+05:30

പണ്ട്, ഒരുപാട് പണ്ട്...
എന്നുവച്ചാല്‍?
പണ്ടാരം... ഒരു ഗതികെട്ട കാലത്ത്...
അന്ന്...?

♫♫♫ ഒരുമിച്ചു പങ്കിട്ട ബാല്യകാലം,
ഒരു മിച്ചു പങ്കിട്ട ഐസ്ക്രീം കാലം ♫♫ ♫♫ ♫♫

ആ എല്ലാം മനസ്സിലായീ.

അന്ന്, കോയിക്കോടങ്ങാടീലെ, കേസാര്‍ടീസീ സ്റ്റാന്റിന്റടുത്ത് 'ടോയിലറ്റ് കാമറാ' ഫെയ്മസ് ഹോട്ടലിന്റിപ്പുറത്ത്, ബസ്റ്റോപ്പിലെ മറ്റേ ഇത്താത്താന്റെ നാട്യഗുരുവായിരുന്നൂ അദ്ദേഹം.

അതിപ്പോ എല്ലാര്‍ക്കും അറിയണതല്ലേ...

ഒരോദിവസവും മാറിമാറി ഭരത്നാട്യം, കുച്ചുപ്പുടി, തിരുവാതിരക്കളി, മോണോ ആക്റ്റ് എന്നിങ്ങനെ പല കലാപരിപാടികളും പടിപ്പിച്ച്, വേഷോം കെട്ടിച്ച്, കാശും കൊടുത്ത്, വീട്ടീലേക്കൊരു ഏസീം മേടിച്ചുകൊടുത്ത് ടീവീക്കരുടെ മുന്നിലേക്ക് തള്ളിവിട്ട് എത്ര അവാര്‍ഡ് ചേച്ചിക്ക് മേടിച്ചു കൊടുത്ത ആളാ അദ്ദേഹം! അന്നൊക്കെ ശരിക്കും ഒരു മഹാനായിരുന്നൂ അദ്ദേഹം.

അതേ, നമ്മടെ ഇക്കാന്റെ സ്വന്തം ഗഫൂര്‍ക്കാ ദോസ്തല്ലേന്നോ !!!

ഇന്നിപ്പോ എന്താ പ്രശ്നം?

ആ പന്നതെണ്ടി പണ്ടാരക്കാലന്‍ നമ്മടെ ഇക്കാനെ കൊല്ലുംന്ന് പറഞ്ഞിരിക്കുന്നൂ.
പടച്ചോനേ, പണി പാളിയാ....?
ഏതാണ്ടൊക്കെ.
ന്നട്ട് ?
ഒരു സീഡീം കൊണ്ട് ബ്ലാക്മെയിലിംങ്ങും തുടങ്ങീ.
ആണോ??? ആ സീഡിയില്‍ മുഴുവനും ഐസ്ക്രീം കഴിച്ച്ത് തന്നേണോ??
ആ... ആര്‍ക്കറിയാം!

ഇതാ പറയുന്നത്, തട്ടുംപുറത്ത് തണുത്തപ്പോ കെട്ടിപ്പിടിച്ചത് അട്ടയെ ആണെങ്കീ, അതു മോനേ..., ചോരക്കുടിച്ചിട്ടേ വിടൂ...

എവിടെ നിന്നോ ഒരു ദേശിയ പതാക പാറി വന്ന് കുളത്തില്‍ വീണൂ.

ബ്ലും!

NB: പതാകയ്ക്കൊരു വിമാനത്താവളത്തിന്റെ മണം. ഇനി സീ ബീ ഐ വീണ്ടും അന്വേഷിക്കേണ്ടി വരുമോ എന്തോ ...

തന്റേതല്ലാത്ത കാരണത്താല്‍...

2011-01-28T16:12:00.000+05:30

തന്റേതല്ലാത്ത കാരണത്താല്‍ [ഓഫീസില്‍ ബ്ലൊഗ്ഗെര്‍.കോം ബ്ലോക്കി] ബ്ലോഗ്ഗ് മോചനം നേടിയ പുരുഷന്‍, വയസ്സ് മുപ്പതിനോടടുത്ത്. സുന്ദരന്‍ സുമുഖന്‍ [സു]ശീലന്‍. ബാധ്യതകളില്ല. വീണ്ടും ബ്ലോഗ്ഗിങ്ങ് തുടരാനാഗ്രഹിക്കുന്നൂ. താല്‍പര്യമുള്ള ബ്ലോഗ്ഗര്‍മാരില്‍നിന്നും കല്ലുകള്‍ ക്ഷണിച്ചു കൊള്ളുന്നൂ. പ്രായം മതം ജാതി പ്രശ്‌നമില്ല. താല്‍പര്യമുള്ളവര്‍ ബന്ധപ്പെടേണ്ട വിലാസം

ബ്ലും,
കുളക്കര.

ബ്ലോഗര്‍.കോം പോസ്റ്റ്.

മേഘ തന്നെ...

2010-10-14T22:24:00.000+05:30

"കുടയെടുത്തേക്കാം"
എന്തേ?
"മേഘമുണ്ട്, മഴ പെയ്തേക്കാം"
അല്ലാണ്ട് മുഖം മറയ്ക്കാനല്ല.. അല്ലേ?

ബ്ലും!... ഒരു നറുക്കെടുപ്പ് കുളത്തിലേക്ക്

മെറ്റാബുലൈറ്റ് അഡ്രിനോള്‍...വെയ്സ്റ്റാ !

2010-10-13T19:20:00.003+05:30

റാണിയാദവ്, ഒരു പാവമായിരുന്നു. പണ്ടുമുതലേ നന്നായി നടന്നിരുന്ന ഒരു കൊച്ച്. സ്കൂളില്‍പോണ കാലം തൊട്ടേ അവള്‍ നടന്ന് എല്ലാ കുട്ടികളേക്കാള്‍ മുന്നെ സ്കൂളില്‍ എത്തിയത് പഠിക്കാനുള്ള ഉല്‍സാഹം ഒന്നുകൊണ്ട് മാത്രമായിരുന്നൂ. ക്രമേണ ക്രമേണ അവളുടെ നടത്തത്തിന്റെ സ്പീഡ് കൂടിവന്നൂ. മറ്റുപെണ്‍കുട്ടികള്‍ അന്നനട പരിശീലിച്ചപ്പോള്‍ റാണി സ്പീഡ് വാക്കിങ്ങ് പരിശീലിച്ചു. പരിശീലനം കൂടികൂടി പലപ്രാവശ്യം അവള്‍ക് വൈറല്‍ ഫീവര്‍പോലും വന്നൂ. അങ്ങനെ അവളുടെ നല്ല നടപ്പുകണ്ട അരോ അവളെ കോമണ്‍വെല്‍തിലേക്ക് വിളിച്ചു. നടത്തത്തിന്റെ സ്പീഡ് കൂട്ടാനെന്നും പറഞ്ഞ് മല്‍സരത്തിന്റെ തലേന്ന് ഒരു കുഞ്ഞുഗുളിക ആരോ ലവള്‍ക്ക് കൊടുത്തൂ. അതോടുകൂടി അവളുടെ നല്ല നടപ്പു തെറ്റീ !

പിറ്റേന്ന് നടത്തമല്‍സരത്തില്‍ അവള്‍ക്ക് പണ്ട് സ്കൂളിലേക്ക് നടന്ന നടപ്പുപോലും നടക്കന്‍ പറ്റിയില്ല. ആറാമതായി അവള്‍ ഫിനിഷ് ചെയ്തൂ. പിന്നെ അവളുടെ ഏ സാംപിളും ബീ സാംപിളും മറ്റു പലസാംപിളും പരിശോദിച്ച് വിശദമായ റിപ്പോര്‍ട്ട് വന്നൂ. തലേന്ന് രാത്രി അവളുടെ നല്ല നടപ്പ് തെറ്റിച്ചത് മെറ്റാബുലൈറ്റ് അഡ്രിനോള്‍ എന്ന ഉത്തേജകമരുന്നായിരുന്നൂ.

വാര്‍ത്തവന്ന് ഞെട്ടല്‍മാറുംമുമ്പേ എതോ വിഷനില്‍ പൊട്ടികരഞ്ഞുകൊണ്ട് റാണി പ്രതികരിച്ചൂ....

'മെറ്റാബുലൈറ്റ് അഡ്രിനോള്‍, മേടിച്ച് കഴിക്കരുത്, പ്ലീസ്... അവന്‍മാര്‍ കമ്പ്ലീറ്റ് പറ്റിക്കലാ, വെയിസ്റ്റ് സാധനം. വെറുതെ കാശ് പോയി. ഒന്നാം സ്ഥാനം പോയിട്ടൊരു മൂന്നാം സ്ഥാനം പോലും കിട്ടിയില്ലാ.. ആറാംസ്ഥാനം. ഫൂ... അതുണ്ടാക്കുന്നവനെ എങ്ങാനുമെന്റെ കയ്യി കിട്ടിയാ അവന്റെ ആറാംവാരിക്കിട്ടു ഞാനൊരു അലക്കലക്കിയേനെ. ഹും... "

ബ്ലും !...

ഒരു മെറ്റാബുലൈറ്റ്.. ... .. ആ അതുതന്നെ.

അയ്യോ അലീ പോവല്ലേ...

2010-10-12T20:36:00.003+05:30

തെരുവുനാടകം: അയ്യോ അലീ പോവല്ലേ...
രജന സംഭാഷണം സംവിധാനം: പ്രഭാകരന്‍ കോട്ടപ്പള്ളി

"അയ്യോ അലീ പോവല്ലേ...
അയ്യോ അലീ പോവല്ലേ..."

"ചേരി ചേര പ്രസ്ഥാനത്തിന്റെ കേരളത്തിലെ പ്രധാന ഭാഗഭാക്കായിരുന്ന അലിയെ വിഭാഗീയതയുടെ രക്തസാക്ഷിയാക്കീ, അല്ലേ?"
"എന്ത് ?"
"വിഘടന വാദികളും പ്രതിക്രിയാ വാദികളും പ്രധമ ദൃഷ്ട്യാ അകല്‍ച്ചയിലായിരുന്നെങ്കിലും
അവര്‍ക്കിടയിലുള്ള അന്തര്‍ധാര സജീവമായിരുന്നൂ"
"അത് പോയന്റ്, അതിവിടെ കുറച്ചായിട്ടങ്ങനെയാണല്ലോ.."
"ആ, പിന്നെ ബൂര്‍ഷ്വാസികളും തക്കം പാര്‍ത്തിരിക്കയായിരുന്നൂ"
"വാസ്തവം, അതാണല്ലോ പലതിലും പ്രതികരണമായി വന്നത്"
"അല്ലാതെ, വര്‍ഗ്ഗാധിപത്യവും കൊളോണിയലിസ്റ്റ് ചിന്താ സരണികളും, റാഡിക്കലായിട്ടുള്ള ഒരു മാറ്റമായിരുന്നില്ല!!"
"അല്ലാ, ഇതു തന്നെയാണ് മനോജിനും ജോസഫിനും സംഭവിച്ചത്."
"ഉള്‍പാര്‍ട്ടി ജനാധിപത്യം അനുവദിച്ചിട്ടുണ്ട് എന്നതു ശരി തന്നെ, ഒന്നിച്ചിരുന്നു സംസ്ഥാന സമ്മേളനങ്ങളും നടത്തീട്ടുണ്ട്. എന്നുവച്ച് പാര്‍ട്ടിയിലെ ബുദ്ധിജീവികളെ ചോദ്യം ചെയ്യരുതായിരുന്നൂ.."
"അല്ലപിന്നെ, അങ്ങനെ ചെയ്താ ഏത് ഉത്തമനും പാര്‍ട്ടി പുറത്തേക്കു വഴി കാണിക്കില്ലേ..."

"അച്ചടക്കമില്ലാതെ പെരുമാറിയാല്‍ അറിയലോ... പാര്‍ട്ടിയതു പഠിപ്പിക്കും. ക്രിയാത്മകമായ ചര്‍ച്ചയിലുരുത്തിരിഞ്ഞുവന്ന ഒരു കാര്യം എന്താണെന്നുവച്ചാല്‍ മറ്റേപാര്‍ട്ടീ, അവിടെ കൊള്ളാവുന്ന ചില ചെറുപ്പക്കാരുടെ ഗാപ്പ് വന്നിട്ടുണ്ട്. ആളുകള്‍ക്കവരോട് പണ്ടത്തെയത്ര മതിപ്പില്ല. ഏതെങ്കിലും തരത്തില്‍ വല്ല പെണ്‍ വണിഭ കേസിലോ കള്ളനോട്ടുകേസിലോ പെട്ട് നാറാത്തവര്‍ അവിടെ കുറവാണ്.ജനങ്ങള്‍ അവരെ കാര്‍ക്കിച്ച് തുപ്പുന്ന ഒരു പരിത സ്ഥിതിയാണിപ്പോഴുള്ളത്. അവിടെ ആറുമാസത്തിനുള്ളില്‍ അലിക്കു ഇവിടെ നഷ്ടപ്പെട്ടതെല്ലാം വീണ്ടെടുക്കാം. "
"അതാണ്, അതു തന്നെ യാണ് കാര്യം."
"ഇനി സ്വതന്ത്രരെ പിന്തുണയ്ക്കുമ്പോ ചില ചോദ്യങ്ങളൊക്കെ ചോദിച്ചു ഇന്റര്‍വ്യൂ എടുത്തിട്ടേ പാര്‍ട്ടി പിന്തുണയ്ക്കൂ..."
"അതു വേണ്ടതാണ്. അല്ല എന്നാലും എന്തൊക്കെ ചോദിക്കും?"

"അധ്വാനിക്കുന്ന തൊഴിലാളി വര്‍ഗ്ഗത്തിന്റെ മോചനത്തിന്ന് വേണ്ടി തോളോട് തോള്‍ ചേര്‍ന്ന് പ്രവര്‍ത്തിക്കാന്‍ തയ്യറുണ്ടോ ?"
"രണ്ടാമത്തെ ചോദ്യം ?"

"'ഭൂര്‍ഷ്വാസി കം സലീം' എന്ന പുസ്തകം വായിച്ചിട്ടുണ്ടോ? അല്ലെങ്കില്‍ ഡൌണ്‍ട്രോടണ്‍ എ ക്വസ്റ്റ്യന്‍ മാര്‍ക്ക്, ആഡന്‍ സസ്കിലിയുടെ പുസ്തകം? അതുമല്ലെങ്കില്‍ ദാസ് കാപിറ്റല്‍?"
"അതെ അതെ, വായനാ ശീലം പാര്‍ട്ടിക്കത്യാവശ്യമാണ്. അപ്പൊഴല്ലെ സധാരണക്കാരന് മനസ്സിലാവാത്തത് പറയാന്‍ പറ്റൂ"

"പിന്നെ ചില നിബന്ധനകളും പാര്‍ട്ടി വെക്കും."
"വേണം, അതേതൊക്കെയാ?"

"അഥവാ ജയിച്ചാല്‍ ആര്‍ഭാടങ്ങളൊന്നും പാടില്ല. പാര്‍ട്ടിയാപ്പീസില്‍ വെച്ച് വളരെ ലളിതമായ ഒരു ചടങ്ങ്. ബ്രാഞ്ച് സെക്രടറി ഒരു രക്തഹാരമങ്ങോട്ടണിയിക്കും ജയിച്ച സ്ഥാനാര്‍ഥി ഒരു രക്തഹാരം തിരിച്ചണിയിക്കും. അതിന്നുശേഷം അരമണിക്കൂര്‍നേരം പാര്‍ട്ടിപ്രവര്‍ത്തകര്‍ എതിരാളിയെ കുടുമ്പത്തോടെ തെറിപറയുന്ന മുദ്രാവാഖ്യങ്ങളുറക്കെ വിളിക്കും, പിന്നൊരു ഗ്ലാസ്സ് നാരങ്ങാ വെള്ളം. അത്രയേ ഉള്ളൂ."

"മതി, അത്രമതീ"

"പിന്നെ ഒളിവില്‍ പോവാന്‍ തയാറായിരിക്കണം, കോടതിയെ തെറിവിളിച്ചാല്‍ മിക്കവാറും ഒളിവിലൊക്കെ പോവ്വേണ്ടി വരുമല്ലോ."

"പിന്നേ വേണ്ടിവരും"

"ഒരു വിപ്ലവപ്പാര്‍ട്ടിയുടെ നേതാവ് എന്തും സഹിക്കാന്‍ പ്രാപ്തനും പ്രാപ്തയും [50:50] ആയിരിക്കണം. ചിലപ്പോ വെടിയുണ്ടകളെ നേരിടേണ്ടി വന്നേക്കം. അപ്പോ വിരി മാറു കാണിച്ചു കൊടുക്കേണ്ടി വരും. അധിനു ധൈര്യമുള്ളയാളായിരികണം."

"പിന്നല്ലാതെ.. "

"ഹാവൂ ഇനിയൊരു പരിപ്പുവടേം ചായേം ദിനേശ് ബീഡീം ആവാം. "

"അതുകഴിഞ്ഞ് ബിരിയാണീം കൊക്കകോളേം. പിന്നെ ഒരു ഫ്രൂട്സലാഡ്."

"മതി... പിന്നെ വൈകീട്ടൊരു നാരിയല്‍കാ പാനി"

"എന്നാലും..."

അയ്യോ അലീ പോവല്ലേ...

ബ്ലും !...

ചില സ്ഥാനമാനങ്ങള്‍ കുളത്തിലേക്ക് വീണു. ആരോ രാജിവെച്ചതാ...

ഗര്‍ണാടകം!

2010-10-12T09:15:00.000+05:30

ആദ്യം മുഖ്യന്‍ കയറി ഫോര്‍വേഡ് കളിച്ചൂ.
പിന്നെ കുമാരന്‍.
അതിന്റെ മണ്ടയ്ക്ക് സ്പീക്കര്‍.
ഇപ്പോ ഗവര്‍ണറും !
കേരളത്തിലാണേല്‍ എന്തോരം ഹര്‍ത്താലു വീഴണ്ട കാലമായീ...

ഇങ്ങനെ തുപ്പലുകൊണ്ടൊട്ടിച്ചാലെന്തോരം കാലം നിക്കും???

ബ്ലും!
എന്തോ ഒന്നു കുളത്തില്‍ വീണു, മന്ത്രിസഭയാണോന്നു നോക്കട്ടേ...

കോണ്ഡം വെല്‍ത് ഗെയംസ് !

2010-10-11T08:28:00.001+05:30

ഇതുവരെ ഗെയിംസ് വില്ലേജിലുള്ള കോണ്ഡം വെന്‍ഡിങ്ങ് മെഷീനിലെല്ലാത്തിലും കൂടെ പതിനായിരം കോണ്ഡംസ് വെച്ചത് തീര്‍ന്നെന്ന് കോമണ്‍വെല്‍ത്ഗെയിംസിന്റെ സംഘാടക സമിതി. ഇനിയും ഒരു പതിനായിരം കൂടി വേണ്ടിവരുംന്ന് !

ഇതെന്താ ഇങ്ങനെന്നു ചോദിച്ചപ്പോ .. 'ഊ ഊ ഊ....' ന്നുത്തരം !

അതിപ്പോ ഇന്ത്യക്കാരന്റെ സ്റ്റാന്‍ഡേര്‍ഡനുസരിച്ച് നിരോധ് ആണോ വെച്ചത്, അതോ പാശ്ചാത്യ സ്റ്റാന്‍ഡേര്‍ഡനുസരിച്ച് ഡ്യുറക്സ് ഫ്ലേവേര്‍ഡ് ആണോ വെച്ചത് അതോ ഇത്തിരികൂടെ കൂട്ടി കാമ സൂത്ര പ്ലാറ്റിന, അതും ഡോട്ടഡ്, ആണോ വെച്ചത് എന്നറിയാന്‍ പല ലേഖകരും പലരെയും കണ്ടു. അവിടെനിന്നൊക്കെ കിട്ടിയ ഉത്തരവും 'ആ? ഞാനാടൈപ്പല്ലാന്നു' തന്നെ.

"എന്നതാ കര്‍ത്താവേ നിന്റെ പാവം കുഞ്ഞത്‌ലറ്റുകള്‍ ഗെയിംസ് വില്ലേജിന്നുള്ളില്‍ ചെയ്യുന്നത്? എന്നാആയാലും ഇനി ഇതു കഴിയുമ്പോ ഗെയിംസ് വില്ലേജിന്നുള്ളില്‍ നിന്നും നമ്മുടെ ലോക്കല്‍ ഫോട്ടോഗ്രാഫേര്‍സ് പിടിച്ച സീക്രട് കാമറ മൂവീസ് മെയിലില്‍ സര്‍ക്കുലേറ്റ് ചെയ്യുമ്പോ ഈ കുരുത്തംകെട്ടവന്റെ മെയില്‍ ഐഡി കൂടി ലൂപ്പില്‍ വെച്ചേക്കണേ... മറക്കല്ലേ.. ആമീന്‍..."

ബ്ലും!
എന്തോ ഒന്നു കുളത്തിലേക്ക് വീണു...

"ബെര്‍ല്യച്ചായന്‍ സെലെക്റ്റീവ് ആകണം" !

2010-09-23T08:29:00.001+05:30

ബെര്‍ല്യച്ചായന്‍ 1000 പോസ്റ്റ് ഇട്ട് മലയാളബ്ലോഗില്‍ 'ചാരിത്ര്യം' കുറിച്ചൂന്ന് ഇന്നലെ അവിടെ പോയപ്പോ വായിക്കാനിടവന്നു. സന്തോഷം. ബെര്‍ല്യച്ചായന്‍ ഇനിയും ഒരായിരം പോസ്റ്റിട്ട് മൊത്തം മലയാളം ബ്ലോഗിന്റെ 'ചാരിത്ര്യം' വീണ്ടും തിരുത്തി കുറിക്കുന്ന വരെ ആ കംമ്പ്യൂട്ടറിന്ന് ആയുസ്സുണ്ടാവട്ടെ....

ഈ അവസരത്തില്‍ പറയാനുള്ളതെന്താണെന്ന് വച്ചാല്‍, അച്ചായന്‍ സെലക്റ്റീവാവണം. അച്ചായനെപ്പോലുള്ള വലിയ വലിയ ബ്ലോഗ്ഗര്‍മാര്‍, ബ്ലോഗു കലയുടെ മര്‍മ്മമറിഞ്ഞവര്‍, പുതുമുഖ ബ്ലോഗ്ഗര്‍മ്മാര്‍ക്ക് ചാന്‍സ് കൊടുക്കണം. ഈ കണ്ട ചീള്‌ വിഷയങ്ങള്‍ക്കെല്ലാം അച്ചായന്‍ കയറി അഭിനയിക്കേണ്ട, ഛെയ്, തലവെയ്ക്കേണ്ട വല്ല കാര്യവുമുണ്ടൊ? അതെല്ലാം പുതിയ പുതിയ ബ്ലോഗ്ഗര്‍മാര്‍ക്ക് കൊടുത്തൂടേ?

ഇങ്ങനെയൊക്കെ ചെയ്തില്ലെങ്കില്‍ ഇവിടെ എങ്ങനെ പുതിയ ബ്ലോഗര്‍മാരുണ്ടാവും? ഇപ്പോതന്നെ ബെര്‍ല്യച്ചായന്റെ ബ്ലോഗിനെന്തൊരു ഇനിഷ്യല്‍ പുള്ളാ, സംഭവം കൂതറയാണെങ്കിലും സ്വയംമ്പന്‍ സാധനമാണെങ്കിലും ഇനിഷ്യല്‍ പുള്‍ കാരണം ഒരു പാടു കമെന്റുകള്‍ അവിടെ കിട്ടുന്നുണ്ട്. ഇങ്ങനെ ഡെയ്‌ലി അങ്ങോര്‍ ബ്ലോഗിട്ടുകഴിഞ്ഞാ ബാക്കി ഉള്ള ഇളം തലമുറബ്ലോഗ്ഗര്‍മാരുടെ ഒക്കെ ബ്ലോഗില്‍ ഹിറ്റ് കൂറയില്ലേ? അവിടെ കലക്ഷന്‍ കുറയില്ലെ? അവരെ പെണ്‍പിള്ളാരു മൈന്റു ചെയ്യുമോ?വേണ്ട മലയാളം ബ്ലോഗ്ഗിണികളിലെ ബഹു ഭൂരിപക്ഷമുള്ള ആന്റിമാര്‍ പോലും തിരിഞ്ഞു നോക്കുമോ?

ഇപ്പോതന്നെ വന്ന് വന്ന്, ഞങ്ങടെ ഓഫീസില്‍, പിള്ളേര്‌ സിസ്റ്റം ഓണ്‍ ചെയ്താ ആദ്യം ബെര്‍ല്യച്ചായന് നേര്‍ന്നിട്ടാ മനോരമ വരെ തുറക്കുന്നത്. അവിടെ ചെന്ന് ഐറ്റം ഡാന്‍സിന്റെ വര്‍ണ്ണ ചിത്രങ്ങളോടെയുള്ള പോസ്റ്ററുള്ള രണ്ട് ബ്ലോഗ് വായിച്ചു കഴിഞ്ഞാ പിന്നെ വെറും പുതുമുഖ ബ്ലോഗറൊക്കെ തലേന്ന് രാത്രി ഉറക്കമിളച്ചിരുനു പണ്ടാരമടങ്ങി ഇല്ലാത്ത തമാശയൊക്കെ ആലോചിച്ച് എഴുതിയ ബ്ലോഗ് വായിച്ചാലൊന്നും ഒരു 'ഗുമ്മ്' കിട്ടത്തില്ലാന്നാ ലവരൊക്കെ ഇപ്പൊ പറയുന്നേ.

അതെങ്ങനാ, ഈ ഉപഭോഗ സമ്സ്കാരം പടര്‍ന്ന് പിടിച്ചതില്‍ പിന്നെ, ഫോറിന്‍ ലിക്കറങ്ങു രണ്ടു പെഗ്ഗ് ചെന്ന് കഴിഞ്ഞാ പിന്നെ കുറ്റിപ്പുറം നാടനടിച്ചാ വല്ലതും അവോ? അല്ല എന്തിനെങ്കിലും ആവോ? എവടന്ന് !

പണ്ടൊക്കെ, രണ്ടായിരത്തിന്റെ തുടക്കങ്ങളില്‍, 'ബെര്‍ളിത്തരങ്ങള്‍ ഡോട് ബ്ലോഗ്‌സ്പോട്ടെന്ന' ബാനറില്‍ ഗൂഗ്ഗിള്‍ പ്രൊഡ്യൂസ് ചെയ്തിരുന്ന സമയത്ത്, അച്ചായന്റെ ബ്ലോഗ്ഗുകള്‍ കാര്യപ്രസക്തവും ആക്ഷേപ ഹാസ്യവും നിറഞ്ഞ് മലയാളികളെ ചിരിപ്പിച്ചും ചിന്തിപ്പിച്ചും മുന്നേറിയിരുന്നതായിരുന്നൂ. എന്നാലിടക്കാലത്ത്, പുലി, 'ബെര്‍ളിത്തരങ്ങള്‍ ഡോട് കോം' എന്ന ബാനറില്‍ സ്വന്തമായി ബ്ലോഗ്ഗുകള്‍ നിര്‍മ്മിച്ച് വിത്രണം ചെയ്യാന്‍ തുടങ്ങിയതോടെ ബ്ലോഗിന്റെ കഥയിലും തിരക്കഥയിലും കാര്യമായി കോട്ടം തട്ടിയില്ലേ എന്ന് സംശയിക്കേണ്ടിയിരിക്കുന്നൂ.ബ്ലോഗിന്റെ കൂടെ ഇടുന്ന ചിത്രങ്ങളിലെ ശരീര ശാരീര വടിവുകളും വിടവുകളും കൂടുതല്‍ മിഴിവുറ്റതാക്കാനുള്ള ശ്രമം ഇവിടെ പ്രത്യേകം അഭിനന്ദനമര്‍ഹിക്കുന്നൂ എന്ന കാര്യവും സൂചിപ്പിക്കണ്ട് വയ്യാ.

ഈ ഭൂലോകത്ത് ഹോമോ സാപ്പിയന്‍ എന്ന ശാസ്ത്രീയ നാമത്തില്‍ 'അതും ഇതും' ഉള്ള ആര് ഐറ്റം ഡാന്‍സ് കളിച്ചാലും അങ്ങോട്ട് കാമറ തുറന്ന് വെയ്ക്കുന്ന അച്ചായന്റെ ബ്ലോഗ്ഗുഗള്‍ ഇതുവരെ മലയാളികള്‍ക്ക് മനസ്സിന്റെ ഒരു വിങ്ങലായിരുന്നു. ഇനി അതൊക്കെ അച്ചായന്‍ കുറയ്ക്കണം, ഇതുപോലുള്ള ചില്ലറ കേസുകെട്ടുകള്‍ ആധുനിക ഭൂലോകത്തിലെ നവ ബ്ലോഗര്‍മ്മാര്‍ക്ക് വിട്ടു കൊടുക്കൂ അച്ചായാ. അവര്‍ക്കും കിട്ടട്ടെ ആ പ്രശസ്തി, പ്രശംസ.

അച്ചായന്‍ കാര്യമാത്ര പ്രസക്തമായ വിഷയങ്ങളില്‍ അച്ചായന്റെ പ്രതിഭയുടെ മിന്നലാട്ടങ്ങള്‍ കൊണ്ടുവരണം എന്നതാണ് ഒരു നവ അഭിനവ ബ്ലോഗറെന്ന നിലയില്‍ എനിക്കു പറയാനുള്ളത്. പിന്നെ അച്ചായന്റെ തന്നെ സ്വന്തം മെഗാസ്റ്റാര്‍ ചെയ്യുന്ന പോലെ ഉയര്‍ന്നുവരുന്ന ചില ബ്ലോഗ്ഗ് താരങ്ങളെ ചേര്‍ത്ത് നിര്‍ത്തി വ്യത്യസ്തമായ ശൈലികളില്‍ ഉള്ള ബ്ലോഗ്ഗുഗകളും പരീക്ഷിക്കാവുന്നതാണ്.

ഞാന്‍ അതി വിനയപൂര്‍വ്വം നിര്‍ത്തട്ടേ.

നിങ്ങള്‍ക്കും അച്ചായനും ഒരിക്കല്‍കൂടി നന്‍മകള്‍ നേരുന്നു.

കൂപ്പു കൈ.

ജൈ ഹിന്ദ്.

ഹൌ... ഒരു ഗ്ലാസ് നാരങ്ങാ വെള്ളം, ഐസിട്ടത്...

ഒരായിരത്തിന്റെ മുങ്ങല്‍,

ബ്ലും !

തുടങ്ങീ..പാലം തകര്‍ന്നൂട്ടാ...

2010-09-22T08:36:00.002+05:30

അങ്ങനെ പാലം തകര്‍ന്നൂട്ടാ
എവിടെ?
ഡെല്ലീല്.
റെയില്‍വേ മേല്‍പ്പലമാണോടാ...
അല്ലാ...
പിന്നെ?
കോമണ്‍വെല്‍ത് ഗെയംസ്സ്റ്റേഡിയത്തിലേക്കുണ്ടാക്കിയനടപ്പാലം.
ശ്ശൊ, ആകെ നാണക്കേടവുമല്ലോ.

പിന്നെ, അങ്ങനെയൊന്നുമില്ല.
അതെന്താ?
ഗഡീ, ജപ്പാന്‍ രണ്ടാം ലോക മഹായുദ്ധത്തില്‍ കംബ്ലീറ്റ് തകര്‍ന്നടിഞ്ഞില്ലേ.
അതിന്?
എന്നിട്ടവരല്ലേ ഇപ്പൊഴും ടോപ്പ്, ഫിനീക്സ് പക്ഷിയെപ്പോലെ അവരു ഉയര്‍ത്തെഴുന്നേറ്റില്ലേ?
അതും പാലവും തമ്മിലെന്തൂട്ട് ബന്ധം ?
ഇതു വെറും ഒരു പാലം, രാഹുല്‍ഗാന്ധിവിചാരിച്ചാ ഈ പാലൊക്കെ നിമിഷനേരം കൊണ്ട് വീണ്ടും കെട്ടി, ഡെല്ലി ഫിനീക്സ് പക്ഷിയെപ്പോലെ ഉയര്‍ത്തെഴുന്നേറ്റ് കോമണ്‍വെല്‍ത് ഗെയിമ്സ് നടത്തൂടാ...

കുറച്ചു വല്ല്ല്യ ഒരു കൂട് കിട്ട്വോ?
എന്തിനാ?
അല്ല കിട്ടുവോ?
എന്തിനാടാ രാവിലെതന്നെ നിനക്കൊരു കൂട്?
അല്ല ആ ഫിനീക്സ് പക്ഷിയെ കോമണ്‍വെല്‍ത്ത് കഴിയുന്നവരെയെങ്കിലും കൂട്ടിലിട്ടു വെക്കാനാ....
നിനക്ക് വട്ടായോ?
ഏയ്...
പിന്നെ?
ഇതുപോലെ പോവാണേല് മിക്കവാറും കോമണ്‍വെല്‍ത്ത് തീരണേന്റെ മുന്നെ ഫിനീക്സ് പക്ഷിയങ്ങു പറന്നുപോവേം ചെയ്യും കോമണ്‍വെല്‍ത്ത് 'ഗോ'മണ്‍വെല്‍ത്താവേം ചെയ്യും. അതാ...

പാലത്തിന്റെ ഒരു കഷ്ണം കുളത്തിലേക്ക്...
ബ്ലും!

ടയോട്ടാ നൂലന്‍ !

2010-08-07T15:48:00.001+05:30

"അവസാനം ഇന്ത്യക്കാര്‍ക്ക് 'എക്‌ചാറ്റ്ലി' എന്താണ് വേണ്ടത് എന്ന് ടയോട്ടേം മനസ്സിലാക്കി. "
"എന്താത് ?"
" നൂല്` ! "
"എന്തോന്ന്?"
" കയ്യീകെട്ടണ നൂല് ! "
"തെളിച്ചു പറ"
"ടയോട്ടേടെ പുതിയ പരസ്യത്തീക്കണ്ടതാ, 'ഇന്ത്യക്ക് എന്താണ് വേണ്ടതെന്ന് ടയോട്ട തിരിച്ച്റിയുന്നൂ' ന്നും പറഞ്ഞുള്ള പരസ്യത്തില്‍, സ്റ്റിയറിങ്ങിലും അതു പിടിച്ച ഒരു കയ്യിലും ഒരോ ചരടുകെട്ടിയിരിക്കുന്നൂ"
"ഓഹോ..."
"എന്നിട്ട് താഴെ 'കാത്തിരിക്കൂ ടയോട്ടാ എടിയോസ് ' ന്നും"
അപ്പൊ എടിയോസ്ന്നുപറഞ്ഞാ സംസ്കൃതത്തില്‍ നൂലെന്നാണോ അര്‍ഥം?
"ആ...! എന്നാലും വിശ്വാസം അതല്ലേ എല്ലാം..."
കയ്യീകെട്ടിയ മറ്റൊരു നൂല്...കുളത്തിലേക്ക് ...

ബ്ലും... !

പോളിനോട് ചോദിക്കാം!

2010-07-28T16:24:00.002+05:30

ഈ മാസം കെട്ട് നടക്കുമോ അതോ എപ്പൊഴെങ്കിലും നടക്കുമോ?ഗോപാലേട്ടന്റെ വീട്ടില്‍ തുണിയലക്കുന്നതും ഭക്ഷണം ഉണ്ടാക്കുന്നതും ഗോപാലേട്ടനോ അതൊ ഭാര്യയോ? കൊച്ചമ്മിണി യധാര്‍ത്ഥത്തില്‍ കുഞ്ഞിരാമേട്ടനെ സ്നേഹിച്ചിരുന്നോ? മാനേജര്‍ക്ക് നാളെ ഹാര്‍ട്ട് അറ്റാക്ക് വരുമോ? ഇവിടുന്ന് നാലാമത്തെ ക്യുബിളിക്കിളിലിരിക്കുന്ന കുഞ്ഞന്നയെ പ്രൊപോസ്ചയ്യാന്‍ ഞായറാഴ്ച പള്ളിതിരിഞ്ഞിട്ട് നല്ല സമയമാണോ? എന്നു തുടങ്ങി രാഹുല്‍ ഗാന്ധി അടുത്ത പ്രധാനമന്ത്രിയാവുമോ എന്നുവരെയുള്ള മനസ്സിന്റെ നീറുന്ന പ്രശ്നങ്ങള്‍ പോളിനോട് ചോദിക്കം.

കടന്ന് വരൂ കടന്ന് വരൂ കടന്ന് വരൂ.. മടിച്ചുനിക്കാതെ കടന്നുവരൂ... ആര്‍ക്കും വരം. ഏത് കൊമ്പത്തെ ബ്ലോഗര്‍ക്കും വരാം.

http://www.paulpredicts.com/

ഉത്തരം പ്രതീക്ഷനല്‍കുന്നില്ലെങ്കില്‍ സൂര്യാടിവിയിലെ രാശിഫലത്തിലേക്ക് പരിഹാരക്രിയപറഞ്ഞുതരാന്‍ പറഞ്ഞു കത്തയക്കുക. അയക്കേണ്ട വിലാസം....

ഞാന്‍ മുങ്ങീ...
ബ്ലും !

ചേതന്‍ ഇഫക്റ്റ്!

2010-07-25T11:38:00.001+05:30

ഏതാണ്ടൊരു നാലുകൊല്ലം മുമ്പ് ഞങ്ങടെ നാട്ടിലൊരു മണ്‍കലം ഉണ്ടാക്കിവില്ക്കുന്ന ഒരു ചേച്ചിക്ക് അഞ്ച് ലക്ഷത്തിന്റെ ലോട്ടറി അടിച്ചൂ.ലോട്ടറി ടിക്കറ്റെടുത്തത് പൊടിക്കല്‍പ്പം കുറവുള്ള ഗംഗാധരന്റെ അടുത്തുനിന്ന്.... അന്നുവരെ ഈച്ചയെ അടിച്ചുനിന്ന് ആള്‍ക്കരുടെ പുറകേക്കൂടി ലോട്ടറി എടുപ്പിച്ചിരുന്ന ഗംഗാധരന്റെ അടുത്തുനിന്നും പിന്നെ ലോട്ടറി എടുക്കാന്‍ പാര്‍ട്ടി ഭേദമന്യേ ചുവപ്പനും നീലനും പച്ചക്കാരനും അടക്കം വന്‍ ക്യൂവായിരുന്നൂ!

കുരുത്തമ്കെട്ടവന്റെ ഒരു സുഹൃത്ത്, അടുത്ത്, ബങ്ക്ലൂരിലെ ഒരു അറിയപ്പെടുന്ന ബുക്സ്റ്റാളില്‍ ഏതെങ്കിലുമൊരു പുതിയ പുസ്തകം മേടിച്ചേക്കാന്നുകരുതി കരുതി കയറി. (വെറുതെ, ബോറടിക്കുമ്പോ വായിക്കാന്‍!) എല്ലാം വളരെ അടക്കി ഒതുക്കി വെച്ചിരിക്കുന്ന അവിടെ, ദേണ്ടെ ഐ ഐ ടി എഴുത്തുകാരുടെ മാത്രം ഒരു സെക്ഷന്‍ ! ശ്ശോ, ഒരു ചേതന്‍ ഭഗത്തൊരു എഴുത്തുകാരനായി, ബെര്‍ളിയെക്കാള്‍ വലിയ സെലിബ്രിറ്റിയായത്കൊണ്ടാണോ ആവോ, സകല ഐ ഐ ടി ക്കാര്‍ക്കും കഥയെഴുതാന്‍ മുട്ടിത്തുടങ്ങീന്നു തോന്നുണൂ.

എന്നാപിന്നെ ഐ ഐ ടിബുക്കുതന്നെ എന്നുംകരുതി അതുംമേടിച്ച് വായിച്ച് മൂന്നാംനാള്‍ റിവ്യൂ പറഞ്ഞൂ. "ഐയ്യേ!"

ചേതന്‍ഭഗത്തിന്റെ അടുത്തബുക്കുംകൂടെ സിനിമയായാല്‍ ഒരുപാട് ഐ ഐ ടി ബുക്കുകള്‍ കുളത്തിലേക്ക് വരും "...ന്നാ തോന്നണേ..."[അപ്പുകുട്ടന്‍ ടവ്വെലെടുത്തൂ...]!
ബ്ലും!

മൈക്രോമാക്സ്:ഒരു ഫോണ്‍ റിവ്യൂ !

2010-07-23T08:55:00.000+05:30

അക്ഷരങ്ങളെല്ലാമുള്ള പണ്ടാര കീബോര്‍ഡുള്ള മൊബൈല്‍ ബ്ലാക്ക്ബെറി മാത്രമാണെന്ന വിശ്വാസത്തോടെ നടന്ന കുരുത്തംകെട്ടവന്റെ മുന്നില്‍ തികച്ചും ആകസ്മികമായി പ്രത്യക്ഷപ്പെട്ട മൈക്രോമാക്സ് മൊബൈല്‍, ബ്ലാക്ക്ബെറിയുടെ താരസങ്കല്‍പ്പത്തിനുമുകളില്‍ കരിനിഴല്‍ വീഴ്ത്തി. ലോ ലതിനായിരം എണ്ണിക്കൊടുത്ത് വാങ്ങേണ്ട ബ്ലാക്ബെറിയുടെ സ്ഥാനത്ത് വെറും മുവ്വായിരത്തി എണ്ണൂറുമാത്രം കൊടുത്തൊരു മൈക്രോമാക്സും കൊണ്ട് ഞാന്‍ പടികളിറങ്ങീ.അപ്പോളവന്റെ കണ്ണുകള്‍ നിറഞ്ഞിരുന്നോ? ഹൃദയമിടിപ്പ് നിന്നിരുന്നോ? മായാവിയെ കുട്ടൂസന്‍ കുപ്പിയിലടച്ചിരുന്നുവോ ?...ഏയ്, ഒന്നും ഉണ്ടായിരുന്നില്ല. ജലദോഷംകൊണ്ടുണ്ടായ വെറും രണ്ടു തുമ്മലൊഴിച്ച്!

♪♪ബ്ലാക്ബെറിയില്ലെങ്കിലും ത്രീജീയൊന്നില്ല്ല്ലെങ്കിലും
പൊന്നിന്‍കുടം നീ എനിക്ക് പൊന്നിന്‍കുടം... ♪♪
എന്ന പാട്ടൊക്കെ മൂളി ജാഡസങ്കല്‍പ്പങ്ങള്‍ക്ക് ഒട്ടും കുറവില്ലാതെ, ലിഫ്റ്റ്, ഓഫീസില്‍ കയറാനുള്ള ക്യൂ, ഫുഡ് കോര്‍ട്ട് എന്നീ നാലാളുകൂടുന്നിടത്തെല്ലാം വച്ച് വന്‍ മെസ്സേജ് ടയ്പ്പിങ്ങും അയക്കലും തുടങ്ങീ. കാണുന്ന ക്ലാവറുകള്‍ക്കറിയില്ലല്ലോ ഇതു ബ്ലാക്ക്ബെറിയാണോ മൈക്രോ ബെറിയാണോ എന്നുള്ള കാര്യം!

മുവ്വായിരത്തി എണ്ണൂറിന്റെ ഒടുക്കത്തെ ജാഡ കാരണം പലരും വന്ന് മൊബൈലൊക്കെ നോക്കന്‍ തുടങ്ങീ. സ്വകാര്യമായി ലവരോടൊക്കെ ഞാന്‍ പറഞ്ഞൂ, മൂവ്വായിരത്തി എണ്ണൂറ്, പുതിയ ചിഹ്നമുള്ള ഇന്ത്യന്‍ രൂപ! കേട്ടവരെല്ലാം ഞെട്ടി. പലരും ചങ്കു തകര്‍ന്നൂ മരണവക്കോളമെത്തീ. 'കാശുകളഞ്ഞ് മേടിച്ച മൊബൈലുകൊണ്ടൊന്നും ഇത്രേം ജാഡ് കാണിക്കന്‍ പറ്റുന്നില്ലല്ലോ ഈശ്വരാ' എന്ന് ആരും കേള്‍ക്കാതെ പറഞ്ഞൂ. 'ഇതു മേടിച്ച് മൂന്നിന്റന്ന് പൊട്ടിത്തെറിക്കും' എന്നും ലവന്‍മാര്‍ അടക്കം പറഞ്ഞൂ!

പക്ഷേ കേട്ടതിലേറ്റവും വന്‍ റിവ്യൂ,ലഡുതൊട്ട് ജിലേബിവരെ എന്തിനും സ്വന്തമായഭിപ്രായമുള്ള നമ്മടെ സ്വന്തം ചേതന്‍ ചന്ദ്രദാസ് [ഈ ചേതന്‍ ഭഗത്ന്നൊക്കെ പറയണപോലെ, അല്ലെ?] പറഞ്ഞതാണ്...

'മൈക്രോമാക്സ്! ഈ കമ്പനീന്ന് നാലായിരത്തി അഞ്ഞൂറിന് മുകളിലുള്ള ഒരൊറ്റ മൊബൈലുപോലും മേടിക്കാന്‍ പറ്റില്ല കെട്ടോ.... കാരണം അവരതിന്നുമുകളില്‍ വിലയുള്ള മൊബൈല്‍ കണ്ടുപിടിച്ചിട്ടുപോലുമില്ല. എന്നാലോ ഇതീന്ന് മിസ്സൈല് വരെ ലോഞ്ച് ചെയ്യാം കെട്ടോ.... അതിന്നുവരെയുള്ള കിടിനാപ്പ് ഇതിലുണ്ട് !'

പുള്ളിപറഞ്ഞതിലും കാര്യമില്ലാതില്ല. തോമസ്‌ ആല്‍വാ എഡിസ്‌ ബള്‍ബ് കണ്ടുപിടിച്ചതിന്നിങ്ങോട്ട് ഇന്നലെവരെയുള്ള എല്ലാ കണ്ടുപിടുത്തങ്ങളും മൂന്നും നാലും കൂട്ടി ഏഴ് Gയൊഴിച്ച് എല്ല്ലാം ഈ സംഭവത്തിലുണ്ട്. GTalk ഉം ഫേസ്ബുക്കും POP 3 / IMAP മെയിലും ഔട്ട് ലുക്ക് സിങ്കും വരെ !

പിന്നെ ഓഡിയോയുടെകാര്യമാണെങ്കില്‍ സോണി ഏറിക്സണും നോക്കിയ E73യും പോലുള്ള വമ്പന്‍മാര്‍ അണിനിരന്ന നൂറ്മീറ്റര്‍ ഓട്ടമല്‍സരത്തില്‍ ഇന്‍ബില്‍ട്ട് യമഹാ ആമ്പ്ലിഫയറിന്റെ സഹായത്തോടെ, മൈക്രോമാക്സ്, മറ്റുള്ളവര്‍ സ്റ്റാര്‍ട്ടിങ്ങ് പോയന്റില്‍നിന്നും തുടങ്ങി ചുവടുകള്‍വെച്ച് ഒന്നു വാം അപ്പ് ചെയ്യുന്നതിന്നുമുന്നേതന്നെ, ഫിനിഷിങ്ങ് പോയന്റും കഴിഞ്ഞ് അപ്പുറത്ത് ഐസ് വിറ്റുകൊണ്ടിരുന്ന കുമാരേട്ടന്റെകയ്യില്‍ നിന്നും രണ്ടാമത്തെ സിപ്പ് അപ്പ് മേടിച്ച് കഴിച്ചോണ്ടിരിക്കുകയായിരുന്നൂ.

ഇങ്ങനെ പലരെയും പലതിനേയും തോല്‍പ്പിച്ച് താരമായ മൈക്രോമാക്സ് Q5 കുരുത്തംകെട്ടോന്റെ ടീമിലുള്ള പലരുടെയും ഉള്ളിലുണ്ടായിരുന്ന ബ്ലാക്ക് ബെറി സ്വപ്നത്തിന്നുമുകളില്‍ ഒരു മാലാഘയായി പറന്നിറങ്ങീട്ടുണ്ട്. ഇനി ഈ പണ്ടാരമെങ്ങാനും അടുത്ത് കേടായാല്‍...

ഞാന്‍ ബ്ലും!

വെട്ടുകള്‍ !

2010-07-15T23:49:00.000+05:30

രൂപയ്ക്ക് പുതിയ ചിഹ്നമുണ്ടായീ...

ചിഹ്നത്തിന്‌ ഡോളറിന്റേം യൂറോന്റേം പൌണ്ടിന്റേം ഒക്കെപോലെ ഒന്നു രണ്ടു വെട്ടുകള്‍ ഉള്ളതുകൊണ്ട് പുതിയനോട്ടിറങ്ങുമ്പോ ഒരു രൂപയുടെ വില മിനിമം ഒരു മുപ്പതുരൂപ അമ്പതുപൈസയെങ്കിലുമായി ഉയരുംന്ന് പ്രതീക്ഷിക്കാം ...ല്ലെ?

താണുപോണ രൂപയുടെ വില കുത്തനെ ഉയര്‍ത്താന്‍ ശ്രീ പരപ്പങ്ങാടി ഉണ്ണികൃഷ്ണപ്പണിക്കരോ മറ്റോ നിര്‍ദ്ദേശിച്ചതാണാവോ ഈ ചിഹ്നമാറ്റം? ഇനി അങ്ങനെ വല്ലോം ആണെങ്കി കയ്യിലുള്ള ഗംബ്ലീറ്റ് കാഷും പുതിയതാക്കി മാറ്റണം. ചെലപ്പോ ബിരിയാണി കൊടുക്കണ്ടങ്കിലോ...?

പഴയ ഒരു ഒരു രൂപ നേരെ കുളത്തിലേക്ക്.
ബ്ലും!

കട്ടയ്ക്ക്, ബെര്‍ളി ഫാന്‍!

2010-07-13T11:23:00.003+05:30

എന്നാപറയാനാന്നെ... ഈ കഴിഞ്ഞ വേള്‍ഡ് കപ്പ് ഫുട്ബോള്‍ കണ്ടപ്പോ ഞാന്‍ ഉരുണ്ടതായിട്ടുകണ്ടതെല്ലം പന്തായിരുന്നൂ. അവിടെയാണ് ബെര്‍ളിച്ചായന്റെ പ്രത്യേകത. അച്ചായന്‍ ഉരുണ്ടതായി കണ്ടതെല്ലാം മറ്റെന്തൊ[രോ!] ആയിരുന്നൂ!!! അച്ചായന്റെ കണ്ണാണച്ചായാകണ്ണ്. (മൂക്കും ചെവീം.) അത് കണേണ്ടതേ കാണൂ കേള്‍ക്കേണ്ടതേ കേള്‍ക്കൂ. ഇതൊക്കെ കസ്റ്റം മെയ്ഡാണോന്നാ [ന്നുവച്ചാ, പറഞ്ഞുണ്ടാക്കീത്!] ഈ കുരുത്തംകെട്ടോന്റെ ഒരു സംശയം.

എന്നും ബെര്‍ലിച്ചായന്‍ പോസ്റ്റുന്നുണ്ടോ,പോസ്റ്റുന്നുണ്ടോന്നു നോക്കിയിരിപ്പായിരുന്നൂ ആവണിപ്പൂംതിങ്കളും പിന്നെ ഞാനും. വെറുതെയല്ലച്ചായാ ഞാനൊക്കെ അച്ചായന്റെ കട്ട ഫാന്‍ ആയത്! വേള്‍ഡ് കപ്പ് തീരുന്നവരെ രാവിലെ മനോരമ ഓണ്‍ലൈനും, ചായേം പിന്നെ ബെര്‍ളിത്തരങ്ങളും എന്നതായിരുന്നു ദിന ചര്യ! എന്തൊരു കാലഘട്ടമായിരുന്നൂ അത്.. ശ്ശൊ.. ആലോചിക്കുമ്പോ കുളിരു കോരുന്നൂ...

അച്ചായന്റെബ്ലോഗില്‍ ഞാന്‍ മുങ്ങീ...

ബ്ലും!

വേള്‍ഡ് ഗപ്പ്

2010-07-11T11:18:00.003+05:30

ഒരു ഭാഗത്ത് കരുത്തരില്‍ കരുത്തനും സര്‍വോപരി ആരെയും ടാക്കിള്‍ ചെയ്ത് കറ്ക്റ്റായി ഗോളടിക്കാന്‍ കരുത്തുള്ള എട്ടുകാലുമായി 'പോള്‍' നീരാളിയും മറുഭാഗത്ത് എതിരാളികളുടെ ഗോളി പോസ്റ്റിലേക്ക് പന്തുകൊണ്ട് പറന്നുകയറാന്‍ കഴിവുള്ള തത്തയും [സോറി, പുള്ളിക്ക് പേരിട്ടോന്നറിയില്ല.] അണിനിരക്കുന്ന ഫിഫ വേള്‍ഡ് ഗപ്പ് 2010 ഇന്റെ ഫൈനല്‍ മല്‍സരത്തില്‍ ഞാന്‍ തത്തയുടെ ടീമാണ്.

നിങ്ങളോ????

അപ്പോ, തത്ത തോറ്റാല്‍ ... ?
ബ്ലും!

മമ്മൂട്ടിക്കും മുണ്ട് !

2010-07-05T15:17:00.000+05:30

ഒരല്‍പ്പം ഫ്ലാഷ് ബാക്ക്.
ബ്ലാക്ക് & വൈറ്റില്‍, ഒരുമാതിരി വെട്ടുകളുള്ള പഴയ ചിത്രം പോലെ.

AD 2008 ഏപ്രില്‍ ഒന്ന്, സമയം ഉച്ചയ്ക്ക് ഒന്നേ മുക്കാല്‍:
സ്ഥലം: "യൂനിവേഴ്സല്‍ ഹീറോ മോഹന്‍ലാല്‍ ഫാന്സ് ക്ലബ്".
സെക്രട്ടറിയുടെ മുറിയിലേക്ക് നേരെ കയറിചെന്ന ലവന്‍ ഫാന്‍സ് അസ്സോസിയേഷന്റെ
ഔദ്യോഗിക ലെറ്റര്‍പാഡായ സിങ്കപൂര്‍ ഡോളറില്‍ കയ്യൊപ്പിട്ട് നേരേത്തേ തയ്യാറാക്കിവച്ച രാജിക്കത്ത് ഫാന്‍സ് അസ്സോസിയേഷന്‍ ജില്ലാ സെക്രട്ട്റി മുമ്പാകെ സമര്‍പ്പിച്ചു.

AD 2008 ഏപ്രില്‍ ഒന്ന്, സമയം ഉച്ചയ്ക്ക് രണ്ടുമണി‍:
പാലം നടന്ന്കയറി എത്തിയത് ബീച്ചിലേക്കുള്ളവഴിയിലായിരുന്നു.
നേരെ ചെന്നൊരു കൂളിംഗ്ലാസ്സ് മേടിച്ചൂ [അതും റേ 'ബാന്‍' രൂപ 85/-, തര്‍ക്കിച്ചു കുറപ്പിച്ചതാ !!!] സത്യം, പറഞ്ഞാല്‍ വിശ്വസിക്കൂല...ഒറിജിനല്‍!

AD 2008 ഏപ്രില്‍ ഒന്ന്, സമയം ഉച്ചയ്ക്ക് രണ്ടേ കാല്‍:
ഓട്ടോയ്ക്കു കയ് കാണിച്ചു.
"ഓട്ടോ, പോകുമോ?"
"പോകും."
"എന്നാല്‍ പൊക്കോ."
"$#@$#, മനുഷ്യനെ മെനെക്കെടുത്താന്‍"
വീണ്ടും നടന്നു. കാലുകള്‍ നീട്ടിവെച്ചുള്ള ഒടുക്കത്തെ നടത്തം... "ഗബ്‌രോങ്കീസിന്ദഗീ......." [അതൊക്കെതന്നെ!]

AD 2008 ഏപ്രില്‍ ഒന്ന്, സമയം ഉച്ചയ്ക്ക് രണ്ടേ മുക്കാല്‍:
സ്ഥലം: മെഗാസ്റ്റാര്‍ മമ്മൂട്ടി ഫാന്‍സ് അസ്സോസിയേഷന്‍.
ചെന്ന് അംഗത്വത്തിനുള്ള ഒരപേക്ഷ കൊടുത്തു.സ്വന്തമായി ലെറ്റര്‍പാഡില്ലാത്തതോണ്ട് ഒരു വെള്ളക്കടലാസില്‍ റോട്ടോമാക്ക് പേനകൊണ്ട് തന്നെയാണ് അപേക്ഷ തയ്യാറാക്കിയത്. ആ നിമിഷം മുതല്‍ ലവന്‍ മമ്മൂട്ടി ഫാന്‍ എന്നറിയപ്പെട്ടു തുടങ്ങീ.

AD 2008 ഏപ്രില്‍ ഒന്ന്, സമയം വൈകീട്ട് നാലുമണി‍:
സ്ഥലം:കടപ്പുറം. ഒറ്റമനുഷ്യനില്ല.

ലവന്‍ വിങ്ങിപ്പൊട്ടി കരഞ്ഞൂ. കരച്ചില്‍ ഉഛസ്ഥായിയിലായീ. നഗരം വിങ്ങീ, വിതുമ്പീ... മോഹന്‍ലാല്‍ ഫാന്‍സ് ക്ലബ്ബില്‍നിന്നും രാജിവെച്ച് മമ്മൂട്ടീ ഫാന്‍സ് ക്ലബ്ബില്‍ ചേര്‍ന്ന അവനെ ഇത്രയ്ക്കു വിഷമിപ്പിച്ച സംഗതി എന്താണെന്നറിയാന്‍ കേരളം ഇന്ത്യാവിഷനിലൂടെ കാതോര്‍ത്തൂ...കണ്ണും!

ലവന്‍ മോഹന്‍ലാല്‍ഫാന്‍സ് ക്ലബ്ബിലായപ്പോ തുടങ്ങിയ ശീലമാണ്. മുണ്ടുടുക്കുവാന്‍. അണ്ണന്റെ സ്വന്തം മുണ്ട്. MCR മുണ്ടുടുത്ത് നടന്നിരുന്ന ലവന്റെ ഒരേ ഒരു വിഷമം മമ്മൂക്കയ്ക്ക് സ്വന്തമായൊരു മുണ്ടില്ലാന്നതായിരുന്നൂ.

!!!ഇടവേള!!!

ഫ്ലാഷ് ബാക്ക് തീര്‍ന്നു..ചിത്രം കളറിലേക്ക്:
സങ്കടം മമ്മൂക്കയറിയാന്‍ രണ്ടുവര്‍ഷമെടുത്തു. ഇന്ന് ഗ്രാമവും നഗരവും ഹര്‍ത്താലാഘോഷിക്കുന്ന് ഈ പുണ്ണ്യ [പുരാണ !!!] ദിവസത്തില്‍, ടിവിയില്‍ ആ പരസ്യം കണ്ടു അവന്റെ മുഖം വീണ്ടും വിടര്‍ന്നൂ. കണുകള്‍ സന്തോഷാശ്രു പൊഴിച്ചൂ. " മമ്മൂക്കയ്ക്കും മുണ്ടായീ". 'ഉദയം' മുണ്ടുകള്‍. ലവന്‍ വീണ്ടും വീണ്ടും പരസ്യം കണ്ടു. ഒട്ടും മോശമില്ല. ലാലേട്ടന്‍ മുണ്ടിനോട് 'കടി'പിടിക്കവുന്ന പരസ്യം തന്നെ...

സന്തോഷംകൊണ്ട് മൂണ്‍വാക്കിങ്ങ് നടത്തിയ ലവന്‍ ഇട്ടിരുന്ന് ആ ചുവന്ന പാന്റ്‌സ് നീട്ടിയെറിഞ്ഞൂ. കുളത്തിലേക്ക്.

ബ്ലും!

ഓഫ്: ദോ .... ലിവിടെ

'പാ'ഞ്ചലീന ജോളി !

2010-06-29T11:03:00.001+05:30

ആഞ്ചലീന ജോളി ദ്രൌപതിയായി അഭിനയിക്കുന്നൂന്ന്. രാജ്നീതിയുടെ സംവിധായകന്‍ പ്രകാശ് ത്സാ ആണ് 'രാവണനു' ശേഷം മറ്റൊരു ഇതിഹാസവുമായി വരുന്നത്.

"എന്തായാലും എന്റെ കൃഷ്ണാ.... പണ്ട് ഡി ഡി 1 ല്‍ ഞായറാഴ്ച രാവിലെ മഹാഭാരതം വളരെ പ്രതീക്ഷയോടെ കണ്ടുകൊണ്ടിരുന്ന 'പാഞ്ചാലീ വസ്ത്രാക്ഷേപം' എപ്പിഡോസില്‍ നീ (അ)സമയത്തു വന്നു പാവം ഞങ്ങളെ ചതിച്ചു. ഇനി ഈ ആഞ്ചലീന ജോളി അഭിനയിക്കുമ്പോഴെങ്കിലും... പ്ലീസ്... ഒന്നു ലെയ്റ്റായി പ്രത്യക്ഷപ്പെടുമോ ??? "

ദുര്യോധനനായി നിക്കൊളാസ് കേജും ഭീമനായി അര്‍ണോള്‍ഡും അര്‍ജ്ജുനനായി ടോം ക്രൂയിസും ഒക്കെ വന്നാല്‍ ഒരു വെറൈറ്റി ആയി സിനിമയ്ക്ക് ! സിനിമ വ്യത്യസ്തമാക്കാനുള്ള ഒരോരോ തത്രപാടുകള്‍!

ക്രിഷ്ണനായി അഭിനയിക്കുന്ന നടന് വന്‍ അഭിനയപാടവം വേണ്ടതോണ്ട്, അഭിഷേക് ഭച്ചനെതന്നെ കാസ്റ്റ്ചെയ്താലോന്നാലോചിക്കുന്നുണ്ടോ ആവോ!

കൃഷ്ണനേം കൊണ്ടൊരു മുങ്ങല്‍.

ബ്ലും!

നഃ 'മിസ്സിസ്' സ്വാതന്ത്ര്യമര്‍ഹതി !

2010-06-24T12:24:00.004+05:30

'നഃ സ്ത്രീ സ്വാതന്ത്ര്യമര്‍ഹതി' എന്നു മനു പറഞ്ഞപ്പോ അദ്ധേഹത്തിന് ഇത്രേം നീണ്ടൊരു ഫ്യൂച്ചറിസ്റ്റിക് വ്യൂ ഉണ്ടാവുമെന്ന് മിസ്സിസ് മനു പോലും കരുതികാണില്ല [അങ്ങനെ ഒരാള്‍ ഉണ്ടായിരുന്നോ ആവോ...? ആരും അവരെ കുറിച്ചു പറഞ്ഞുകേട്ടിട്ടില്ല] ...

ദേ നമ്മടെ കൊച്ചീല്‍ കൊച്ചമ്മമാര്‍ക്കൊരു സൌന്ദര്യമത്സരം നടത്തുമ്പോ അതിന്ന്
മത്സരാര്‍ഥികള്‍ അവശ്യം കൊണ്ടുവരേണ്ട ഒരു സാധനം 'അച്ചി മിസ്സിസ് കേരളയാവുന്നതിന്ന് അച്ചായന് മനസ്സാ വാചാ കര്‍മ്മണാ ഒരു ബുധിമുട്ടുമില്ല' എന്ന ഒരു എഴുത്താണ് ! ഭാഗ്യം അമ്മായി അമ്മയുടേതും മക്കളുടേതും ചോദിച്ചിട്ടില്ല!

സംശയമുള്ളോര്‍ക്ക് ഇവിടെ പോയി നാലാമത്തെ പോയിന്റ് നോക്കാം.

വല്ല ഫെമിനിസ്റ്റ് ബ്ലോഗ്ഗറുടെയും കയ്യീ പെടുന്നേന്റെ മുന്നെ ഈ റൂളും കുളത്തിലേക്ക് വരുമോ ആവോ...
മത്സരാര്‍ഥികളാരോ സ്വിം സ്യൂട്ടില്‍ കുളത്തിലേക്ക് ചാടി.
...ബ്ലും!

ഓഫ്: മലയാളിയാവാന്‍ അറ്റ്‌ലീസ്റ്റ് അച്ഛനെങ്കിലും മലയാളിയായാ മതി...! അവിടെ പറഞ്ഞതൊക്കെയുണ്ടെങ്കില്‍ ബ്ലോഗ്ഗിണികള്‍ക്കും ഒരു കയ്യ് നോക്കം.. ആള്‍ദി ബെസ്റ്റേ...

രാവണന്‍...വീണ്ടും കാണും!

2010-06-19T18:27:00.000+05:30

പാറക്കൂട്ടങ്ങള്‍ക്ക് മുകളില്‍നിന്ന് താഴെ വെള്ളത്തിലേക്ക് വീര ചാടുന്നതില്‍ തുടങ്ങുന്ന സിനിമ ആഴങ്ങളിലേക്ക് താഴ്ന്ന്പോവുന്ന അവാസാനം വരെ രാവണന്റെയും സീതയുടെയും കഥയാണ്. ഒരിക്കലും ടി വി യുടെ ഉള്ളിലേക്കൊതുക്കാന്‍ കഴിയാത്ത കാഴ്ചകളുടെ ഒരനുഭവം! കാടിന്റെ വന്യതയും സൌന്ദര്യവും ഇത്ര നന്നായി ഒപ്പിയെടുത്ത ഇന്ത്യന്‍ സിനിമയും ഇതുവരെ ഞാന്‍ കണ്ടതായ് ഓര്‍ക്കുന്നില്ലാ. അര്‍പ്പണബോധത്തിന്റെയും സാഹസികതയുടെയും മറ്റൊരുദാഹരണം. എല്ലാറ്റിലും ഉപരിയായി രാമായണവുമായി ചേര്‍ന്നുപോവുന്ന കഥാമുഹൂര്‍ത്തങ്ങളും കഥാപാത്രങ്ങളും. വിക്രം, ഐശ്വര്യറായ്, പൃഥ്വിരാജ്, പ്രഭു, കാര്‍ത്തിക്, പ്രിയാമണി തുടങ്ങി എല്ലാവരുടെയും മികച്ച അഭിനയം. ഒരുവേള നിശ്ശബ്ദമാക്കുന്ന ഒരു ക്ലൈമാക്സും!

ഒരു മണിരത്നം ഫിലിം.

വീണ്ടും കാണും!

ഒരു ഉപനായകനു ചുറ്റും മൂന്നുപ്രാവശ്യം വട്ടത്തില്‍ കറങ്ങുന്ന പത്ത് വെള്ള ആടംഭരകാറുകളും അതിനല്‍നിന്നിറങ്ങുന്ന വെള്ളേം വേള്ളേം ധരിച്ച നായകനെ ഇടിമുഴ്ക്കത്തിന്റേം മിന്നലിന്റേം അകമ്പടിയോടെ കാണിക്കുന്നതിന്നപ്പുറത്തും സംവിധാനമുണ്ടെന്നും, ഇടികൊണ്ട് അതിന്റെ അടുത്ത ഉന്തുവണ്ടിയുടെ ഉള്ളിലേക്കൂടെ പാത്രങ്ങളെ തട്ടിത്തെറുപ്പിച്ചു വരുന്ന വില്ലന്റെ ലോങ്ങും ക്ലോസപ്പുമായിട്ടുള്ള ഷോട്ടുകള്‍ കാണിക്കുന്നതിന്നപ്പുറത്ത് ഛായാഗ്രഹണമുണ്ടെന്നും, അമ്പലകമ്മിറ്റിക്കും ഉല്‍സവം നടത്തിപ്പിനുമപ്പുറം കഥയുണ്ടെന്നും മലയാള സിനിമ മനസ്സിലാക്കേണ്ട കാലം കഴിഞ്ഞുപോയിരിക്കുന്നൂ. എന്നോ എഴുതിവെച്ച ആചാരങ്ങളനുഷ്ടിച്ചുപോവുന്ന മലയാളസിനിമകളെയും ലതൊക്കെ നിര്‍മ്മിച്ച് സ്വയം കുളം തോണ്ടുന്ന നിര്‍മ്മതാക്കെളേയും കുളത്തിലേക്കിടുന്നൂ.

ബ്ലും!

ഇവരെയൊക്കെ സമ്മതിക്കണം അളിയാ!

2010-06-18T09:38:00.000+05:30

അളിയാ ജര്‍മ്മനിയൊക്കെ നാലുഗോളുവീതം വെച്ചടിക്കുമ്പോ ശരിക്കും തോറ്റുപോവുന്നതാരാ?

ആരാ?
അല്ല ആരാ?
ആസ്ത്രേലിയ!
മണ്ണാങ്കട്ട...
പിന്നെ?
നമ്മടെ ന്യൂസുവായിക്കുന്ന ആന്റിമാരും അങ്കിള്‍മാരും...
ആന്റിമാരോ ?
ആന്റിമാരല്ലെങ്കില്‍ പിന്നെ ന്യൂസിന്റെ ടി ആര്‍ പീ റേറ്റിങ്ങുയരേണ്ടതല്ലേടാ കോപ്പേ?

ആ... അതെന്തെങ്കിലുമാവട്ടെ... അവരെങ്ങനെയാ മച്ചൂ ജര്‍മ്മനിയോടു തോല്ക്കുന്നേ ?
ഇവന്‍മാരു നാലുഗോളടിക്കുമ്ബോ ആ നാലാള്‍ക്കാരുടേം പേര് നിനക്കൊന്നു കൂട്ടി വായിക്കവോ ?
എന്റമ്മോ... ഇപ്പൊ എല്ലാം മനസ്സിലായി മച്ചൂ...
ഇങ്ങനത്തെ വായീകൊള്ളാത്ത പേരിട്ടിട്ടും ലവരിത് തെറ്റിക്കാണ്ടു പറയുന്നുണ്ടല്ലോ..
ലവരെ സമ്മതിക്കണം!!!
ഈ കോപ്പ് പേരെല്ലാം എടുത്ത് കുളത്തിലേക്കൊരു ഗോള്‍..
ബ്ലും!

ആഫ്രിക്കന്‍ വണ്ട്

2010-06-17T08:28:00.002+05:30

ശനിയാഴ്ച സന്ധ്യ..

മെസ്സിയുടെ ഗേള്‍ഫ്രണ്ട് ഈ ബ്ലോഗിന്റെ ഒരു സ്ഥിരം വായനക്കാരിയായതിനാലും മറഡോണ പണ്ട് കുരുത്തക്കേടുകള്‍ കാണിച്ച് നടന്നപ്പോ കുരുത്തം കെട്ടവന്റെ 'മച്ചു മച്ചു' ഫ്രണ്ട് ആയിരുന്നതിനാലും അര്‍ജന്റീനയുടെ നീലേം വെള്ളേം ജേഴ്സി ഓര്‍മ്മവെച്ചകാലം മുതലേ ഇഷ്ടപ്പെട്ടു തുടങ്ങിയതിനാലും ബ്രസീലിന്റെ മഞ്ഞ ജേഴ്സി ഒട്ടും ഇഷ്ടമില്ലാത്തതിനാലും അര്‍ജന്റീനേം ശക്തരായ എതിരാളി നൈജീരിയേം തമ്മിലുള്ള തീ പാറുന്നപോരാട്ടം കാണാന്‍ ESPN ഓണ്‍ ചെയ്തു.

ആദ്യം തന്നെ അര്‍ജന്റീന ഒരു ഗോളടിച്ചതൊഴിച്ചാല്‍ ക്ഷമയുടെ പ്ലൈവുഡ് വരെ കണ്ടുപോയി. ഫീകര കളിയായിരുന്നൂ...

ഈ സംഭവം കാണുന്നതിന്നിടയില്‍ കിച്ചണിലിരുന്നു ലക്ച്ചറടിച്ചുകൊണ്ടിരുന്ന മാതാശ്രീ, ഒന്നു രണ്ടു വട്ടം എന്തൊക്കെയോ തിരഞ്ഞുനടക്കുന്നത് പോലെ കണ്ടു.വാതിലിന്നിടയിലും ടേബിളിന്നടിയിലും സോഫേടെ സൈഡിലും എല്ലം നോക്കുന്നുണ്ട്. കളി വന്‍ ബോറായി തുടങ്ങിയപ്പോഴാണ് ഞാനത് ശ്രദ്ധിച്ചത്. മൂന്നാം തവണേം ഈ സംഭവം അരങ്ങേറിയപ്പോ ഞാന്‍ കര്യമന്വേഷിച്ചൂ.

"അല്ല... ഇതിപ്പൊ കുറേനേരമായല്ലോ ... ഏന്താ ഈ തപ്പി നടക്കണേ?"

"ഓ.. നിനക്കൊന്നും ഒരു ബുധിമുട്ടൂല്ലല്ലോ... അല്ലെങ്കിലും ഇവിടെ എന്തുകുന്തത്തിനും എന്റെ കയ്യ് തന്നെ മെനക്കെടണം."

"ഓഫ്സൈഡില്‍ ഗോളടിക്കല്ലേ... കാര്യം പറ.. എന്താ പോയത്?"

"പോയതൊന്നും അല്ല. നിനക്ക് കേക്കണില്ലേ ഒരു മൂളല്‍... എവിടെയോ ഒരു വണ്ടോ മറ്റോ കുടുങ്ങിക്കിടപ്പുണ്ട്. മനുഷ്യന് അതുകേട്ട് തലയിലരിച്ചു കയറുന്നു... അതിനെയാ ഈ തിരഞ്ഞോണ്ട് നടക്കണെ."

ഇതു കേട്ടതോടെ എനിക്കൊടുക്കത്തെ ചിരി !

എന്റെ ചിരി കണ്ട് ഒന്നും മനസിലാവതെ ഫൌള്‍ ത്രോ ഇട്ടപോലെ നിന്ന മാതാശ്രീ കാണെ, ടീ വീടെ സൌണ്ട് മ്യൂട്ടാക്കി കൊടുത്തു.

"ദേ വണ്ട് പോയീ."

ലതാണ് വുവൂസില്‍ന്നും പറഞ്ഞ് ഒരു ഫ്രണ്ട് അയച്ചു തന്ന വിക്കി ലിങ്കിലുള്ള കാര്യങ്ങളങ്ങോട്ട് ഗംബ്ലീറ്റ് ചാര്‍ത്തികൊടുത്തൂ.

എല്ലാം കേട്ടുകഴിഞ്ഞപ്പോ ആളു പറഞ്ഞൂ

"എന്തായാലും കൊള്ളാം ടീ വീ ഇനി കുറച്ചു സൌണ്ടില്‍ കേട്ടാമതി. "

അതോടെ

"അതാ പന്തു വിജയനില്‍ നിന്നും പാപ്പച്ചനിലേക്, തിരിച്ച് വിജയനിലേക്ക് വിജയന്‍ അഞ്ചേരിയിലേക്ക് അഞ്ചേരി ഇടതുവശത്തുകൂടെ ഒരു നീളന്‍ പാസ് അതു വലതു വിങ്ങിലുള്ള വിജയന്റെ കാലിലേക്ക്, വിജയന്‍ ...വിജയന്‍... പനാല്‍റ്റി ബോക്സിന്റെ വലത്തേമൂലയില്‍നിന്നും നിന്നും ഇടംകാലുകൊണ്ട് ഉഗ്രനൊരു ഷോട്ട്.... ഗോള്‍..." ഈ സമ്ഭവം ഇനി ഈ ലോകകപ്പില്‍ കേള്‍ക്കാന്‍ വല്ല്യ ബുദ്ധിമുട്ടാണെന്നു മനസിലായി.

ആഫ്രിക്കന്‍ വണ്ടിനേം കുളത്തിലിട്ടു. മുക്കികൊല്ലാന്‍!!!

ബ്ലും!

ഡിയര്‍ മല്ലൂ!

2010-06-10T18:14:00.002+05:30

കയ്യില്ലാത്ത ടൈറ്റ് ടീഷര്‍ട്ടും മുട്ടോളമെത്തുന്ന കുഞ്ഞു ജീന്സും മൂന്നരയിഞ്ച് ഹീലുമിട്ട് വല്യ കറുത്ത ഷേഡ്സ് തലയിലേക്കു കയറ്റിവെച്ച് പാറിപ്പറക്കുന്ന സ്ട്രെയ്റ്റന്‍ ചെയ്ത മുടി, മനോഹരമായി ബോര്‍ഡര്‍ ചെയ്ത് സുന്ദരമാക്കിയ ചുണ്ടുകളിലിട്ടിരിക്കുന്ന ലിപ്സ്റ്റിക്കിനു മാച്ച് ചെയ്യുന്ന നെയില്പോളീഷിട്ട, വിരലുകള്‍കൊണ്ട് മാടി ഒതുക്കി വെയ്ക്കുന്നതിന്നിടയില്‍ 'മൈ മല്ലൂ ഡിയര്‍ ' ന്ന് അവ്ളു വിളിക്കുമ്പോ... ശ്ശോ ഒരു കുളിരായുന്നു. എന്തോരം നോര്‍ത്ത് ഇന്ത്യന്‍ പയ്യന്‍സ് ആന്‍ഡ് അപ്പാപ്പന്‍സ് ഉള്ളതാ. എന്നിട്ടും ലവളെന്നെതന്നെ ഈ 'ഡിയറേ'ന്നൊക്കെ വിളിക്കുമ്പോ ഞാനങ്ങ് ആകാശം മുട്ടുന്ന മഴവില്ലിനുമോളില്‍ പറന്നു...ലതു തന്നെ.. "My Dream is to fly .. over the rainbow, so high.... my dream is to..." വീണ്ടും വീണ്ടും ആ DJ ചെവിയിലലയടിക്കുകയായിരുന്നൂ.

അപ്പൊഴാ ഇതു കണ്ടത്.

Oxford Hindi English Dictionary by R.S. McGregor – Pg. 795. First Published by Oxford University Press, Oxford , 1993

ഇനി ആ പുന്നാര മോളെങ്ങാനും കേറി മല്ലൂന്ന് വിളിച്ചാ... ലവളുടെ സിഗരറ്റുവലി കാരണം കറുത്ത ചുണ്ടുകളെ മറയ്ക്കാനായിട്ടിരിക്കുന്ന ലിപ്സ്റ്റിക്കും കഷ്ണം മുറിഞ്ഞ അലക്കാത്ത ജീന്‍സും കണ്ണുപൊട്ടന്‍മാരു വെക്കുന്ന കണ്ണാടേം കുളിക്കാത്ത മുടിയും ആക്രി പെയിന്റടിച്ച നഖവും ഒന്നും വകവെയ്ക്കതെ ഞാനവളോടു പറയും ... "ഫ പുന്നാര മോളേ #$@$#, ^%$^%$, #%#$^%$^%,&%$%^$^... [നമ്മടെ സില്‍സിലക്കാരനെ നാട്ടാരു വിളിച്ചതിന്റെ സ്ത്രീലിംഗങ്ങളെല്ലാം...] മലയാളീന്നു നീട്ടി വിളിയെടീ... "

ഇനിയാരേലും മല്ലൂന്ന് വിളിച്ചാ കുളത്തിലേക്കൊരേറാ...

ബ്ലും!

തന്തയ്ക്കു പിറന്നവന്‍.

2010-06-03T15:35:00.000+05:30

ഇന്നലെ സമയം രാത്രി പതിനൊന്നേമുക്കാല്‍. അപ്പൊഴാ ഓര്‍ത്തെ, പുതിയ സിനിമയിലെ പാട്ടുകളില്‍ 'മലര്‍വാടി ആര്‍ട്സ്ക്ലബ്ബ്'-ലെ പാട്ടോളൊന്നും കേട്ടില്ലല്ലോന്ന്. എന്നാ അതീന്ന് ഒരു പാട്ടുകേട്ട് ടെസ്റ്റ് ഡ്രൈവ് നടത്തീട്ടുറങ്ങാംന്നു കരുതീ. വല്യ പ്രതീക്ഷവേണ്ടന്ന് കരുതി കേട്ടതാ. പിന്നെ ഉറങ്ങീപ്പോ ഒരുമണി!

പാട്ടുകളിലൊരു വ്യത്യാസം. കേട്ടപാട്ടീന്നും പാറ്റേണിന്നും വല്യൊരു ചെയ്ഞ്ച്. എണ്‍പതുകളില്‍ കളിച്ചുകൊണ്ടിരുന്ന മലയാള ചലചിത്രഗാനങ്ങളില്‍നിന്നും ഒന്നുമുന്നോട്ടുകുതിച്ചപോലെ. ഒരുപിടി പുതിയ ഈണങ്ങളും വ്യത്യസ്തമായ സംഗീതവും പിന്നെ വളരെ വ്യത്യസ്തമായ ആലാപനവും ലളിതമായവരികളും. കൂടുതല്‍ ഇഷ്ടം തോന്നിയത് പാട്ടെഴുതിയിരിക്കുന്നതും വിനീതാണെന്നറിഞ്ഞപ്പോഴാണ്. യുവത്വത്തിന്റെ ഒരു തുള്ളലതില്‍ കേള്‍ക്കാന്‍ കഴിഞ്ഞു. ഈ ഫ്രഷ്നസ് സിനിമയ്ക്കും നല്‍കാന്‍ കഴിഞ്ഞാല്‍ സമരം നടത്തി വിജയിപ്പിക്കുന്ന മലയാള സിനിമയ്ക്കതൊരു മുതല്‍കൂട്ടാവും.

മകന്‍ ശ്രീനിവാസന്‍ സംവിധാനം ചെയ്യുന്ന ആദ്യസിനിമ 'മലര്‍വാടി ആര്‍ട്സ് ക്ലബ്' മറ്റൊരു സിനിമയായിരുന്നെനിക്ക്, പാട്ടുകള്‍ കേള്‍ക്കുന്നവരെ.ഇപ്പോ അതിലൊരു പ്രതീക്ഷയുണ്ട്. മലയാള സിനിമയ്ക്കും ഒന്നൂടെ പ്രതീക്ഷിക്കാംന്നു തോന്നുണൂ. വിനീത് ശ്രീനിവാസന്, അച്ഛന്‍ ശ്രീനിവാസന്റെ നല്ല വാസനകളെല്ലാം ഉള്ളപോലുണ്ട്. ശരിക്കും തന്തയ്ക്ക് പിറന്നവന്‍.

കാത്തുകാത്തുവേച്ചൊരു ചെമ്പനീര്‍ പൂവും കൊണ്ട് മണ്ണും ചാരിനിന്നവന്‍ പോയി...[പാടിയത്:ഷാന്‍], ലവന്‍ കശ്മലന്‍..., മംഗലം കൂടാന്‍ ഞമ്മളും ഉണ്ട് ചെങ്ങായീ.... [പാടിയത്:വിനീത്]എന്നീ പാട്ടുകള്‍ വ്യത്യസ്തനാം ഒരു വിനീതിനെ കാണിച്ചു തരും....

ആര്‍ട്സ് ക്ലബ്ബ് മുഴുവനായും കുളത്തിലേക്ക്...
ഒരു പുതിയട്യൂണില്‍ ബ്ലും....

അയ്യേ വീനസ് !

2010-05-26T22:07:00.001+05:30

കര്‍ത്താവേ വീനെസിതെന്നാ കല്‍പ്പിച്ചാ??? വല്ല മരിയാ ഷറപ്പോവയുമാണെങ്കില്‍ ഫ്രെഞ്ച് ഓപ്പണിന് നാളെമുതല്‍ വന്‍ ടി ആര്‍ പീ റേറ്റിങ്ങ് ആയേനെ. ഇതിപ്പോ വീനസ്സായതോണ്ട് ശിവസേന വരെ പ്രതികരിക്കുന്നില്ലാ. അല്ലെങ്കില്‍ ഫ്രഞ്ച് ഓപ്പണിന് മുംബൈയില്‍ വിലക്കേര്‍പ്പെടുത്തിയേനെ !
ഒരു അയ്യേ ബ്ലും!

വാശി

2010-05-21T15:59:00.000+05:30

ഇപ്പോ ആന്ധ്രയിലടിച്ചുപോയ കാറ്റ് ലൈല. പേരിട്ടത് പാകിസ്ഥാന്‍...

ഇനി ഇന്ത്യന്‍ മഹാസാമുദ്രത്തിലടിക്കാവുന്ന കാറ്റ് ബാന്‍ഡു. പേരിട്ടത് ശ്രീലങ്ക.
അതു കഴിഞ്ഞടിക്കുന്ന കാറ്റ് ഫെറ്റ്. പേരിട്ടത് തായ് ലാന്റ്.

ഇതെവിടുത്തെ ന്യായം. ഹും.. ഇനി കേരളം വഴി അടിക്കുന്ന കാറ്റിന് നമ്മള്‍ തന്നെ പേരിടും. ഉറപ്പായിട്ടും വല്ല കാവ്യന്നോ നവ്യാന്നോ മിനിമം നമിതാന്നോ ഈടണം. ആ കാറ്റടിച്ച് കമ്പ്ലീറ്റ് പറന്ന്.. ശ്ശോ നോക്കിക്കോ നമ്മള്‍ പേരിടുന്ന കാറ്റ് ഈ ലോക്കല്‍ കാറ്റുകളെയെല്ലാം തോല്‍പ്പിച്ച് ഒരു ഗംഭീര വിജയമായിതീരും!കാറ്റടിച്ച് സകല ബ്ലോഗും പറക്കും. അല്ല പിന്നെ....

കാറ്റിലൊരു കല്ല് കുളത്തില്‍ പറന്നു വീണു.
ബ്ലും!

തിരുത്ത്....

2010-05-19T22:54:00.000+05:30

കുളത്തിലൊരു കല്ലു വീണിരുന്നു.
രാവണ്‍ ലെ പാട്ടുകളെ കുറിച്ച്. പാട്ടുകള്‍ വെറും ശബ്ദങ്ങളായപോലെതോന്നീന്ന്...
[...ഇവിടെ...]

ഇപ്പൊ അതു തിരുത്തുന്നൂ.
'രാവണ' തമിഴിലെപാട്ടുകള്‍ ഹിന്ദിയെക്കാള്‍ ഒരുപാടുകേള്‍ക്കാനിമ്പമുണ്ടെന്നുമാത്രല്ല കാര്‍ത്തിക് തന്നെ പാടിയ 'ഉസിരേ പോകുതെ' എന്ന പാട്ടും ശ്രേയാഘോസല്‍ പാടി പഴുപ്പിച്ച 'കള്‍വരെ കള്‍വരെ' എന്ന പാട്ടും ഇപ്പൊ കുരുത്തംകെട്ടോന്റെ ഫേവറൈറ്റ്സ് ആയിരിക്കുന്നു!

അപ്പൊ പഴയ ബ്ലോഗ് തിരുത്താതെ വയ്യ.
ആ കല്ലിനുപകരം ഈ കല്ല്....
ഒരു തിരുത്ത് ബ്ലും!

ബ്രസീലിലും ബ്ലും തരംഗം !

2010-05-15T13:06:00.006+05:30

ബ്ലും! ഇത്രയ്ക്ക് വല്ല്യ ഹിറ്റാണെന്ന് കുളമാണെ സത്യം ഞാനറിഞ്ഞില്ല !

പക്ഷേ ഗൂഗിളിന്റെ CEO എറിക്കാരാമോന്‍. എന്നെ ഉറക്കത്തീന്ന് വിളിച്ച് പറഞ്ഞുതന്നില്ലേ. ഇതുകാരണം കൊണ്ടാണ് എറിക്കുമായുള്ള ഫ്രണ്ട്ഷിപ്പ് ഞാനിപ്പൊഴും വിടാത്തത്...ചൈനക്കാരെക്കൊണ്ട് ഗൂഗിളങ്ങുണര്‍ന്നൂ... ഇന്നു രാവിലെ ബ്ലുമ്മിന്റെ മെയിലുതുറന്നപ്പോ ദെ കിടക്കുണൂ മെയിലിന്റെ മോളിലൊരു ചുവപ്പ് റിബ്ബണ്‍. കൂടെ ഒരു മെസ്സേജും.

Your account has been recently accessed from Brazil click here for more information

ഞാന്‍ ക്ലിക്കീ. അപ്പൊഴാ ദേ, ഈ സംഭവം കണ്ടത്.

[ ക്ലിക്കി വലുതാക്കി നോക്കൂ... അപ്പോ കാണാം മെയ് 13നു ഈ അക്കൌണ്ട് ബ്രസീലീന്ന് 'ആരോ' തുറന്നു മെയിലുവായിച്ചൂന്ന്! ]

മിനിഞ്ഞാന്ന് ഞാന്‍ ഉറക്കത്തിന്റെ അന്ത്യയാമങ്ങളില്‍ പോലും ബ്രസീലില്‍ പോയിട്ടില്ല. ഓര്‍കുട്ടില്‍ കാണുന്ന ബ്രസീലിയന്‍ പ്രൊഫൈല്‍സ്, നമിത കേറിസ്റ്റാറാവുന്നതിന്നുമുന്നേതന്നെ, എനിക്കു ഇഷ്ടല്ലാന്നുള്ളത് ഒരു പ്രപഞ്ച സത്യമാണ്. അങ്ങനെത്തെ ഞാന്‍ ബ്രസീലിപ്പോയി ബ്ലുമ്മില്‍ പോസ്റ്റണ്ട വല്ല കാര്യമുണ്ടോ ? അല്ല ഉണ്ടോ? അപ്പോ പിന്നെ ബ്ലുമ്മിലേക്കാരൊക്കെ മൈയിലയക്കുന്നുണ്ടെന്ന് നോക്കാനുള്ള ചാരപ്പണിയല്ലേ എന്നു സംശയിക്കേണ്ടിയിരിക്കുന്നൂന്നാണ് ബ്ലുമ്മിന്റെ ആഭ്യന്തര സുരക്ഷാകാര്യ മന്ത്രി ചീത്തമ്പരന്‍ പറഞ്ഞത്. ഇനി അതോ ബ്ലുമ്മിന്റെ ബ്രസീലിലെ പോപ്പുലാരിറ്റി കാരണം ഇതങ്ങ് ഹാക്ക് ചെയ്ത് ബെര്‍ളീടെ ബ്ലോഗ്ഗിലെപോലെ 'ഡോഗ് ബിസ്കറ്റിന്റെ' 'പരസ്യം' കൊടുക്കാനാണോന്നും സംശയിക്കേണ്ടിയിരിക്കുന്നൂ.

ജയറാം രമേഷ് ചൈനയില്‍ പോയി നമ്മുടെ സുരക്ഷകാര്യങ്ങളെകുറിച്ചും പറഞ്ഞോ എന്നകാര്യമാണ് ഇപ്പൊ എനിക്കും എനിക്കും എറിക്കിനും സംശയം... ഗൂഗിളും ചൈനേം ഇപ്പോ 'മച്ചാ മച്ചാ' ബന്ധമാണല്ലോ!.

എന്തായാലും ഗൂഗിളു പറഞ്ഞപോലെ ബ്ലും! ബ്ലുമ്മാവാതിരിക്കാന്‍ ലതിന്റെ പാസ്‌വേര്‍ഡങ്ങു മാറ്റി. ഇനി ആ സംഭവത്തിന്റെ കൂടെ തന്ന ലിങ്ക് പ്രശനാണെങ്കിലോന്ന് കരുതി ഗൂഗിളിന്റെ അക്കൌണ്ട് സെറ്റിങ്ങീതന്നെ പോയി മാറ്റീ. കുരുത്തകേട് കുരുത്തക്കെട്ടവനോടോ!

അതും ബ്ലുമ്മി! വാശിയോടെതന്നെ.
ഹും.. ച്ഛെ ബ്ലും!

ഓര്‍ക്കുട്ടന്‍!

2010-05-12T22:39:00.000+05:30

എന്നാ ഇനി ഓര്‍ക്കുട്ടില്‍ കേറി ഓവര്‍ ഡ്രൈവും കുരുത്ത ക്കേടുകളും നടത്തികളയാംന്നു കരുതീ... അങ്ങനെ കുരുത്തംകെട്ടവനൊരു പ്രൊഫൈലുണ്ടാക്കീ...അപ്പോ ദേ കിടക്കണ് പാഷന്‍... എവിടെ പാഷന്‍ കണ്ടാലും നമ്മക്ക് ഫോട്ടൊഗ്രഫി ഒരു വീക്ക്നസ്സാണല്ലോ... എഴുതിവന്നപ്പഴാ ഓര്‍ത്തത്... അയ്യേ ഇപ്പൊ കേരളത്തിലങ്ങനെ നെഞ്ഞും വിരിച്ച് പറയാന്‍ പറ്റുന്നതല്ലല്ലോ ഈ പാഷന്‍. പിന്നെ അതിങ്ങനെ തിരുത്തി.

Passions: കുളത്തില്‍ കല്ലിടലിങ്ങും ബ്ലോഗ്ഗിങും പിന്നെ

ഫോട്ടോഗ്രഫിയും [തല്ലുകൊള്ളാത്തവ...]

ഓര്‍ക്കുട്ട് ലിങ്ക് ഇതേ ഇവിടെ ബ്ലും! ...

http://www.orkut.co.in/Main#Profile?uid=6505986330848923231

കണ്ടോര്‍ക്കൊക്കെ നമ്മള്‍ നേരിട്ട് ക്ഷണക്കത്ത് കൊടുത്തിട്ടുണ്ട്. അല്ലാത്തോരിതൊരു ക്ഷണായികൂട്ടി ആഡ് ചെയ്യൂല്ലോ ല്ലെ....

ഇട'പെടാ'നില്ല !!!

2010-05-12T09:15:00.003+05:30

ഇനി, കുഞ്ഞാലിക്കുട്ടി, ജോസഫും മാണിയും കോണ്ഗ്രസ്സും ലയിക്കുന്നതിലിടപെടാനില്ലാന്ന്!

അല്ലെങ്കിലും പണ്ട് ജോസഫ് വിമാനത്തില്‍ കയറിയത് നാട്ടാരു മൊത്തം അറിഞ്ഞ്..അയ്യേ... ച്ഛേ ... ഇതുപോലെ വിമാനത്തീകയറിയാ എവിടെ പിടിക്കണംന്നറിയാത്തവരുടെ കാര്യത്തിലൊക്കെ മാന്യന്‍മാര്‍ക്കിടപെടാന്‍ പറ്റുന്നതാണോ?

ഒന്നും കൂടെ ഉറപ്പായീ. സ്വകാര്യമാണ് ലയനത്തില്‍ ലീഗിനു സീറ്റ് നഷ്ടമുണ്ടാവില്ലാ.

ഞാനീ നാടുകാരനല്ല... മുങ്ങീ.... ബ്ലും!

ഇതെല്ലാം കഴിഞ്ഞ്, ഈ മന്ത്രിസഭയുടെ കാലം കഴിഞ്ഞാ, അച്ചുമാമെനെവിടെ ലയിക്കും?
"....തല ചായ്ക്കാന്‍ മണ്ണിലിടമുണ്ടോ???? മണ്ണിലിടമുണ്ടോ... പാമ്പുകള്‍ക്ക് മാളമുണ്ട്, പറവകള്‍ക്കാകാശമുണ്ട്... അച്ചുമാമന് തലചായ്ക്കാന്‍....."

ഒബാമേ ഐ ഡബ്ല്യൂ യൂ...

2010-05-11T08:07:00.003+05:30

അല്ലേലും നമ്മളെപ്പോലെ സാധാരണക്കാരെയേ സ്നേഹിക്കാവൂ..
പാവം ഒബാമ. ഐ ഫോണും ഐ പാഡും പുള്ളിക്കിഷ്ടമായില്ല.
അതൊന്നും വിദ്യാഭ്യാസമേഖലയ്ക്ക് അഭിലഷണീയമായ സംഭാവനകള്‍ നല്‍കുന്നില്ലാത്രെ. പുള്ളിക്ക് ഐ ഫോണ്‍ ഇതു വരെ വഴങ്ങീട്ടില്ലാന്ന്. ഇതേ കാരണങ്ങള്‍ കൊണ്ടുമാത്രമാണ് ഞാനും ഐ ഫോണ്‍ മേടിക്കാഞ്ഞത്. സത്യം!!! ഈ വിധം കാരണങ്ങള്‍ അറിയുന്നോണ്ടുമാവണം എനിക്കൊരു പൊന്നുമോനും ഐ ഫോണ്‍ ഗിഫ്റ്റ് തന്നതും ഇല്ല.
ഇനി കിട്ട്യാതന്നെ ഒരു വാട്ടര്‍ പ്രൂഫ് കവറിലാക്ക് കുളത്തിലേക്കേറിയണം. ബ്ലും! പിന്നെ എപ്പെഴേലും ഒബാമയ്ക്കതു വഴങ്ങിയാ എനിക്കു മുങ്ങിയെടുക്കാലോ....
ഒബാമേ ഐ ഡബ്ല്യൂ യൂ യാര്‍....

തെങ്ങുമ്മേല്‍ ചങ്കു

2010-05-10T11:35:00.002+05:30

ജനിച്ച് വെറും ഒരു ബാലനായി നടന്നിരുന്ന അപ്പച്ചന്‍ കണ്ടത്തില്‍ ഉദയാ പറമ്പത്ത് ഉണ്ണിക്കണ്ടന്‍ മകന്‍ ശങ്കരന്‍ എന്ന ചങ്കു അന്നും തെങ്ങിന്റെ മോളില്‍നിന്നും ഇറങ്ങുന്നില്ല. ഇറങ്ങില്ലാ എന്ന ഒരേ വാശിപ്പുറത്താണ് പുള്ളി. ചങ്കുവിനു വട്ടപ്പേരു പലതായിരുന്നു. പലരും അവനെ കിങ്ങെന്നും നരസിംഹമെന്നുമൊക്കെ വിളിച്ചൂ.അവസാനം അതു ഫാന്‍സെന്നും പിന്നെ പ്രേക്ഷകനെന്നും വരെ എത്തി.എല്ലാം ചങ്കു തന്നെ. ഇപ്പൊ ചങ്കു തെങ്ങിന്റെ മണ്ടേലും.

കുടുമ്മത്തുനിന്നും ഒരു കലാതിലകം വന്നവനോട് കുറേ പറഞ്ഞൂ. താഴേക്കിറങ്ങാന്‍...ദേഷ്യത്തിലും ശകാരത്തിലും. കൊക്കെത്ര കുളം കണ്ടതാ.. കുളമെത്ര കൊക്കിനേ കണ്ടതാ...ചങ്കൂനതൊരു തമാശ.... ചങ്കു ഒരു മച്ചിങ്ങ പറിച്ചു താഴേക്കിട്ടു കൊടുത്തൂ.

അനക്കം കാണാഞ്ഞൂ അടുത്ത പ്ഞ്ചായത്ത് പ്രസിഡണ്ട് ലോക്കല്‍ കുമാരേട്ടന്‍ വന്ന് അവനോട് ലോക്കലായും തറയായും കൂതറയായും പറഞ്ഞു. ചങ്കു ആരാ മോന്‍. ചങ്കു സുകുമാര കല കണ്ടപോലെ ആഞ്ഞു ചിരിച്ചു. ചങ്കു ചിരിക്കിടയിലൊരു കീഴ്വായു വിട്ടു കൊടുത്തൂ. കുമാരനും കളം വിട്ടൂ. ചങ്കു തെങ്ങേ തന്നെ.

ചങ്കൂനെ തെങ്ങേന്നിറക്കാനായി തെങ്ങു നട്ടവരും പറമ്പിന്നുടമസ്ഥരും തേങ്ങ വില്‍ക്കുന്നോരുമായി വല്ല്യഒരു കൂട്ടം വന്നു സമരം തൂടങ്ങീ. ചങ്കു തെങ്ങേന്നിറങ്ങിയില്ലെങ്കില്‍ ഇനി തേങ്ങിനു വളമിടില്ലെന്നുവരെ ഭീഷണി മുഴക്കി. അതു തെങ്ങിന്റെ മോളിലിരിക്കുന്ന ചങ്കൂനു ഒരു തരത്തിലും ബാധിക്കുന്ന പ്രശ്നമായിരുന്നില്ല. ചങ്കു അതു മൈന്റ് ചെയ്തില്ല. അവരും തോറ്റു. ചങ്കു തെങ്ങേ തന്നെ.

മുഖ്യമന്ത്രി വന്നു. ചര്‍ച്ചകള്‍ നടത്തി. സമരക്കാരെ പിരിച്ചുവിട്ടൂ. ചങ്കു നാളെ തെങ്ങേന്നീറങ്ങും അല്ലേലിറക്കുംന്നൊരു വാകും കൊടുത്തൂ. ഒരു വാക്കിനായി നിന്ന സമരക്കാരതോടെ സമരം പിരിച്ചുവിട്ടൂ. ചങ്കു പക്ഷേ തെങ്ങേലങ്ങനെ ഇരുന്നൂ.

സമരം മാറി. നമ്മുടെ മെഗാസ്റ്റാറും ജൂനിയര്‍ സൂപ്പര്‍സ്റ്റാറും ഒരു മിച്ചുവന്നു. പതിനഞ്ചു വെള്ളക്കറില്‍ വന്നവരു രണ്ടുപേരും തെങ്ങിനു ചുറ്റും കാറുകള്‍കൊണ്ടൊരു വട്ടം തീര്‍ത്ത് മൂന്നാല് ചുറ്റു ചുറ്റീ പോക്കിരികളിച്ചൂ. ചങ്കൂനൊരു കൂസലും ഉണ്ടായില്ല. ചങ്കു ഒരോലപ്പാമ്പിനെയുണ്ടാക്കി താഴേക്കെറിഞ്ഞൂ. ചങ്കു തെങ്ങില്‍ തന്നെ.

യൂനിവേഴ്സല്‍ സ്റ്റാറുവന്ന് തോളൊക്കെ ചരിച്ച് ബുധിപരമായി അലക്സാണ്ടര്‍ മഹാരാജാവാണെന്നൊക്കെ പറഞ്ഞ് ഒരു കാലി ബിയര്‍ബോട്ടല്‍ തെങ്ങിന്റെ താഴെ വെച്ചു ചങ്കൂനെ പ്രലോഭിപ്പിച്ചൂ. ചങ്കു വീണ്ടും സ്പാറി. തെങ്ങീന്നും വെട്ടിയ കള്ളിന്റെ കുടമെടുത്ത് കമ്പ്ലീറ്റ് കുടിച്ച ശേഷം കുടം താഴേക്കെറിഞ്ഞ് ബിയര്‍ ബോട്ടല്‍ പൊട്ടിച്ചൂ. ചങ്കു കള്ളിന്റെ ലഹരിയില്‍ തെങ്ങിന്റെ മോളില്‍ ആടിയിരുന്നൂ.അമര്‍ന്നിരുന്നു.

അങ്ങനെ ചങ്കൂനെ തോല്‍പ്പിക്കാനവില്ല മക്കളേന്നും പറഞ്ഞ് അമര്‍ന്നിരുന്ന ചങ്കു വന്നവരെ നോക്കി കൊഞ്ഞനം കുത്തീ. തേങ്ങ പറിച്ചെറിഞ്ഞൂ.

അവസാനം അന്തിക്കാട്ടുനിന്നും സത്യേട്ടന്‍ സധാരണക്കരന്റെ വണ്ടിയായ ഓട്ടോയും പിടിച്ച് വന്ന് തെങ്ങിനു ചുറ്റും വലം വെയ്ക്കതെ ഒതുക്കി നിര്‍ത്തി. തെങ്ങിനു താഴേന്നും പുള്ളി ചങ്കൂനെ നോക്കി. "ചങ്കൂ താഴേക്കുവാടാ, ഒരു ലൈം സോഡ കുടിക്കാം".

ചങ്കു ദേ താഴേക്കു വന്നു. വടംഅഴിച്ചുവച്ചൂ സത്യേട്ടന്റെ കൂടെപ്പോയീ.
ചങ്കൂനറിയാം സത്യേട്ടന്‍ അറ്റ്ലീസ്റ്റ് ഒരു നാരങ്ങവെള്ളമെങ്കിലും മേടിച്ചു കൊടുക്കുംന്ന്.
കണ്ടുനിക്കുന്നോര്‍ക്കറിയാം. ചങ്കു സത്യേട്ടന്‍ പോയാ ഇനീം തെങ്ങിക്കയറും. പിന്നെ ഇറങ്ങുന്ന "ഒരു നാള്‍ വരും". അന്നു വിളിക്കുന്നത് കണ്ണൂരീന്നും വരുന്ന ശ്രീനി വാസനായിരിക്കും.

മോറല്‍ ഓഫ് ദി സ്റ്റോറീ: ചങ്കൂനെ തോല്‍പ്പികാനാവില്ല മക്കളെ. ചങ്കൂനു ട്യൂഷനില്ലെങ്കിലും അനുഭവങ്ങളില്‍നിന്നും ഒറ്റയ്ക്കു പഠിക്കനറിയാം.

ചങ്കു പറിച്ചെറിഞ്ഞ തേങ്ങ ഞാനെടുത്ത് കുളത്തിലിട്ടൂ...

ബ്ലും!

ഹാപ്പി മദേഴ്സ് ഡേ...

2010-05-09T08:22:00.002+05:30

To: kuttusmom@gmail.com
From: kuttu8305@gmail.com
Subject:ഹാപ്പി മദേഴ്സ് ഡേ...

അമ്മേ...

'ഇതെന്താ ഇത്രനേരത്തേ എണീറ്റ് മെയിലയച്ചേക്കണേന്നാണോ?' .. ഹും...ഇന്ന് വീണ്ടും മദേഴ്സ് ഡേ... ഹാപ്പീ മദേഴ്സ് ഡേ... ട്ടോ..

അമ്മയ്ക്കു സുഖല്ലേ...:(

കഴിഞ്ഞപ്രാവശ്യത്തെപ്പോലെ രാവിലെ അമ്മ എഴുന്നേക്കും മുമ്പ് അടുക്കളേ കയറി ഒച്ചയുണ്ടാക്കണ്ട് ഒരു ചായേംണ്ടാക്കി ഒരു സര്‍പ്രൈസ് ആയി കെട്ടിപ്പിടിച്ചൊരുമ്മേം തന്ന് ഹാപ്പി മദേഴ്സ് ഡേ പറയണംന്നു തന്നെയാ ആഗ്രഹം... :( ....

നമ്മടെ കുഞ്ഞു കുഞ്ഞു സന്തോഷത്തീന്നും കുസൃതീന്നുമൊക്കെ അമ്മ പോയീന്ന് ഇപ്പൊഴും അങ്ങട്ട് വിശ്വാസാവണില്ല അമ്മേ... അന്ന് ഞാന്‍ ട്രൈയിനിങ്ങിന് കൊല്‍കത്തേല് പോയപ്പോ അമ്മയ്ക്ക് മെയിലെഴുതീര്ന്നത് പോലെ എല്ലാ മെയിലും എഴുതുമ്പോ, 'കുട്ടൂന്റെ സ്വന്തം അമ്മാ'ന്നും പറഞ്ഞ് ഉച്ചയ്ക്ക് തന്നെ ഒരു റിപ്ലൈ വരുംന്നുതന്നെയാ ഇപ്പൊഴും ..... ഇതിനും അങ്ങനെ തന്നെ വിസ്വക്കാനാ കുട്ടൂനിഷ്ടം ... :(

ആ, അമ്മേ, നല്ല ചൂടാട്ടോ ഇവിടെ, മഴ പെയ്യണണ്ട് , ഇടയ്ക്കൊക്കെ. പക്ഷേ വല്ല്യ കാര്യൊന്നുല്ല്യ. നല്ല ചൂടെന്ന്യ... അച്ചനിപ്പോ അതോണ്ട് കിടത്തം നമ്മടെ വല്ല്യ റൂമിലേക്ക് മാറ്റി. അവിടെ ജനലൊക്കെ തുറന്നിട്ടാ ഇപ്പൊ കിടക്കണെ. അതോണ്ടാ തോന്നുണൂ, ഇന്നലെ, നിങ്ങടെ ആ കല്ല്യാണ്ഫോട്ടൊ നമ്മടെ ആ വല്ല്യ ഷോകേസിന്റെ നടുവിലുള്ള കള്ളിയിലേക്ക് മാറ്റി ട്ടോ... അച്ചന്‍ തന്നെ കൊണ്ടുവച്ചതാ അത്. ആ കള്ളിയിലുണ്ടായിരുന്ന കുഞ്ഞാവേടെ ട്രോഫികള്‍ അച്ചനെടുത്ത് അവള്‍ടെ റൂമിലെ ഷെല്‍ഫില്‍ വെച്ചിട്ടൂണ്ടായിരുന്നൂ...അവളിന്നലെ വൈകീട്ട് എന്നെ വിളിച്ചു കാണിച്ചു തന്നൂ..

വേറെ ഒന്നും ഇല്ല്യാ ട്ടോ ഇപ്പോ...

ഞങ്ങള്‍ വല്ലാണ്ട് മിസ്സ്ചെയ്യൂണു അമ്മേനെ..

അമ്മേടെ സ്വന്തം,

കുട്ടൂ.

വിമാനം പൈലറ്റില്ലാത്തത്, 3 എണ്ണം

2010-05-07T08:39:00.005+05:30

കേരളാപോലീസിന്റെ അടുത്ത ഷോപ്പിങ്ങ് ലിസ്റ്റിലുള്ളതാ.

വിമാനം, പൈലറ്റില്ലത്തത് മൂന്നെണ്ണം....
വില ഒന്നിന് വെറും രണ്ടുകോടി എഴുപത്തഞ്ചു രൂപ മുപ്പത്തഞ്ചു പൈസ..

ഉപകാരങ്ങള്‍ 'വന്‍' ആണ്. വളരെ പ്രധാനപെട്ടത് ഇവയൊക്കെയാണ്

പറത്തി മോളിലേക്ക് വിട്ടാല്‍ ആരും അറിയാതെ വല്ല ഐജിമാരും രാജ്യം വിടുന്നുണ്ടോന്നു നിരീക്ഷിക്കാം.

അതിലേക്കുള്ള ഇന്ധനം...അത് ഇപ്പോ ജീപ്പിലേക്കടിക്കുന്നപോലെ തന്നെ വല്ല കള്ളുകച്ചവടക്കാരനേംകൊണ്ടടിപ്പിക്കാം. എന്നിട്ടവന്റെ വീടും നിരീക്ഷിക്കം. വീണ്ടും അടിക്കേണ്ടതല്ലേ....

എറണാകുളത്ത് സൌത്ത് പാലത്തിന്റെ മുകളില്‍ ട്രാഫിക് കൂടുമ്പോ, തൃശൂരു മുതലുള്ള വാഹന ഗതാഗതം വഴിതിരിച്ചു വിടാം.

ആളില്ലാതെ പൂട്ടിക്കിടക്കുന്ന വീടുകളില്‍ കള്ളന്‍ കയറുന്നത് മുകളീന്ന് നോക്കി കള്ളന്റെ ചിത്രം എടുത്തു വെയ്ക്കം. കേസിനൊരു തെളിവായി ഉപയോഗിക്കം.

കേരളാ പോലീസേ... സാറൊരു സംഭവം തന്നെ.

ഇനി അത് കുളത്തിലേക്ക് തകര്‍ന്ന് വീണ് ബ്ലും ആകുമോന്നാ കുരുത്തം കെട്ടവന്റെ പേടി.

പ്രെയ്സ് ദ ലോര്‍ഡ് ...ലതു നിര്‍ത്തിവെച്ചിരിക്കുന്നൂ.

2010-05-05T10:59:00.002+05:30

കേരളത്തിലെ ജനജീവിതം ദുസ്സഹമാക്കിയ, കേരളീയരെ കണ്ണീരുകുടിപ്പിച്ച മലയാളികളുടെ ജീവിതം സ്തംഭിപ്പിച്ച ആ സിനിമാ സമരം താല്‍കാലികമായി നിര്‍ത്തിവച്ചിരിക്കുന്നൂ...പ്രെയ്സ് ദ ലോര്‍ഡ്..... മേയ് 31നു സര്‍വോപരി ശക്തമായി വീണ്ടും തുടങ്ങാന്‍ !

ഇനി സമരം മൂലം സിനിമാ വ്യവസായത്തിനുവന്ന നഷ്ടങ്ങളുടെ കണക്കു കേള്‍ക്കാം. പക്ഷേ പൊതുജനത്തിനു വന്നുപെട്ടലാഭത്തിന്റെ കണക്കെടുത്താല്‍ ചിലപ്പൊ രണ്ടും വല്യ വ്യത്യസം കാണില്ല. കശും സമയവും കളഞ്ഞു സിനിമകാണാന്‍ കയറുന്ന മലയാളികളെ കൊഞ്ഞനംകുത്തുന്നത് എന്നു നിര്‍ത്തുന്നോ അന്നേ ഇനി ഇതു ലാഭത്തിലാവൂ. ലതുവരെ ഇവര്‍ക്ക് സമരം നടത്തി സ്വയം തോല്‍പ്പിക്കാം...

ഇനി റിലീസ് ചെയ്യുന്ന എത്രസിനിമ ബ്ലും! ആവും എന്നാണ് ഇനി അറിയാനുള്ള ഒരേ ഒരു കാര്യം.

വാല്‍കഷ്ണം: തോല്‍വികളേറ്റുവാങ്ങാനായി ചന്തുവിന്റെ ജന്‍മം ഇനിയും ബാക്കി....

...ബള്‍ബ്...

2010-05-04T14:46:00.000+05:30

ഇനി മുതല്‍ കേരളത്തില്‍ പകലോടിക്കുന്ന ഇരു ചക്രവാഹനങ്ങളെല്ലാം ഹെഡ് ലൈറ്റ് ഇടണം. ആയത് ഉച്ചയ്ക്കണെങ്കിലും ഇട്ടിരിക്കണം. മോട്ടോര്‍ വാഹന വകുപ്പിലെ ഏമാന്‍മാര്‍ക്കു കത്തിയ ഏറ്റവും പുതിയ ബള്‍ബ്. ലൈറ്റിട്ടില്ലെങ്കില്‍ ഇരുചക്രവാഹനങ്ങളെ വലിയ വാഹനത്തിന്റെ ഡ്രൈവര്‍മാര്‍ കാണില്ലാന്ന്....

ഇനി മുതല്‍ പോലീസ് വഴീന്ന് കൈകാണിച്ചാലും നിര്‍ത്താതെ പോവാം. ഏമാന്‍ ഹെഡ് ലൈറ്റിടാത്തതോണ്ട് വാഹനം ഓടിക്കുന്നോര് കണ്ടില്ലേങ്കിലോ ....

ഒരു ബള്‍ബ് ആരോ കുളത്തിലെറിഞ്ഞൂ...

ബ്ലും!

ഓഫ്: ഇതു നാളേക്ക്... മറ്റന്നാള്‍ മുതല്‍ പകല്‍ റോഡുമുറിച്ചുകടക്കുന്ന വഴിയാത്രക്കാര്‍ ടോര്‍ച്ചടിച്ച് റോഡ് മുറിച്ച് കടക്കേണ്ടതാണ്.

"ഒരു നാള്‍ വരും" മ്യൂസിക് റിവ്യൂ...

2010-05-03T15:35:00.001+05:30

ഇളയരാജയേയും എം ജി ശ്രീകുമാറിനേയും താരതമ്മ്യം ചെയ്യാന്‍ പാടില്ലെങ്കിലും" കഥതുടരുന്നു", "ഒരു നാള്‍വരും" എന്നീ സിനിമയിലെ ഗാനങ്ങള്‍ താരതമ്മ്യം ചെയ്യാം...

"ഒരു നാള്‍വരും"മിലെ പാട്ടുകള്‍ക്ക് കുറച്ചുകൂടി സംഗതികളൊക്കെയുണ്ടെന്ന് തോന്നുന്നു. മൊത്തത്തില്‍ പാട്ടു കേള്‍ക്കുമ്പോ ഒരു രസമുണ്ട്. വിധു പ്രതാപിന്റെ 'ഒരു കണ്ടന്‍ പൂച്ച് വരുന്നെ' എന്ന പാട്ടുംപിന്നെ ലാലേട്ടനും റിമീ ടോമീം പൊലിപ്പിച്ചെടുത്ത "നാത്തൂനും" ഒരു ചെയ്ഞ്ചായീ. മറ്റുപാട്ടുകള്‍ക്കും ഒരു മലയാളി ലാളിത്യമുണ്ട്... കുറെകാലം കഴിഞ്ഞശേഷം പാട്ടുകേള്‍ക്കുമ്പോ സിനിമകണ്ടാ നന്നാവുംന്നു തോന്നിക്കുന്ന പാട്ടുകള്‍... തെളിച്ചു പറഞ്ഞാ മീശമാധവനുശേഷം ... ! എന്നുവച്ചു അത്രവല്ല്യൊരു സമ്ഭവമല്ലകെട്ടോ, പക്ഷേ 'സംഗതി'കളുണ്ട്...

ലാലേട്ടനും ശ്രീനിവാസനും മണിയന്‍പിള്ളരാജുവും, പിന്നെ ശ്രീനിവാസന്റെ കഥേം. പ്രതീക്ഷ ബ്ലും ആവില്ലാന്നു തോന്നുണൂ.

ലയനം (A).

2010-05-02T08:33:00.002+05:30

മുന്നറിയിപ്പ് : പതിനെട്ടിനു മുകളില്‍ മാത്രം.
...അനന്തരം രാത്രിയുടെ അന്ത്യയാമങ്ങളില്‍ ഉരുകിത്തീരാറായ ആ മെഴുകിതിരിനാളത്തിന്റെ ഇത്തിരി വെട്ടത്തില്‍, മീനച്ചൂടിലിറ്റിറ്റുവീഴുന്ന വിയര്‍പ്പുതുള്ളികളെ അവഗണിച്ച് അവരിരുവരും അന്യോന്യം ലയിച്ചു ചേര്‍ന്നു...

ഐ'ജി' എ'ജി' യില്‍ ലയിക്കുന്നൂ
ജോ'ജി' മാ'ജി' യില്‍ ലയിക്കുന്നൂ.
പിള്ള തള്ളയില്‍ ലയിക്കുന്നൂ....

ഇതിങ്ങനെ അലിഞ്ഞും ലയിച്ചും തീര്‍ന്നാല്‍ ഈ മഹത് പാരമ്പര്യം... "വളരുംതോറും പിളരും, പിളരുംതോറും വളരും: കേരളാ കോണ്ഗ്രസ്".... ബ്ലും! ആയിപ്പോവില്ലേന്നൊരു സംശയം !

പക്ഷേ ആരൊക്കെ എതിര്‍ത്താലും ശരീ, എന്തൊക്കെ സംഭവിച്ചാലും ശരീ.... "ഫത്മജ നമ്മുടെ നേതാവേ.. ധീരതയോടെ നയിച്ചോളൂ..."

രാവണന്‍ മ്യൂസിക് റിവ്യൂ

2010-04-29T08:08:00.001+05:30

അത്രയ്ക്ക് ഇമ്പമില്ലാത്ത അസുരതാളങ്ങള്‍.

'ഘിലിരെ ഘിലിരെ' എന്ന ഒരു പാട്ടൊഴിച്ചുനിര്‍ത്തിയാല്‍ പാട്ടുകളെല്ലം വെറും ശബ്ദങ്ങള്‍, അല്ലെങ്കില്‍ ശബ്ദകോലാഹലങ്ങള്‍...
സിനിമയ്ക്കു യോജിക്കുമായിരിക്കും എന്നു പ്രതീക്ഷിക്കാം.
റഹ്മാന്‍ മണിരത്നം കൂട്ടുകെട്ടില്‍ നിന്നും പ്രതീക്ഷിച്ചതല്ല കേള്‍ക്കാന്‍ കഴിഞ്ഞത്.
അതോ ഞാന്‍ കൂടുതല്‍ പ്രതീക്ഷിച്ചോ ?
എന്തായാലും കല്ലിട്ടവന്റെ പ്രതീക്ഷ ബ്ലും !

ശശി !

2010-04-20T11:39:00.001+05:30

ഐ പി എല്‍, കൊച്ചി, റൊണ്ഡേവൂ, സുനന്ദ ...
അനന്തരം നമ്മള്‍ ശശിയായി !
ബ്ലും!

കണി...

2010-04-16T11:21:00.000+05:30

ഭാഗം 1:
ഏപ്രില്‍ പതിമൂന്ന്. രാത്രി ..കൂരാകൂരിരുട്ട്!

പണ്ടാരടങ്ങാനായിട്ട് ഒടുക്കത്തെ പണികാരണം രണ്ടാളും ലേറ്റായാണ് റൂമിലെത്തിയത്.
സമയം 11:30...

"ടാ, നാളെ ഏപ്രില്‍ പതിനാലല്ലെ?"
"ആവും"
"അപ്പൊ നാളെയല്ലേ വിഷു?"
"ഷിറ്റ്!, ഈ അമ്മയ്ക്കിതൊക്കെയൊന്നു വിളിച്ചു പറഞ്ഞൂടെ? കണികാണാനിനി കൊന്നപ്പൂവെവിടെ തപ്പും ഈ ബാങ്ക്ലൂരില്"
"അതാ ഞാനും ആലോചിക്കുന്നെ, എന്റെ അമ്മേം അങ്ങനെയങ്ങു മറക്കാന്‍ സാധ്യതയില്ലല്ലോ"
"ആ... ആരും ഒന്നും പറയുന്നതും കേട്ടില്ല..."
"ആ പോട്ട് പുല്ല്.. ഒരു വിഷൂന് കണി കണ്ടില്ലെങ്കിലൊന്നും സംഭവിക്കില്ല.."
"എന്നാലും ആ സങ്കടം തീര്‍ക്കാന്‍ ഒരുബോട്ടലുപോലും കിട്ടാനെനി വകുപ്പില്ല..."
"നീ കൂടുതലാലോചിക്കേണ്ടാ, കിടന്നുറങ്ങാന്‍ നോക്ക്... "
"ഗുഡ് നൈറ്റ്"
"ആ... ഗുഡ് നൈറ്റ്"

ഭാഗം 2:
ഏപ്രില്‍ 14:

രാവിലേ എണീറ്റു. കുളിച്ചു.
ഒട്ടും കുറയ്ക്കണ്ട. ഇന്നെങ്കിലും മലയാളി മങ്കന്‍മാരാവാന്നു കരുതി.
കണികാണാത്ത ചമ്മലൊന്നും മുഖത്തുവെയ്ക്കതെ നല്ല ഓരോ വെള്ള മുണ്ടും ജുബ്ബേം ഇട്ടു രണ്ടാളും ഓഫീസിലെത്തീ. [താങ്ക്സ് റ്റു അവസാനത്തെ എത്നിക് ഡേ.. അന്നു മേടിച്ചത മുണ്ടും ജുബ്ബേം!]

ഒരു മുന്നൂറൂ മലയാളികളെങ്കിലും ഉള്ള ഓഫീസില്‍ ഒരൊറ്റ ആളുപോലും മുണ്ടെടുത്തിട്ടില്ല, കേരളാ സാരി എടുത്തിട്ടില്ല..ഒരു "ശശി" മണം അടിച്ചു. ഡെസ്കില്‍ വന്നു, നേരെ മനോരമ ഓപ്പണ്‍ ചെയ്തു.

"നാളെ വിഷു"
"ശശി... കണ്‍ഫേംഡ്!!!"
ഭാഗം 3:

ഏപ്രില്‍ 14, വൈകീട്ട് അഞ്ചുമണി.
വന്‍ മഴന്നുപറഞ്ഞാപോരാ ഓടുക്കത്തെ മഴേംകാറ്റും ഇടീം മിന്നലും.
ബൈക് എടുക്കാന്‍ ഒരു നിവര്‍ത്തിയുമില്ല.
അവസാനം മഴകഴിഞ്ഞപ്പോ രാത്രി ഒമ്പതു മണി.
നേരെ വിട്ടു. വീടെത്തിയപ്പോ പത്തുമണി.
നല്ലതണുപ്പും...ബാറടയ്ക്കുന്നതിന്റെ മുന്നേ സധനം മേടിക്കണം.
ഇന്നലെ മിസ്സയതും ഇന്നു ശശിയായതും അലിയിച്ചിറക്കാന്‍ ഐസ്ക്യൂബ്സും.
ഒരു പെഗ്ഗ്, രണ്ട്, മൂന്ന്.

അമ്മേടെ വിളിവന്നൂ‍ മൊബൈലില്‍.
"ടാ നിനക്കു കൊന്നപ്പൂ കിട്ടിയോ?"
"ശ്ശൊ!"
"എന്തേ, കിട്ടീല്ലേ?"
"ആ മേടിക്കണം, മറന്നു. "
"ന്ന, പോയി മേടിച്ചോ, നാളെ കണികണ്ടിട്ടു വിളിക്കാം"
"ആ"
"ഞാന്‍ വിളീച്ചുണര്‍ത്തണോ?"
"വേണ്ടമ്മേ.. ഞാന്‍ അലാറം വെച്ചോളം.."
"ശരി."
"ശരി."

അവനിനിയും എത്തീട്ടില്ല.

ക്ലയന്റിന്റെ അമ്മായപ്പനു വിളിച്ചോണ്ടിരുന്നു പണിയുന്നുണ്ടാവും.
ഇനി ഇപ്പൊ പുറത്തു പോവാനൊന്നും വയ്യ..

കണി???...

അവന്റെ നമ്പറെടുത്തു കുത്തീ..
"ടാ, നീ വരുമ്പോ ഇത്തിരികൊന്നപ്പൂ കിട്ടോന്നു നോക്ക്...ഞാന്‍ മറന്നൂ..."
"പോ %#$%$#... ഇവിടേന്ന് ഇന്നൊന്നും രക്ഷപ്പെടുംന്നു തോന്നുന്നില്ല"
"അപ്പോ കണി കാണെണ്ടെ?"
"നീ ഒരു ഫുള്‍ ഫ്ലെഡ്ജ് കണീടെ ചിത്രം ഗൂഗിളീന്ന് എടുത്ത് ഡെസ്ക്ടോപ്പില്‍ വാള്‍പേപ്പറായി സെറ്റ്ചെയ്തിട്, സിസ്റ്റം ഓഫ് ചെയ്യണ്ട."
"ആളിയാ അതു മതിയോ?"
"അത്രമതീടാ... ഇനി കൊന്നപ്പൂവൊന്നും കിട്ടൂല്ലാ."
"ഓകെ"
"ശരി അളിയാ"

എന്തായാലും ചിത്രം കിട്ടീ.
അപ്പൊ കണി ഓക്കെയായി.

എന്നാ പിന്നെ അതു മൊബിലില്‍ വാള്‍പേപ്പറാക്കിയാ രാവിലെ ചുമ്മാ ഏണീറ്റ് സിസ്റ്റം തപ്പണ്ട.
അങ്ങനെ അതു മൊബൈലില്‍ വാള്‍പേപ്പറാക്കി.
കണി നമ്മളെത്തേടി ബെഡീലേക്ക് ....

ഗ്ലാസിലൊഴിച്ചു വെച്ചതിന്റെ ബോട്ടംസിപ്പ്.
ഇനി സുഖായിട്ടൂറങ്ങാം.
ഈ വിഷൂനും കണി കണ്ടുതന്നെ ഊണരാം..

ശ്ശോ സന്തോഷം.

ബ്ലും!

വമ്പിച്ച വിഷു ഓഫര്‍...

2010-04-15T07:36:00.004+05:30

ഈ വിഷുദിനം ആഘോഷിക്കുന്നതിനായി ഓ എം ആറിന്റെ ഫുള്‍ ബോട്ടല്‍ മേടിക്കുന്നവര്‍ക്ക് കൊച്ചി ഐ പി എല്‍ ടീമിന്റെ ഒരു ഷെയര്‍ ഫ്രീ *... [നിബന്ധനകള്‍ക്ക് ബാധകം]

* ഷെയര്‍ എടുക്കുന്നയാളുകള്‍ അവരുടെ പേരിലുള്ള ലൈഫ് ഇന്‍ഷൂറന്‍സ് പോളിസി കൂടെ കൊണ്ടു വരേണ്ടതാണ്.
** പോലീസ് പ്രൊട്ടക്ഷനുള്ള അപേക്ഷാഫോറം തൊട്ടടുത്ത പെട്ടിക്കടകളില്‍നിന്നും വില്‍സിന്റെയോ/സിസേര്‍സ്ന്റെയോ ഫുള്‍ പേക്കറ്റ് മേടികുമ്പോള്‍ ഫ്രീ ആയി ലഭിക്കുന്നതാണ്.
***ഷെയറുകള്‍ എടുക്കുന്നവര്‍ക്കു വന്നേക്കാവുന്ന മാനഹാനിക്കോ വധഭീഷണിക്കോ ഞങ്ങള്‍ യാതൊരു കാരണവശാലും ഉത്തരവാധികളായിരികുന്നതല്ല.
ബ്ലും!
... എല്ലാര്‍ക്കും കുരുത്തം കെട്ടവന്റെ വിഷു വിഷു ആശംസകള്‍

ട്വീറ്റ്-കുപ്പികണ്ടം- അദ്രൈമാനിക്ക ബാറ്റിങ്ങ്

2010-04-14T09:38:00.001+05:30

സ്ഥലകാല ബോധം: രാമേട്ടന്റെ ചായക്കട പേരുമാറ്റിയത് 'ലേ കഫേ രാമേട്ടന്‍സ്', സമയം ഇന്നലെ രാവിലെ.
അദ്രൈമാനിക്ക വിത്ത് മനോരമ ആന്റ് ഒരു വിതൌട്ട് കാലിച്ചായ: "ഹല്ല രാമാ.. ഈ ഹറാം പറന്ന കൊച്ചീടീമിനാട്ടോ അടുത്ത ഐ പീ എല്ല് കപ്പ്."
കേട്ട രാവുണ്ണി നായര്: അതെന്തേ ഇയ്യങ്ങനെ പറഞ്ഞേ അദ്രൈമാനേ? ഓര് ടീം സെറ്റപ്പാക്കീട്ടൂംകൂടെല്ലല്ലാ.. ഐന്റെ മുന്നെ ജ്ജ് കപ്പോര്ക്ക് കൊടുത്തോ?
അദ്രൈമാനിക്ക [ചായ ബോട്ടം സിപ്പ് എടുത്തതിന് ശേഷം]: ഈ കളിക്ക് ആദ്യത്തെ ഏറു മുതലന്നെ പന്ത് അടിച്ച് അമേരിക്ക കടത്തണം നായരേ, അങ്ങനത്തോരേ ജയിക്കൂ. ഞമ്മളെ കൊച്ചീക്കാര് ഐന്റൊക്കെ മുന്നേ അടി തൊടങ്ങീലേ... ഇങ്ങള് പത്രം ബായിക്കി നായരെ...
രാവുണ്ണിനായര്: എന്തേന്ന് പത്രത്തില്?
അദ്രൈമാനിക്ക [കാലി ഗ്ലാസ് രാമേട്ടന് തിരിച്ച് കൊടുത്തു]: എതിര്‍ടീമിലെ ഒരു ഹലാക്കിന്റെ ചെയ്ത്താന്ണ്ട് ലളിത് മോഡീ, ഐ പീ എല്ലിന്റെ മൊത്തം മൊയലാളി.

നായര്: ആ ഞാങ്കണ്ട്ക്ണ്, ഏതേങ്കിലും ടീമിന്റെ മൊയലാളിമാര് പെണ്ണണെങ്കി ഓരപ്പം മാത്രം ഇരിക്ക്ണ ആ കോട്ടൊക്കെ ഇട്ടോനല്ലല്ലേ...
അദ്രൈമാനിക്ക: ഓന്‍തന്നേ...ഓന്‍ ഞമ്മളെ ശശിസാറിനിട്ട്ങ്ങാണ്ട് കളി തൊടങ്ങണേന്റെ മുന്നെ ടൂട്ടറോണ്ടൊരേറ്.
നായര്: അതെന്ത അദ്രോ ടൂട്ടറ്?
അദ്രൈമാനിക്ക: അതെന്താന്ന് ഇനിക്കും മുയ്മ്മനായിട്ടങ്ങട്ട് മനസ്സിലായീല്ല... ഈ കമ്പ്യൂട്ടറിലെ എന്തോരു കുപ്പിക്കണ്ടംന്ന് കരുതിക്കോളീ ങ്ങള്പ്പം...
നായര്: ആ ന്നട്ട്..
അദ്രൈമാനിക്ക: ഞമ്മളെ ശശിസാറാരാമോന്. ഈ കുപ്പികണ്ടം കൊണ്ട് മൂപ്പര് കൊറേ കളിച്ചതാണല്ലാ..അങ്ങനെ ശശിസാറ് ആ ഏറങ്ങട്ടാഞ്ഞടിച്ചിട്ട്ണ്ട്... ഞ്ഞ്പ്പം അതെവിടെപ്പൊയി കര തൊടുംന്ന് കാത്തിരിന്ന കാണണം . മൊയലാള്യാണോനൊന്നും നോക്കാതെ അമ്മാതിരി അട്യാ ശശി സാറടിച്ചത്.

നായര്: ഈ ശശിസാറും കൊച്ചിടീമിന്റെ ബൂര്‍ഷാ മൊയലാളി ആന്നെല്ലേ കേക്കണത്?

അദ്രൈമാനിക്ക: ആണ്ണ്ന്ന് കൂട്ടിക്കോളീ. അങ്ങനെത്തെ ആഞ്ഞടിക്കണ മൊയ്ലാളിമാര്ള്ള ടിമിലെ കുട്ടിച്ചെയ്ത്താന്‍മാരും അങ്ങനെതന്നെ ആഞ്ഞടിക്കൂലേ?? അപ്പോ കളി ആ പഹയന്‍മാര് ജയിക്കൂലേ... ?
നായര്: അത് അദ്രൈമാന്‍ പറഞ്ഞത് കാര്യം
അദ്രൈമാനിക്ക: അതാ ഞാന്‍ പറഞ്ഞത് നായരേ, കൊച്ചീടീമിനാട്ടോ അടുത്ത ഐ പീ എലല്‍ കപ്പ് ന്ന്...
രാമേട്ടന്‍: അപ്പോ ബാക്കി ടീമൊക്കെ?

ബ്ലും!

ബ്ലാക്ക്ബെല്‍റ്റ് തിലകന്‍...

2010-04-12T11:06:00.000+05:30

തിലകന്‍ കരാട്ടെ പഠിക്കാത്തതില്‍ ദുഖിക്കുന്നൂ...
അല്ലേല്‍ പലരേയും തൊഴിച്ചേനേയെന്ന് തിലകന്‍.

ഭഗ്യം... ഇടവേള ബാബുവിനൊരു തൊഴികുറഞ്ഞൂ

സുകുമാരഴീക്കോടിനു ജൂഡോയും പഠിക്കായിരുന്നൂ.
ലെഫ്റ്റനന്റ് കേണല്‍ ലാലേട്ടന്‍ ആള്‍റെഡി യുദ്ധമുറകള്‍ പഠിക്കുന്നുണ്ട്.

ഇതുവരെ ആരും 'ഒന്നും' പഠിക്കാഞ്ഞത് നന്നയീ.

സംഘട്ടനം ത്യാഗരാജന്‍ മാഷ് ബ്ലും ആയേനെ !

ഹാപ്പി ഗുഡ് ഫ്രൈഡേ...

2010-04-07T10:49:00.000+05:30

ദുഃഖവെള്ളിയാഴ്ച ഒരു എസ് എം എസ് കിട്ടീ...
ഹാപ്പി ഗുഡ് ഫ്രൈഡേ !
അതും ബ്ലുമ്മി...

ഒരു ലേറ്റ് ബ്ലും!

പെസഹവ്യാഴത്തിനും ദുഖവെള്ളിക്കും ശേഷം
ഈസ്റ്ററിന് വിദേശ മദ്യം കൂടുതല്‍ ചിലവായില്ലെന്ന്...
ഈസ്റ്ററുകഴിഞ്ഞപ്പോഴാണ് ബിവറേജ് കോര്‍പ്പറേഷന്
ദുഖവെള്ളി!

മഴ പെയ്തിരുന്നു

2010-03-31T22:46:00.002+05:30

ഇന്നെലെ രാത്രി മഴപെയ്തിരുന്നൂ...

ഉരുകിത്തീര്‍ന്നിട്ടും തീരാത്ത ചൂടിനെ

തണുപ്പിക്കാന്‍ പെയ്ത മഴ....

ഓര്‍മ്മകള്‍ ആ മഴത്തുള്ളികളില്‍ ഇറ്റുവീണു.

വായിക്കാനെടുത്ത ഒരു പുസ്തകുവും നെഞ്ചില്‍വെച്ച്

മുകളിലെ മുറിയിലെ കട്ടിലില്‍

ഓടില്‍നിന്നിറ്റിവീഴുന്ന മഴത്തുള്ളികളെ നോക്കി

വെറുതേയിരുന്ന ആ ദിവസം...

എപ്പൊഴോ അമ്മ മേശയില്‍ കൊണ്ടുവച്ച

കട്ടന്‍കാപ്പിക്ക് അപ്പോഴും ചൂടുണ്ടായിരുന്നു.

ഇന്നും കൂടെ നടക്കുന്ന തണുപ്പുള്ള ഒരു ചൂട്......

~~___________________________________~~

ഇന്നലത്തെ രാത്രിമഴകഴിഞ്ഞപ്പോ ഇന്നിനൊരു ഭംഗിതോന്നി.

അപ്പോ കുറച്ചു ചിത്രങ്ങളെടുത്ത് നിങ്ങളേംകാണിക്കാന്ന് തോന്നി.

ഒരു വേനല്‍മഴ കഴിഞ്ഞപ്പോള്‍...

വേനല്‍ മഴയിലൊരു ബ്ലാക്&വൈറ്റ് ബ്ലും!

ഹരിഹര്‍നഗര്‍3,ഇന്‍ ഗോസ്റ്റ് ഹൌസ് ഇന്‍

2010-03-27T09:06:00.005+05:30

ഇന്‍ ഗോസ്റ്റ് ഹൌസ് ഇന്‍: ഭാര്‍ഗവീനിലയത്തില്‍ തുടങ്ങി ഹരിഹര്‍ നഗറിലൂടെ പോയി എക്സോട്ടികില്‍ നിര്‍ത്തി ഒരു കാലിച്ചായേം പരിപ്പുവടേം കഴിച്ച്, ഒരു പടികൂടെ മുന്നോട്ടുപോയി, ബുദ്ധിപരമായി നിര്‍ത്തിയ ഒരു അവധിക്കാല ലാല്‍ സിനിമ.

ഇന്‍ ഹരി ഹര്‍നഗറിന്റേം ടു ഹരിഹര്‍ നഗറിന്റേം അത്രേം തമാശ ഇതിലില്ലാ എന്നു പറഞ്ഞാ അതു "ഇതാണോ ഓണം, ഓണമൊക്കെ ഞങ്ങടെ കുട്ടികാലത്തായിരുന്നൂന്ന് " എന്ന 'ഒരു അമ്മാവന്‍ നെടുവീര്‍പ്പ്' [#1] പോലെയെ ഉള്ളൂ. പക്ഷേ ഈ ടീം കൊള്ളം. പ്രായം പക്വതയെത്തിക്കാത്ത നാലു മലയാളീസ്...

എന്തായാലും ജഗദീഷിന്റെ ചില ചളി നമ്പറുകള്‍ കഴിഞ്ഞാല്‍ 'വിജ്ജ്രംബിച്ഛ' ഒരു ക്ലൈമാക്സ് ഉണ്ട്... മുന്‍ ഹരിഹര്‍ നഗറുകളെപ്പോലെതന്നെ ഒരിക്കലും ബോറടിപ്പിക്കുന്നുമില്ല...

ഒരു 'വിജ്ജ്രംബിച്ഛ' ബ്ലും!!!

[#1] അമ്മാവന്‍ നെടുവീര്‍പ്പ് :-പുതിയ മലയാള പ്രയോഗം. ശബ്‌ദതാരാവലി പുതിയത്, പേജ് നമ്പര്‍ മുന്നൂറ്റി രണ്ട്: " പ്രശസ്ത സാഹിത്യ കാരനും വാഗ്മിയും ആയ ശ്രീ സുകുമാര്‍ അഴീക്കോടും മികച്ച അഭിനേതാവും ലെഫ്റ്റനന്റ് കേണലുമായ ശ്രീ മോഹന്‍ലാലും തമ്മിലുള്ള വാക് സംഘട്ടനത്തിനുശേഷം മലയാളത്തില്‍ ഉരുത്തിരിഞ്ഞുവന്ന പുതിയ പ്രയോഗങ്ങളില്‍ ഒന്ന്. [ കൂടുതല്‍ കാണുക: അമ്മവന്‍ ഫലിതം, അമ്മാവന്‍ കോപം, അമ്മവന്‍ പാചകം, ...]

ഐ പി എല്‍ കൊച്ചി : സാധ്യതകള്‍

2010-03-24T11:29:00.000+05:30

അങ്ങനെ ഐ പി എല്‍ കൊച്ചിക്കും...

ഈ ഒരു സംഭവം കൊച്ചിയെതന്നെ മാറ്റി മറിക്കും...
താഴെ പറയുന്നവ മനോരമയുടെ കണ്ടുപിടുത്തങ്ങള്‍ക്കു പുറമേയുള്ളതാ...

1. കൊച്ചിയിലേക്ക് കാണികളുടെ അനര്‍ഗ്ഗള നിര്‍ഗ്ഗള പ്രവാഹം കാരണം വാഹനങ്ങളില്‍നിന്നും ധാരാളം കാര്‍ബണ്‍ ഡയോക്സൈഡ് പുറം തള്ളപ്പെടും.. ഈ ഒരൊറ്റ കാരാം കൊണ്ടു തന്നെ കൊച്ചിയില്‍ മരങ്ങള്‍ തഴച്ചു വളരും.

2.മരങ്ങള്‍ തഴച്ചു വളരന്‍ സാധ്യത്യുള്ളത് കാരണം നാല് വര്‍ഷത്തിനകം എം ജി റോഡ് ഒരു ചെറു വനമായും കാക്കനാട് നിബിഡ വനമായും കലൂര്‍ ഘോരവനമായും മാറുവാന്‍ സാധ്യതയുണ്ട്. അതോടു കൂടെ കൊച്ചിനിവാസികളുടെ ശുദ്ധവായു ക്ഷാമം പരിഹരിക്കപ്പെടും.

3. കൊച്ചിയിലെ വന സാന്ദ്രത കൂടുന്നതിന്റെ ഭാഗമായി കൊച്ചി ഒരു അതി വൃഷ്ടി പ്രദേശമായി അറിയപ്പെടാന്‍ തുടങ്ങും. അടുത്തു തന്നെ കായലുംകടലും ഉള്ളതുകൊണ്ട് കാലാവസ്ഥാ വകുപ്പിന്റെ കണക്കനുസരിച്ച് ചിറാപുഞ്ചിയെ അഞ്ചാമത്തെ വര്‍ഷം കൊച്ചി കടത്തിവെട്ടും. ഇത് കൊച്ചിയുടെകുടിവെള്ളക്ഷാമത്തിന്ന് പരിഹാരമുണ്ടാക്കും.

4.കൊല്ലത്തില്‍ എല്ലദിവസവും ഇങ്ങനെ അമിതമായി കിട്ടുന്ന മഴമൂലം പനംപള്ളി നഗര്‍ മുതല്‍ കടവന്ത്ര വരെയുള്ള ഭാഗങ്ങളിലുള്ള കൊതുവളര്‍ത്തെല്‍ കേന്ദ്രങ്ങളില്‍ കെട്ടികിടക്കുന്ന 'ബ്ലാക്ക് വാട്ടേര്‍സ്' പതുക്കെ ഒഴുകി തുടങ്ങും. ഇത് കൊതുവളര്‍ത്തല്‍ കേന്ദ്രങ്ങള്‍ക്ക് ഒരു ശക്തമായ തിരിച്ചടിയായിരിക്കും. അതുകൊണ്ടു തന്നെ കൊച്ചിയിലെ കൊതുക്കള്‍ കൂട്ടമായി ലക്ഷദ്വീപിലെ മിനിക്കോയി ഭാഗത്തേക്ക് അവാസ വ്യവസ്ഥ പറിച്ചു നടും. ഇതു കൊച്ചിയുടെ കൊതുകു ശല്ല്യത്തിനും അറുതി വരുത്തും.

5.കൊച്ചിയിലേക്ക് ലോകത്തിന്റെ നാനാ ഭാഗങ്ങളില്‍ നിന്നും സഞ്ചാരികള്‍ ഐ പി എല്‍ കാണാന്‍ വരും. ഉഗാണ്ട, നൈജീരിയ ആഫ്രിക്ക ജമൈക്ക സൌദി അറേബിയ അമേരിക്ക ക്യൂബ തുടങ്ങിയരാജ്യങ്ങളില്‍നിന്നും കൊച്ചിയിലേക്ക് ഡെയ്ലി രണ്ടു ഫെറി [ജംഗാര്‍] സര്‍വ്വീസ് വീതം തുടങ്ങാന്‍ ജല ഗതാഗത വകുപ്പ് ചര്‍ച്ചകള്‍ തുടങ്ങി ക്കഴിഞ്ഞു. ഇതിലേക്കായി ഇപ്പൊ വൈപ്പിനിലേക്കും ഫോര്‍ട്ട് കൊച്ചിയിലേക്കും പോകുന്ന ജംഗാറുകളുടെ അറ്റ കുറ്റ പണികള്‍ ‍പെട്ടന്ന് തീര്‍ക്കനുള്ള ശ്രമങ്ങള്‍ തുടങ്ങി ക്കഴിഞ്ഞു.

6.ഇങ്ങനെ ജംഗാറുകള്‍ സര്‍വ്വീസ് നടത്തുമ്പോള്‍ അടിക്കടലിന്റെ ആഴം കൂടി കൊച്ചിയില്‍ തിമിംഗലം മുതല്‍ കൊമ്പന്‍ സ്രാവു വരെ അടിഞ്ഞുകൂടി മുടയിട്ടും പ്രസവിച്ചും പെരുകാനുള്ള വലിയ ഒരു സാധ്യത തള്ളി കളയാനാവില്ല. കൊച്ചിയില്‍ സാധാരണക്കാരായ മീന്‍ പിടുത്തക്കാര്‍ക്ക് ഇതു വലിയൊരനുഗ്രഹമാവും.

7.ഐ പി എല്‍ മൂലമുണ്ടാകുന്ന അധിക ഗതാഗതം കാരണം ഉണ്ടാകുന്ന തിരക്ക് ഒഴിവക്കാന്‍ വേണ്ടി കേന്ദ്ര വ്യോമഗതാഗത വകുപ്പ് സൌത്ത് പാലത്തിന്റെയും നോര്‍ത്ത് പാലത്തിന്റെയും മുകളിലൂടെ ഹെലികോപ്റ്റര്‍ ഗതാഗതം തുടങ്ങനും പരിപടിയിടുന്നുണ്ട്.ഇതു കൊച്ചിയുടെ ഗതാഗതകുരുക്കിനൊരു പരിധിവരെ പരിഹാരമാവും.

എല്ലാം ശശി സാറിന്റെ അനുഗ്രഹം കൊണ്ട്.

എന്തുപറയാന്‍..കലണ്ടര്‍ മനോരമതന്നെ!!!!

ഒരു ഐ പി എല്‍ ബ്ലും!

എലി വാല്: ശാന്തുമോന്റെ അമ്മ കൊച്ചിന്‍ ടീമിന്റെ ഐശ്വര്യം.

പുലിവാല്: കൊച്ചിയെ വിളിച്ചെടുത്ത റോണ്‍.... ഡൂ... വ്വൂ... കമ്പനിയില്‍ല്‍ല്‍ല്‍.... ഗുജറാത്തില്‍നിന്നുള്ളാ .... ആആആആരോ ഉണ്ടെന്ന് കേട്ടൂ.. ഞങ്ങള്‍ പോളിറ്റ് ബ്യൂ...റോയുടെ നിര്‍ദ്ദേശം.... വരുന്നതും... കാത്ത് ഇ രി ക്കി ക യാ....ണ്....

രാഷ്ടീയ ബോധമില്ലാത്ത പുലി.

2010-03-22T14:52:00.000+05:30

തിരൂരില്‍ പുലി...
രാഷ്ടീയ ബോധമില്ലാത്ത പുലി.
എന്താ അങ്ങനെ?
കാടും നാടും ഭരിക്കുന്നത് ഒരേ സിംഹമാണെന്നതതിന്നറിയില്ലാ...
ഓ...
സടകൊഴിഞ്ഞ സിംഹം...
ഒരു പുലി ബ്ലും!

രാഹുല്‍ മഹാജനും ഇടവേള ബാബുവും

2010-03-21T21:59:00.000+05:30

ഹിന്ദി ചാനലുകള്‍ എത്ര ഉപകാരപ്രദം, എന്തൊരു സാമൂഹിക പതിബദ്ധത... രാഹുല്‍ മഹാജനെ വരേ അവരു കെട്ടിച്ചു.

ഇവിടെ ഇനിയും കിടക്കുകയാ ഇടവേള ബാബുവിനേപ്പോലുള്ളവര്‍...
മലയാളം ചാനലുകളുണരേണ്ടിയിരിക്കുന്നൂ...സാമൂഹിക പ്രതിബദ്ധരാവേണ്ടിയിരിക്കുന്നൂ...

ഇടവേളകളില്‍ ഐസ്ക്യൂബ്സ്...
ബ്ലും

കിസ്സ് & പിസ്സ്

2010-03-18T00:13:00.001+05:30

"വിണ്ണേ താണ്ടി വരുവായാ" ...
സെകന്റ് ഹാഫ് ...
കാര്യങ്ങളൊരു കരയ്ക്കടുത്തുകൊണ്ടിരിക്കുകയാണ്.
ചിമ്പു ത്രിഷയെ ലോ, ലമേരിക്കയില്‍ വെച്ച് വീണ്ടാമതും കണ്ടുമുട്ടി.
സെന്റി ഡയലോഗുകളൊക്കെ കഴിഞ്ഞു
പ്രേമം പൂത്തുലഞ്ഞു കായ്ച് പഴുത്ത് വീഴാറായ ഒരവസ്ഥ!
അപ്പൊപൊഴിഞ്ഞു വീണൂ കിടിലന്‍ ഒരു ഡയലോഗ്, ചിമ്പു ത്രിഷയോട്

" ഇതമേരിക്കയല്ലേ ഇവിടെ നടുറോഡിലും കിസ്സ് അടിക്കാലോ" ന്ന്..
തുടര്‍ന്നൊരു ചൂടു ചുമ്പനം.

ആ ചുമ്പനത്തിന്റെ ചൂട് ഇത്തിരി കുറഞ്ഞപ്പോ
അടുത്തിരിക്കുന്ന സീറ്റീന്നൊരാത്മഗതം...

" ഇതാണ്ടാ ഡിഫ്രന്‍സ്സ്..
വെളിയൂരിലെങ്കെവേണാലും "കിസ്സ്" പണ്ണലാം
നമ്മ ഊരിലെങ്കെ വേണാലും "പിസ്സ്" പണ്ണലാം "

വാസ്തവം!
അണ്ണാ നീ പുലി തന്നെ അണ്ണാ...
അണ്ണനെയും ഡയലോഗിനേയും കുളത്തിലിട്ടു...

ബ്ലും!

മോശം പറയരുതല്ലോ സിനിമ ഭംഗിയായെടുത്തിരിക്കുന്നൂ...

പ്രിയപ്പെട്ട സുകുമാരന്‍ മാഷിന്ന്...

2010-03-05T22:56:00.003+05:30

പ്രിയപ്പെട്ട സുകുമാരന്‍ മാഷിന്ന്,

സുഖം തന്നെയെന്നു കരുതുന്നൂ. മാഷ് അന്ന് നമ്മടെ വേള്ളാപ്പൊള്ളനുമായൊന്നു കോര്‍ത്തശേഷം അങ്ങു മങ്ങിപ്പോയല്ലോ.. ഇപ്പോ അങ്ങനെ ടീവീലൊന്നും കാണാറിലല്ലോ... എന്തുപറ്റീ ?വയസ്സയീന്നൊരു തോന്നലുണ്ടോ, പക്ഷെ കണ്ടാലിപ്പൊഴും പതിനെട്ടിന്റെ ചെറുപ്പമല്ലേ...

എന്റെ മാഷെ, ഈ എഴുത്തെഴുതുന്നത് പ്രധാനപെട്ട ഒരു കാര്യം പറയാനാണ്.
ഞാനാകെ കഷ്ടത്തിലാണ്. ഏന്നെ ആരും ബഹുമാനിക്കുന്നില്ല. എന്നു മാത്രമല്ല നാട്ടില്‍ നടക്കുന്ന ഒരു കാര്യത്തിനും എന്നെ ക്ഷണിക്കുന്നില്ലാ. എല്ലാം അവന്‍ കാരണമാണ്. എന്‍റെ വീടിന്‍റെ വടക്കുവശത്ത് താമസിക്കുന്ന ആ കണാരന്‍!

കണാരന്‍റെ കാര്യം പറയുമ്പോ മാഷെ ലവനും ഞാനും പണ്ടൊന്ന് ഉടക്കിയതാണ്, വേലിത്തര്‍ക്കത്തിന്‍റെ കാര്യത്തില്‍. അതിന്നു ശേഷം അവന്‍റെ പറമ്പില്‍ കയറി ഇളനീന്‍ കക്കാനും മാങ്ങാ പറിക്കാനും എന്നെ അനുവദിക്കുന്നില്ല. കോഴിയെകക്കാനും രാത്രി തേങ്ങ കക്കാനും എനിക്കുള്ള കഴിവുകണ്ടറിഞ്ഞ് പണ്ടു ഞങ്ങടെ ഗ്രാമം എനിക്കു തന്ന 'മീശ്മാധവന്‍ ' പുരസ്കാരം ഞാന്‍ മാഷിനും കാണിച്ചു തന്നതാണല്ലോ. എന്‍റെ ഈ സര്‍ഗ്ഗവാസനകളെ എനിക്കിപ്പോ പുറത്തെടുക്കന്‍ പറ്റുന്നില്ല. എന്‍റെ ആവിഷ്കാര സ്വതന്ത്ര്യത്തിന്നു മോളിലാണ് കണാരന്‍ വിലക്കേര്‍പ്പെടുത്തിയിരിക്കുന്നത്.

അവന്‍റെ പറമ്പില്‍ കയറാനും മുന്നില്‍ കാണുന്ന തെങ്ങ് മാവ് എന്നിവയില്‍ ഭൂമീദേവി കനിഞ്ഞനുഗ്രഹിച്ചുതരുന്ന പഴവര്‍ഗ്ഗങ്ങള്‍ കഴിക്കാനും വിലക്കേര്‍പ്പെടുത്താന്‍ അവനെന്തധികാരം? സംഭവം അവന്‍റെ വീട്ടില്‍ വളര്‍ത്തുന്ന കോഴിയാണെങ്കിലും മുട്ടയിടുന്നത് വേലിക്കരികിലല്ലേ... ആ മുട്ട പോലും എനിക്കെടുക്കാന്‍ പാടില്ലെന്നു പറയുന്നത് അവന്‍റെ ധാര്‍ഷ്ട്യമാണ്, അഹങ്കാരമാണ്.

ഈ നാട്ടിലെ മൂരാച്ചികളായ നാട്ടാര്‍ക്കൊന്നും ഞാന്‍ പറയുന്നത് മനസ്സിലാവുന്നില്ല. ഞാന്‍ പലപ്രാവശ്യം കവലയില്‍ നാലാളുകൂടുന്ന നികേഷിന്‍റെ ചായക്കടയിലും വേണുവിന്‍റെ തട്ടുകടയിലും ഈ കാര്യം പറഞ്ഞതാണ്. പക്ഷേ ആരും എന്‍റെ കാര്യങ്ങള്‍ ചെവി കൊള്ളുന്നില്ലാ... ഇപ്പോ വന്നു വന്നു നാട്ടുകാരെല്ലാം അവരവരുടെ പറമ്പുകളില്‍ കയറുന്നതിനെനിക്കു വിലക്കേര്‍പ്പെടുത്തിയിക്കുകയാണ്. നാട്ടുകാരെല്ലാം അവന്‍റെയും ലവന്‍റെ ഒരു ഫ്രണ്ട് മമ്മതിന്‍റേയും കണ്ട്രോളിലാണ്. എന്‍റെ കണ്ട്രോളുപോവുന്ന പ്രധാന കാര്യവും ഇതാണ്.

അതൊന്നും പോരാഞ്ഞ് ഇന്നലെ ഞങ്ങളുടെ നാട്ടില്‍ വീട് വെയ്ക്കാന്‍ വന്ന കുമാരന്‍ സായിപ്പിനോടും ലവന്‍മാരിതു പറഞ്ഞു. ഇപ്പോ വീടുവെക്കാന്‍ വാങ്ങിയപറമ്പില്‍ കുമാരന്‍ സായിപ് എനിക്കവിടെ പ്രവേശിക്കാനധികാരമില്ലെന്നും പറഞ്ഞ് ഒരു ബോര്‍ഡു വെച്ചിരിക്കുന്നൂ. ആ പറമ്പിലെ നെല്ലിമരത്തില്‍ ഞാന്‍ കയറി നെല്ലിക്കപറിച്ചു തിന്ന് വിറ്റാമിന്‍ ക്യാപിറ്റല്‍ 'ഒ' കൂടി എന്റെ ശരീര സൌന്ദര്യം കൂടിയാലോന്നു എന്നു ഭയം കൊണ്ടാണ് ലവന്‍മാരീ ചെയ്ത്ത് എന്നോടു ചെയ്തത്.

പിന്നെ മാഷോടു പറയാനാണെങ്കില്‍ ഈ കണാരന്‍ അത്ര നല്ലവനൊന്നുമല്ലാ. അവന്‍റെ പ്രായത്തിനനുസരിച്ചുള്ള കയ്യിലിരിപ്പാണോ അവനുള്ളത്? അവനൊക്കെ വിഗ്ഗും വച്ചു നടക്കുന്നത് ഇവടെത്തെ പെണ്‍പിള്ളേരെ തെറ്റിധരിപ്പിച്ച് പ്രേമിച്ചു വഞ്ചിക്കാനല്ലേ. എന്തിനധികം പറയുന്നൂ, ആ വിഗ്ഗ് കണ്ട് ലവനാണ് സുന്ദരനെന്നും മാഷിന് അത്രയ്ക്കു സൌന്ദര്യമില്ലെന്നും പറഞ്ഞ് മാഷ് പണ്ടു കല്ല്യാണമുറപ്പിച്ച പെണ്ണും മാഷോടു ഒരു ചെയ്ത്ത് ചെയ്തതല്ലേ. അതോണ്ടാണല്ലോ മാഷിനിപ്പോഴും ഒറ്റത്തടിയായി നടക്കേണ്ടി വരുന്നത്.

അതൊന്നും പോരാഞ്ഞ് അവനെ നായകനാക്കി ഓണ്ടാക്കിയ പള്ളി കമ്മിറ്റി വക നാടകത്തില്‍ ലവന്‍ നായികയോടു ചോദിക്കുന്ന ചോദ്യം! "നിന്റെ മാറിലെ കാണാ ചന്ദനപ്പോട്ട് എനിക്കല്ലേന്ന്! " അയ്യേ.. ഇങ്ങനെയൊക്കെ ചോദിക്കുന്ന ഒരാഭാസനല്ലേ അവന്‍.

എന്നിട്ടാണ് നാട്ടിലെ ധീരതയ്ക്കുള്ള 'പോഞ്ഞിക്കര' അവാര്‍ഡ് അവനു കൊടുക്കാന്‍ തീരുമാനിച്ചത്. അവന്‍ കഴിഞ്ഞ ആഴ്ച കുരുത്തം കെട്ടോന്‍റെ തറവാട്ടുവക കുളത്തില്‍ മുങ്ങിത്താഴ്ന്ന രണ്ടു കുഞ്ഞുങ്ങളെ രക്ഷിച്ചതാണ് അതിന്നു കാരണമെങ്കില്‍ ആ അവാര്‍ഡ് ആ കുഞ്ഞുങ്ങള്‍ക്കല്ലേ കൊടുക്കേണ്ടത്? എന്തു ധൈര്യം വേണം നീന്തലറിയാതെ ആ കുരുത്തം കെട്ട കുളത്തിലേക്കെടുത്ത് ചാടാന്‍!

പിന്നെ അവന് കഴിഞ്ഞമാസം സമ്മാനമായി ലെഫ്റ്റ് ഹാന്‍ഡിലിടാനൊരു മോതിരം കൊടുത്തൂ,പള്ളീലച്ചന്‍! ലവനൊരു ഇടത്തേ കയ്യനായിട്ടായിരുന്നല്ലോ നാടകത്തിലഭിയിച്ചത്. എന്നാല്‍ അവന്‍ യഥാര്‍ത്തില്‍ വലത്തേ കയ്യനായതുകൊണ്ട് ആമോതിരം തിരിച്ചു മേടിക്കാന്‍ പള്ളീലച്ചനെക്കണ്ട് പറ്റാണെങ്കില്‍ മാഷൊന്നു പറയണം...

ഇതൊക്കെ മാഷു പറേണെ കേട്ടാ ഈ നാട്ടുകാര്‍, കലാബോധമില്ലാത്ത ഫാനുകളുപറയും ഇതെല്ലാം ഞാന്‍ മാഷ്ക്കെഴുതിതന്നാതാണെന്ന്.. അതിനെ മറികടക്കാന്‍ മാഷങ്ങട്ട് പറഞ്ഞേക്ക് കണാരനൊന്നും മലയാളമറിയില്ല, ലവനൊക്കെ പറയുന്നത് മറ്റാരോ എഴുതിക്കൊടുത്തതാണെന്ന്..

എന്ന് സ്വന്തം,
തിലോത്തമന്‍.

നോട്ട് ദ പോയിന്റ്...:ഈ കാര്യത്തിനായി മാഷ് നടത്തുന്ന പ്രസംഗം കമ്പ്ലീറ്റ് ഞാന്‍ സ്റ്റേജൊന്നിന് നൂറ്റമ്പതു രൂപേം മൂന്ന് പുഴുങ്ങിയ കോഴിമുട്ടേം പ്രതിഫലമായി അഡ്വാന്‍സ് ബുക്ക് ചെയ്തിരിക്കുന്നൂ.കുറേകാലമായി പൊടിപിടിച്ചിരിക്കുന്ന മാഷിന് ഒന്നു ഷൈന്‍ചെയ്യാനിതൊരു അവസരവുമാവുകയും ചെയ്യും! അതുകൊണ്ടാണ് മുട്ട മൂന്നിലൊതുക്കിയത്. അല്ലേല്‍ ഒരഞ്ചാറെണ്ണമെങ്കിലും തന്നേനെ.

" പക്ഷേ കുരുത്തംകെട്ടോന്റെ കുളം ഇതില്‍ വന്നത് ലാലേട്ടന്റെ സിനിമയില്‍ ആന്റണി പെരുമ്പാവൂരു വരുന്നപോലെ തികച്ചും ആകസ്മികമായി സംഭവിച്ചുപോയതാണ്... "

ബ്ലും!

ചന്ദ്രനില്‍ ടാറ്റയുടെ ഐസ് ഫാക്റ്ററി...

2010-03-03T09:12:00.002+05:30

ഒന്നുമില്ലാതെ തരിശായിക്കിടന്ന ചന്ദ്രനിലെ സര്‍ക്കാര്‍ ഭൂമിയില്‍ ടാറ്റയല്ലാതെ ആര് ഐസ് ഫാക്റ്ററി കെട്ടും??
പെട്ടന്ന് കണ്ടുപിടിക്കാതിരിക്കാന്‍ നിര്‍മ്മാണം കഴിഞ്ഞ
ഐസെടുത്ത് ഗര്‍ത്തങ്ങളിലൊളിപ്പിച്ചു വെച്ചിരിക്കുന്നൂ ടാറ്റ...
ഇപ്പൊഴെങ്കിലും ഇതു കണ്ടുപിടിച്ചത് നന്നായീ.

"ആരവിടെ ...
മൂന്നാറില്‍നിന്നും ഇറങ്ങിയ ഒഴിപ്പിക്കല്‍ ടീമിനേം
ടീവീക്കാരേം ചന്ദ്രനിലേക്കയക്കൂ...."

ടാറ്റ ചന്ദ്രനില്‍ ഗര്‍ത്തങ്ങള്‍ കയ്യേറിയതിനെതിരേ
നാളെ ഇവിടെ സര്‍വ്വകക്ഷി ഹര്‍ത്താല്‍...
രാഷ്ട്രീയക്കാരെയും പാല്കാരെയും പത്രങ്ങളെയും ആശുപത്രികളെയും
മാത്രം ഹര്‍ത്താലില്‍നിന്നും ഒഴിവാക്കിയിരിക്കുന്നൂ....

ഐസ് ചന്ദ്രനിലാണെങ്കിലും കുളത്തില്‍ വീഴും കട്ടായം....

ബ്ലും!

തിലകനും ഹേമാമാലിനിയും മാലയും കുമാരേട്ടനും!

2010-03-02T12:02:00.002+05:30

തിലകനൊരു സിനിമാ പ്രശ്നമായിരുന്നു,
നമ്മടെ കുമാരേട്ടന്‍ കയറി ഫോര്‍വേര്‍ഡ് കളിക്കും വരെ.

പിന്നെ തിലകനൊരു മലയാളിപ്രശ്നമായീ.

ഇത്തിരി കൊഴുപ്പിനു മോഹന്‍ലാലിനേം ഹേമാമാലിനിയേം ചേര്‍ത്ത്
അതൊരു 'മ' പ്രശ്നമാക്കി കുമാരേട്ടന്‍..

ഹേമാമാലിനിയുടെ മാലയല്ല, മാലധരിച്ച മാറിടത്തെ നോക്കിയാണത്രെ മോഹന്‍ലാല്‍ കൊള്ളാമെന്നു പറഞ്ഞെതെന്ന് കുമാരന്‍.

ഭാഗ്യം!
ഹേമാമാലിനി പരസ്യത്തില്‍ അരഞ്ഞാണം ധരിച്ചില്ലാ!

കുമാരന്‍ അതിനേക്കുറിച്ച് വാചാലനായിരുന്നെങ്കില്‍
കേട്ട നമുക്കെല്ലാം ഓടി കുളത്തില്‍ ചാടാമായിരുന്നൂ.
ബ്ലും!

ട്വെന്‍റീ20ക്കു ശേഷം 'അമ്മ' യുടെ അടുത്ത സിനിമ
"എന്തും പറയും സുകുമാരന്‍... റീലോഡഡ്" !!!

ഇവിടം സ്വര്‍ഗ്ഗം തന്നെയാണ്!

2010-01-01T08:47:00.002+05:30

നാട്ടിലെന്റെ വീടിന്റെ അടുത്ത് ഒരു വല്ല്യ ഫ്ലാറ്റ് സമുച്ചയോം ഐടി പാര്‍ക്കും വരുന്നൂന്ന്.. ഞങ്ങടെ ഗ്രാമത്തില്‍ IBM, Infosys പിന്നെ TCS ഉം ആ പാര്‍ക്കില്‍ 2010 ഡിസംബറില്‍ തുടങ്ങുംന്ന്.. Infosys ആണ് ആദ്യം തുടങ്ങാത്രെ. പിന്നേം ചെറിയ കമ്പനികളുണ്ട്.

സംഭവം തന്നെ... ഞങ്ങളാണെങ്കി കുറച്ച് സ്ഥലമുള്ളതില്‍ കുളമൊഴിച്ചുള്ളത് കുറേ മുന്നെ വച്ച ബോര്‍ഡാ 'FOR SALE' ന്നുള്ളത്. അതിനി വേണോന്നാ ചിന്ത... പിന്നെ ബ്ലോഗിലാര്‍ക്കെങ്കിലും വേണേല്‍ തന്നേയ്ക്കാം കെട്ടോ... ഒന്നുല്ലെങ്കി ബൂലോക സുഹൃത്തുക്കളല്ലെ... മിനിയാന്ന് വരെ സെന്റിന് മുപ്പതിനായിരായിരുന്നു. ഇനി പക്ഷെ ചാണ്ടിചേട്ടന്‍ പറഞ്ഞത് ഒരു ലക്ഷത്തി അമ്പതിനായിരമെങ്കിലും കിട്ട്യാ കൊടുത്താമതീന്നാ.. ബൂലോക കച്ചവടമാണെങ്കി നമുക്കൊരു ഒന്നെ ഇരുപത്തഞ്ചിനു നോക്കാം...

ഇതാണ് നമ്മടെ ഭൂമി മാഫിയ... ഇവരടെ ഇടയില്‍ പെട്ട് നെട്ടോട്ടമോടുന്ന മാത്തായീം കുടുമ്പവുമാണ് സ്വര്‍ഗത്തിലുള്ളത്. റോഷനാണ്ട്രൂസ് നന്നായി സംവിധാനം ചെയ്തിട്ടുണ്ട്. ഊടായിപ്പിനെ ഊടായിപ്പുകൊണ്ട്
തോല്‍പ്പിക്കുന്ന ഒരു ശ്രീനിവാസന്‍ വാസന സിനിമയ്ക്കുണ്ട്. എങ്ങനെ വന്നൂന്നറിയില്ല...ലാലും ജഗതിയും നന്നായി സ്കോറുന്നുണ്ട്. ലലോലക്സ് സംഭവമാണ്... കവിയൂര്‍പൊന്നമ്മ തിലകന്‍ ലാല്‍ ... അഭിനയമുണ്ടെങ്കിലും പ്രതീക്ഷിക്കുന്ന അഭിനയ മുഹൂര്‍ത്തങ്ങളില്ല. സാധാരണക്കരന്റെ പ്രശ്നങ്ങള്‍... പിന്നെ കോടതിയും ഒരു 'പേരു മറന്ന് പോവുന്ന' ജൂറിയും.ചില സമകാലീന പാരകളും !

കുടുമ്പമായി കാണാവുന്ന ഒരു തമാശചുവയുള്ള നല്ല സിനിമ. ന്നാ തമാശയല്ലതാനും.

ഒരു മൂന്നെമുക്കാല്‍റേറ്റിങ്ങ്, ഔട്ട് ഓഫ് അഞ്ച്...

എല്ലാര്‍ക്കും പുതുവസ്തരാശംസകള്‍...

പാലേരി മാണിക്യം!

2009-12-22T12:04:00.003+05:30

കണ്ടൂ...
പൊക്കന്‍ ഒരു പോക്കന്‍ തന്നെ.
ചീരു ശ്വേതാമേനോനെ അല്ല...
മാണിക്യം കൊള്ളാം, അത്രേ ഉള്ളൂ...
പക്ഷേ മുരിക്കും പറമ്പത്ത് അഹമ്മദ് ഹാജി
മമ്മൂട്ടിയാണോ അതോ ഹാജിയാണോന്നറിയുന്നില്ല...
പാടത്തും പറമ്പത്തും കൂരേലും ഹാജി അങ്ങു പൊളച്ചു നടക്കുന്നൂ.. ഇതുവരെ കാണാത്തൊരു വല്ലാത്ത ഭാവപ്പകര്‍ച്ച...
ബാക്കി നാടകനടന്‍മാരെല്ലം നാടകം വിട്ടു ജീവിച്ചൂ.
"അപ്പൊ രഞ്ജിത്തൊരു ബെല്ല്യ ചെയ്ത്താന്‍ തന്നെ... മനസ്സിലായികണ അനക്ക്?"
"ആയോളി..."

മൊത്തത്തിലൊരു ഒന്നൊന്നര

റേറ്റിങ്ങ്...

സുരാജ്-എംടി-ഹരിഹരന്‍!

2009-12-19T11:42:00.003+05:30

മമ്മൂട്ടി നായകാനയ പഴശ്ശിരാജയ്ക്കു ശേഷവും , 2012ല്‍ ഇറക്കാന്‍ നിശ്ചയിച്ച മാര്‍ത്താണ്ഡ വര്‍മ്മയ്ക്കു മുന്പും സുരാജ് വെഞ്ഞാറന്‍മൂടും എംടീം ഹരിഹരനും കൂടെ ഒരു പ്രൊജക്റ്റ് ഉണ്ടാക്കിയാലോന്നൊരാലോചന. ഗോകുലം ഗോപാലേട്ടനെ തോല്‍പ്പിക്കാന്‍ ഇതു പ്രൊഡ്യൂസ് ചെയ്യാന്‍ സാക്ഷാല്‍ വെള്ളാപള്ളി സാറിനെ വിളിച്ചാലോന്നും ഉണ്ട്.

എന്തായാലും സംഭവം കേരളക്കരെയെ കോള്‍മയിര്‍ കൊള്ളിച്ച് കോടാനു കോടി മലയാളികളുടെ രക്തത്തിലലിഞ്ഞു ചേര്‍ന്നിട്ടുള്ള കഥയാണ്. മധ്യതിരുവിതാം കൂര്‍ ഭരിച്ചിരുന്ന ആ മഹാരാജാവിന്റെ കഥ. 'ചെത്ത്കളള് ഫിലിം'സിന്റെ ബാനറിലെടുത്തേക്കാവുന്ന സിനിമയുടെ പേര്
"പാലാരിവട്ടം ശശി!!!"
ആദ്യ ക്ലാപ്പ്...

കേരളാ വിഭജനം !

2009-12-18T00:16:00.002+05:30

മേന്‍നേ, ആന്ധ്രയെ വിഭജിച്ച് തെലുങ്കാന ഉണ്ടാക്കമെങ്കില്‍, ഹൈ! എന്തുകൊണ്ട് കേരളം വിഭജിച്ച് നാലാക്കിക്കൂടാ ?

ആവാലോ...പക്ഷേ, അതിപ്പോന്താ നാലിന്റെ ഒരു കണക്ക്?

ഓരോ സംസഥാനംണ്ടാക്കുമ്പോഴും അതു സ്വയം പര്യാപ്തമായിരിക്കണ്ടേ മേന്‍നേ,പിന്നെ ഇതൊന്നു വിഭജിക്കാന്‍ ഒരു കാരണോം വേണല്ല്ലോ...

വേണംന്നു വച്ചോളൂ.

അപ്പോ കേരളത്തിലുള്ള മൂന്ന് വിമാനത്താവളങ്ങളും വരാന്‍ പോവുന്ന കണ്ണൂര്‍ വിമാനത്താവളവും ചേര്‍ത്ത് നാല് വിമനത്താവളങ്ങളുടെ അടിസ്ഥാനത്തില്‍... ഒരു മുറിയങ്ങ് മുറിക്കാം.. എന്താ?

ഒരു വിരോധോം ഇല്ല്യാ.. ന്നുവച്ചാലും ഇതോണ്ടെന്താ ഒരു മെച്ചംന്നാ ?

ഹൈ! സുഖല്ലേ മേന്‍നേ, ഒരോ സംസ്ഥാനത്ത് ഒരോരോ മുഖ്യമന്ത്രീം മന്ത്രിസഭേം. ഭേഷായിട്ട് ഇവര്‍ക്കെല്ലാര്‍ക്കുമങ്ങട് ഭരിച്ച് അര്‍മ്മാദിക്കാലോ.. ആര്‍ക്കും ആര്‍ക്കും കിട്ടീല്ല്യാന്നുള്ള പരാതീംണ്ടാവില്ല്യാന്നു വെച്ചോളൂ, എന്താ...

അങ്ങന്യങ്ങടാവുമ്പോ കേരളത്തിന്റെ കാര്യം

അരവണ 'പായസം' !

2009-12-11T08:02:00.010+05:30

എത്രയും പ്രിയപെട്ട അയ്യപ്പന്,

ഈ ദാസന്‍ മറ്റൊരു ദാസന്‍ വഴി അന്‍പത് ഇന്ത്യന്‍ പണം കൊടുത്ത് മേടിപ്പിച്ച ഒരു ടിന്‍ അരവണ പായസം
ഇതിന്റെ കൂടെയുള്ള പാര്‍സല്‍ വഴി തിരിച്ചയക്കുന്നൂ.
പാര്‍സല്‍ നമ്പര്‍: 2255

പണ്ടൊക്കെ നല്ല രുചിയോടെ കഴിച്ചിരുന്നതും ഒരിക്കലും ഒരു ബോട്ടലില്‍ കൊതി തീരാത്തതുമായ തിരു സന്നിധിയിലെ അരവണപായസം ഈപ്രാവശ്യം ടീം മേറ്റ്സ് എല്ലാരും കയ്യിട്ടിട്ടും വീണ്ടും ഫുള്‍ ടിന്‍ ബാക്കിയാണ്.

കാരണം കണ്ടെത്താനായി ഈ ദാസന്‍ അതിലൊരു സ്പൂണ്‍ കഴിച്ചതില്‍നിന്നുണ്ടായ തിരിച്ചറിവ്, വിജയ് മല്ല്യയുടെ കിങ്ങ്ഫിഷര്‍ ബിയര്‍ കയിച്ചാലുണ്ടാവുന്ന ഒരു രുചിയും തിരു സന്നിധിയില്‍ നിന്നും ദേവസം ബോര്‍ഡ് താങ്കളുടെ ലേബലില്‍ വിതരണം ചെയ്യുന്ന അരവണപായസത്തിന്റെ രുചിയും ഏതാണ്ട് വല്ല്യ വ്യത്യാസമില്ല എന്നതാണ്.

തിരിച്ചയ്ക്കുന്ന അരവണപായസം മേല്‍ ശാന്തിയെക്കോണ്ടോ ദേവസം ബോര്‍ഡിലെ വല്ല്യ ഉദ്ദ്യോഗ്ഗസ്തരെക്കോണ്ടോ രുചി ചെയ്യിച്ചശേഷം അടിയന്റെ പരാതി ശരിയാണെന്ന് അങ്ങേക്ക് ബോധ്യപെട്ടാല്‍
‍മടക്ക തപാലില്‍ അന്‍പത് ഇന്ത്യന്‍ പണം അടങ്ങിയ ചെക്കോ കിഴിയോ തിരിച്ചയക്കാന്‍ വിനീതമായി അപേക്ഷിക്കുന്നൂ.

ഭക്ത്യാദരപൂര്‍വ്വം വിനീത ദാസന്‍,

ഒപ്പ്തിയ്യതി: വൃശ്ചികം 26 കൊല്ലവര്‍ഷം 1185

കരണം നോക്കിപ്പൊട്ടിക്കേണ്ടത്...

2009-12-09T18:39:00.003+05:30

കരണക്കുറ്റിനോക്കി നാലെണ്ണം പൊട്ടിക്കേണ്ടത്
ഇപ്പൊഴും പരസ്പരം കുറ്റം പറഞ്ഞ്
നമ്മളെ പൊട്ടന്‍മാരാക്കുന്ന
ഭരണപക്ഷത്തെയോ പ്രതിപക്ഷെത്തെയോ?
അതോ ഇവരെ ഭരണത്തിലും പ്രതിപക്ഷത്തും കയറ്റി
നാടിനെ നായനക്കന്‍ വിട്ട്
നികേഷിന്റെ വാര്‍ത്ത കേള്‍ക്കനിരിക്കുന്ന
നമ്മളെ തന്നെയാണോ ?
അതോ കണ്ടിട്ടും മിണ്ടാതെ കണ്ണടച്ച്
വീണ്ടും പാലുകുടിക്കുന്ന
നമ്മടെ മത മേധാവികളെയാണോ?

എന്തായാലും തിരുവനന്തപുരത്തേക്ക്
സ്ഫോടകവസ്തുക്കള്‍ കാണ്‍പൂരീന്നും
ഗുജറാത്തിലേക്ക് കേരളത്തീന്നും
മുടങ്ങാതെ പോവുന്നു.

പേടിക്കാതെ ജീവിക്കാന്‍ സാധിക്കില്ലാ
എന്നുള്ളൈടത്തെത്തിയിരിക്കുന്നൂ കാര്യങ്ങള്‍.

അപ്പൊഴും ടോമിന്‍ തച്ചങ്കരിയാണിവിടെ
വിഷയം.

തല്ലണ്ടമ്മാവാ നന്നാവൂല്ല.

ബ്ലും!

സാധാരണ ജനത്തിന്റെ പ്രതീക്ഷകള്‍
കുളത്തിലേക്ക് !!!!

ജ്യോത്സ്യന്‍

2009-12-08T14:17:00.004+05:30

എന്റെ ഒരു സുഹൃത്ത്.
കല്ല്യാണവശ്യത്തിന്ന് ജ്യോത്സ്യനെ കണ്ടു.
ഇനി രണ്ടു കൊല്ലം കഷ്ടകാലമെന്ന് ജ്യോത്സ്യന്‍.
ഇപ്പൊഴൊന്നും നടക്കില്ലാന്ന് ചുരുക്കം.
പരിഹാരമുണ്ടോന്നു മറുചോദ്യം.
735 ദിവസം ഈശ്വരനെ മാത്രം
മനസ്സില്‍ ധ്യാനിച്ച്
ആഹാരം കഴിച്ചു കഴിയുമ്പോ
കഷ്ടകാലം തനിയേ മാറിക്കോള്ളുംന്നു ജ്യോത്സ്യന്‍.

ഇത്തിരിനേരം അവിടെ ഈച്ചയെ അടിച്ചു നിന്നശേഷം
പുള്ളി നേരെ വിട്ടു അടുത്ത ജ്യോത്സനെ കണ്ടു.
രണ്ടാമത്തെ ജ്യോത്സ്യന്‍ ജാതകം നോക്കിയിട്ട് പറഞ്ഞൂ
ഇനി മൂന്ന് മാസം കഷ്ടകാലം.
അതു കഴിഞ്ഞാ എല്ലാം ശരിയാവും.

പുള്ളി ഹാപ്പീ.
അവന്‍ അടുത്ത സുഹൃത്തിനെ വിളിച്ചു.
ലവനും കഷ്ടകാലനാണ്.

ടാ...
എന്താ?
നിന്റെ കഷ്ടകാലം മാറ്റാനൊരു വഴിയുണ്ട്.
എന്തു വഴി ?
ജ്യോത്സ്യനെ മാറ്റിയാമതീ...

ബ്ലും!
സുഹൃത്തിന്റെ കഷ്ടകാലം എടുത്തു ബ്ലോഗിലിട്ടൂ.

'ശ്രീമതി' രഞ്ചിനി ഹരിദാസ്!!!

2009-12-06T11:07:00.004+05:30

പ്രിഥ്വിരാജിനൊരു വെള്ളി വീണൂ.
ഐഡിയാ സ്റ്റാര്‍ സിങ്ങറിനെ വല്ല്യൊരു സംഭവമാക്കുന്നതിന്നിടയില്‍
പുള്ളി രഞ്ചിനി ഹരിദാസിനെ വിശേഷിപ്പിച്ചൂ.
"ശ്രീ മതി രഞ്ചിനി ഹരിദാസ്...."
സധാരണ പ്രിഥ്വിക്ക് അഹങ്കാരം കൂടുതലാന്ന് പറയുമെങ്കിലും
ഇത് എനിക്കങ്ങിഷ്ടപ്പെട്ടൂ.

പ്രിഥ്വി അതു തിരുത്തിയില്ല.
രഞ്ചിനി പരിഭവം പറഞ്ഞൂ.
ഞാന്‍ ബ്ലോഗ്ഗും ഇട്ടൂ.
ബ്ലും!

നസീറിസം

2009-12-03T16:59:00.003+05:30

ബാങ്ക്ലൂരില്‍ മലയാളിക്ക് വീട് വടകയ്ക്കു മലയാളികള്‍ക്ക് കൊടുക്കാന്‍
എല്ലാവര്‍ക്കും മടി.
പ്രത്യേകിച്ച് പേരിനൊരു മുസ്ലീം ചുവയുണ്ടെങ്കില്‍!

തടിയന്റവിടെ നസീര്‍ സാര്‍
ബാങ്ക്ലൂര്‍ മലയാളികള്‍ക്ക് ചെയ്തുതന്ന ഉപകാരം...

ബ്ലും!

അവന്റെ ഒടുക്കത്തെ ഒരു സ്കോര്‍പിയോയും
പിന്നെ വീട് വാടകയ്ക്കെടുക്കലും.

രണ്ടും കുളത്തിലേക്ക്.

എം ടിവീ

2009-12-01T16:08:00.002+05:30

M TV, പേരിലുള്ള മ്യൂസിക് ഒഴിവാക്കീന്ന്.

ന്നാ പിന്നെ

മ മ.... അല്ലെങ്കി വേണ്ട....

"മത്തങ്ങാ ടീ വീ" ന്നിട്ടാലോ ?
പാട്ടൊട്ടില്ലതാനും

ആ റോഡീസിനെക്കൊണ്ട് മടുക്കേം ചെയ്തു.

ഇനി അവരെക്കൊണ്ടിത്തിരി മത്തന്‍ കൃഷീ

ചെയ്യിച്ചാലോന്നാ...

ഒരു മത്തന്‍ കുളത്തിലിട്ടൂ.

മുങ്ങീപ്പോ

ബ്ലും!

ദുഫായീം അമേരിക്കേം ...

2009-11-29T07:40:00.000+05:30

അദ്രൈമനിക്കാ ദേ ഇങ്ങളിത് വായിച്ചാ?
എന്തേ?
ദുബായിക്കും നല്ലോണം കടംണ്ട്ന്ന്.
തന്നേ...?
ആന്ന്...
ഇതിഞ്ഞിപ്പോ കേരളത്തിനെ ബാധിക്കുംന്ന്.
ആരെ പറഞ്ഞത്?
മന്ത്രീ.

ബാധിക്കും.

എങ്ങനേ?

കേരളത്തിന്റെ പുത്യേ വ്യ്വസായത്തെ ബാധിക്കുംന്ന്.

അതേത് വ്യവസായം?

തീവ്രവാദം.. അല്ലതെ പീന്നെ.

ആ...

അമേരിക്ക ലോകത്ത് പോലീസ് കളിച്ചും പൊളിഞ്ഞ്

ഇ,നി ഗള്‍ഫ് ലോകത്ത് തീവ്രവാദം കളിച്ചും

പൊളിയാ...ഇതാ പറഞ്ഞത്...

എന്ത്?

ബാകിയുള്ളോന്റെ കാര്യം നോക്കി ജീവിക്കണേതിന്

പകരം അവനവന്റെ കാര്യം നോക്കി ജീവിക്കണം ന്ന്.

അല്ലെങ്കി അവനവന്റെ കാര്യം പോക്കവുംന്ന്.

അതു കറക്റ്റിക്കാ..

ബ്ലും!

ദുഫായിയും ബ്ലുമ്മിലേക്ക്...

ശ്രീ ഹോ!

2009-11-27T08:17:00.001+05:30

ഉണ്ണീ...,
ഉണ്ണി നന്നായീ...
ഇനി ഉണ്ണീടെ അമ്മ
ഇത് ടിവിക്കാര്‍ക്ക്
ലഡുവിതരണം ചെയ്ത്
അലമ്പാക്കാഞ്ഞാ മതി.

മോന്റമ്മ പണ്ടു വിതരണം ചെയ്ത

ഒരു ലഡു കുളത്തിലിട്ടൂ...

ബ്ലും

അച്ച്യുമാമനും ഫേസ് ബുക്കും.

2009-11-25T16:59:00.003+05:30

മുഷാറഫും ഫേസ്ബുക്കിലുണ്ടത്രേ...
എന്നാ അച്ചുമാമനും തുടങ്ങാംന്നു വച്ചു...

ആദ്യം അപ് ലോഡ് ചെയ്യുന്ന ചിത്രം ???
പിണറായീടെ വീട്!
ബ്ലും!
ഞാന്‍ മുങ്ങീ

ഈ 'മെയില്‍' കോടതി...

2009-11-25T12:02:00.013+05:30

From: വാദിഭാഗം.വക്കീല്‍@കേരളാഹൈകോര്‍ട്ട്.കോം
To:ബഹുമാനപ്പെട്ട.ജഡ്ജി@കേരളാഹൈകോര്‍ട്ട്.കോം
എന്റെ കക്ഷിയായ പിണറായി വിജയനെ താറടിക്കാനും ടിയാന്റെ രാഷ്ട്രീയജീവിതവും
സാമൂഹിക പ്രവര്‍ത്തനങ്ങളും തകര്‍ക്കാനും കേരളത്തിലെയും ചൈനയിലേയും ക്യൂബയിലേയും
കമ്മ്യൂണിസ്റ്റ് മന്ത്രിസഭകളെ തകര്‍ത്തെറിയാനും വേണ്ടി തന്നെയാണ് എതിര്‍ കക്ഷിയും
റേഷന്‍ഷാപ്പ് നടത്തിപ്പുകാരന്റെ മകനുമായ റെനി തന്റെ ഈമെയിലില്‍
ഒരു വലിയ ബംഗ്ലാവിന്റെ അടിക്കുറിപ്പായീ "പീണറായീസ് ഹൌസ്"
എന്ന് ചേര്‍ത്ത് സ്വന്തം ഓഫീസ് മെയിലില്‍നിന്നും മെയിലുണ്ടാക്കി
പ്രബുദ്ധ രാഷ്ട്രീയ കേരളത്തിലേക്കയച്ചത് എന്ന് മെയിലിന്റെ കോപ്പികള്‍ വെച്ചു നോക്കിയാല്‍
ബഹുമാനപ്പെട്ട കോടതിക്കു ബോധ്യമാവും.

ആയതിനാല്‍ പ്രതിക്കു കോടതി തക്കതായ ശിക്ഷവിധിക്കുകയും
തിരുവനന്തപുരത്തുനിന്നും വടക്കോട്ടു നോക്കി 'ലേലു ഹല്ലൂ..ലേലു ഹല്ലൂ'
എന്ന് മൂന്നു പ്രാവശ്യം പൊതുജന മധ്യത്തില്‍ വെച്ച് വിളിച്ചു പറയാനും
'ഞാന്‍ പിണറായിവിജയനോട് ലേലു ഹല്ലൂ' എന്ന മെയില്‍
കേരളത്തില്‍ മെയില്‍ ഐഡിയുള്ള എല്ലാവര്‍ക്കും ഫോര്‍വേര്‍ഡ്ചെയ്യാനും,
അത് ശശി തരൂരിനോട് ട്വീറ്റ് ചെയ്യാനും ആജ്ഞാപിക്കണമെന്ന് താഴ്മയായീ അപേക്ഷിക്കുന്നൂ.

എന്ന് വിശ്വ'സ്ഥ'തയോടെ,
വാദിഭാഗം.വക്കീല്‍..
ഒപ്പ്.

From:ബഹുമാനപ്പെട്ട.ജഡ്ജി@കേരളാഹൈകോര്‍ട്ട്.കോം
To: പ്രതിഭാഗം.വക്കീല്‍@കേരളാഹൈകോര്‍ട്ട്.കോം
പ്രതിഭാഗം വക്കീലിനെന്തെങ്കിലും പറയാനുണ്ടോ?

എന്ന് ,
ബഹുമാനപ്പെട്ട.ജഡ്ജി..
ഒപ്പ്.

From: പ്രതിഭാഗം.വക്കീല്‍@കേരളാഹൈകോര്‍ട്ട്.കോം
To: ബഹുമാനപ്പെട്ട.ജഡ്ജി@കേരളാഹൈകോര്‍ട്ട്.കോം
എന്റെ കക്ഷി റെനി, വാദിഭാഗം.വക്കീല്‍@കേരളാഹൈകോര്‍ട്ട്.കോം പറഞ്ഞ
ഉദ്ദേശം വെച്ചിട്ടല്ല അങ്ങനെ ഒരു അടിക്കുറിപ്പെഴുതിയത്. മേല്‍പ്പടിയാന്‍ പിണറായിയുലുള്ള
തന്റെ ഒരു സുഹൃത്ത് മിസ്റ്റര്‍ സരോജ് കുമാറിനെ, ആസ് നോണ്‍ ആസ് രായപ്പന്‍ തെങ്ങും മൂട്,
ഉദ്ദേശിച്ചുമാത്രമാണ് അങ്ങനെ ഒരു മെയില്‍ അയച്ചത് എന്ന് ബഹുമാനപ്പെട്ട കോടതി,
മെയില്‍ വായിച്ചു കഴിഞ്ഞാല്‍ ബോധ്യമാവും. മേല്‍പ്പടിയാന്‍ മേല്‍പ്പറഞ്ഞ മെയിലില്‍
വിജയന്‍ എന്നോ ദാസന്‍ എന്നോ എഴുതിയിട്ടില്ല.
പിണറായീ എന്ന ഒരു സ്ഥലപ്പേരുമാത്രമേ വെച്ചിട്ടുള്ളൂ. അതിനെ 'പിണറായി വിജയന്‍'
എന്ന് വ്യാഖ്യാനിച്ചതിന്റെ ഉത്തരവാദിത്തം വാദിഭാഗം വക്കീലടക്കമുള്ള
കുടില ഹൃദയമുള്ള കേരളിയര്‍ക്കാണ്.

ആയതിനാല്‍ എന്റെ കക്ഷി നിരുത്തരവാദിയാണെന്നും എന്റെ കക്ഷിയെ
വെറുതേവിടുന്നതിന്നു പുറമേ, വാദിയെ, എന്റെ കക്ഷിയെ വെറും
ഒരു മെയിലയച്ചതിന്റെ പേരില്‍ അപമാനപ്പെടുത്താനായി കള്ളക്കേസില്‍
കുടുക്കിയതിന്നെതിരെ കോടതി സ്വമേദയാ കേസെടുക്കണമെന്നും ദയവായി
അപേക്ഷിച്ചുകൊള്ളുന്നൂ.

എന്ന് വിശ്വ'സ്ഥ'തയോടെ,
പ്രതിഭാഗം.വക്കീല്‍..
ഒപ്പ്.

From:ബഹുമാനപ്പെട്ട.ജഡ്ജി@കേരളാഹൈകോര്‍ട്ട്.കോം
To: പ്രതിഭാഗം.വക്കീല്‍@കേരളാഹൈകോര്‍ട്ട്.കോം,
വാദിഭാഗം.വക്കീല്‍@കേരളാഹൈകോര്‍ട്ട്.കോം
CC:പ്രബുദ്ധ.പൊതുജനം@കേരളം.കോം
കോടതി ഈ കേസിന്റെ വിധിപറയാനായി അടുത്ത തിങ്കളാഴ്ച വീണ്ടും കൂടുന്നതാണ്.
ഇത്രയും കൂലങ്കുഷമായ ഒരു കേസ് ഈ കോടതിക്ക്
ഒരു തലവേദന ആയിത്തീര്‍ന്നതു കാരണം, ഈ കേസിന്റെ വിധിപ്രഖ്യാപിക്കുന്നതു
വരെ മലയാളികള്‍ ഇമെയില്‍ അയക്കുവാനോ വായിക്കുവാനോ പാടുള്ളതല്ലെന്ന്
കോടതി ഇതിനാല്‍ കല്‍പ്പിച്ചു കൊള്ളുന്നൂ.

ഓര്‍ഡര്‍ ..ഓര്‍ഡര്‍...!
എന്ന് ,
ബഹുമാനപ്പെട്ട.ജഡ്ജി..
ആപ്പ്.

ഒരു ഈമെയില്‍ എടുത്ത് കുളത്തിലിട്ടാലും
ബ്ലും!

സ്റ്റാന്‍റേര്‍ഡ് 'ഇക്കിളി' നോവലുകള്‍.

2009-11-24T18:03:00.009+05:30

മുട്ടോളം മടക്കിയ മുഴുക്കയ്യന്‍ ഷര്‍ട്ട്, പാന്‍സ്, മുഖത്തൊരു കണ്ണട,പാതി പാറിയ തല മുടി, കടലാസുതുണ്ടുകള്‍ കൊണ്ടു നിറഞ്ഞ പോക്കറ്റിലൊരു പേന.കണ്ടാലൊരു അഭിനവ സര്‍ക്കാറുദ്യോഗസ്ഥന്‍. വായിക്കുന്നത് മാതൃഭൂമി വാരിക. മുനീറെന്തു പറഞ്ഞൂ കുഞ്ഞാലിക്കുട്ടിയെക്കുറിച്ച് എന്നുള്ളതാണ് അഭിനവ വിഷയം. പിന്നെ ഒരിത്തിരി റ്ജീനേം, മേമ്പൊടിക്ക്.

അടുത്തലക്കം ഇനി ഇതിനേക്കുറിച്ച് മറ്റുള്ളോരെന്തു പറയുംന്നുള്ള ഒരു കഥ തുടരലും . അങ്ങനെ ഈ അഭിനവ വിഷയം ഒരു അഭിനവ നോവലാക്കി വായനക്കാരനിട്ട് ഒരു നാലുലക്കം തട്ടും. പക്ഷേ എഴുതുന്നത് ഇത്തിരി കട്ടികൂടിയ ഭാഷയിലാന്നു മാത്രം.
നമ്മുടെ അദ്രൈമാനിക്കാക്കും രാമേട്ടനും അതു വായിച്ചാ മുഴുവനും മനസ്സിലാവൂല്ല. അതാ...

ഈ സംഭവം തന്നെയല്ലേ മലയാളമനോരമ ആഴ്ചപതിപ്പുകാരും ചെയ്തോണ്ടിരുന്നത്! അവളും അവനുംകൂടി ഒരു മുറിയില്‍ പോയി കതകടച്ചു. തുടരും, മൂന്ന് കുത്തും. ഇനി അടുത്തലക്കം വരണം, ബാക്കി കഥയറിയാന്‍. പക്ഷേ അത് വായിച്ചാ അദ്രൈമാനിക്കാക്കും രാമേട്ടനും മുഴുവനും മനസ്സിലാവും.

ഒന്നു രാഷ്ട്രീയം മറ്റേത് ജീവിതം. രണ്ടും മസാലക്കൂട്ടു തന്നെ. പദപ്രയോഗത്തിലിത്തിരി കഠിനം മാതൃഭൂമിയാന്നുമാത്രം. അതോണ്ട് അത് അഭിനവന്‍മാര്‍ക്കും മാരികള്‍ക്കും ഉള്ളതും മനോരമ സദാരണക്കരനുള്ളതും.

ഒരു മാതൃഭൂമി ആഴ്ചപതിപ്പ് കുളത്തിലേക്ക്...
ബ്ലും

മമ്മൂട്ടി, ബ്ലോഗും മുട്ടീ!

2009-11-23T18:38:00.011+05:30

കഷ്ടം.
ഒരുകാലത്ത് കമെന്റിടാന്‍ ബ്ലാക്കിന്
ടിക്കെറ്റെടുക്കേണ്ടിവന്നതാ..

ഇന്നിപ്പോ ഒരു കമെന്റിടാനും
ബെര്‍ലിതന്നെ വരേണ്ടിവരും.

ഒരു കമെന്റെടുത്ത് കുളത്തിലിട്ടൂ.
ബ്ലും!

ഒരു ഹോക്കീ ഷിറ്റ്!

2009-11-23T18:05:00.003+05:30

സുരേഷ് ഗോപി കേരളാ ഹോക്കിയുടെ അംബാസിഡറായീ.

ഷിറ്റുകളില്‍ നിന്നും ഷിറ്റുകളിലേക്കുള്ള യാത്രയില്‍
ഒരു കൂട്ടായി...

ആര്‍ക്ക്? ആര്?
ആ!

ഹോക്കീ ബോളെടുത്തു
കുളത്തിലിട്ടൂ...
ബ്ലും!

"回去 ഒബാമാ"

2009-11-19T20:06:00.008+05:30

ന്നു വച്ചാ വല്ലോം മനസ്സിലായോ?

ഇന്ത്യേം പാക്കിസ്ഥാനും തമ്മിലുള്ള പ്രശ്നംതീര്‍ക്കാന്‍
ചൈനവരുംന്ന് ഓബാമ പറഞ്ഞപ്പോള്‍
അതു തന്നെയാണ് താക്കറെ ഒഴിച്ചുള്ള ഇന്ത്യേം പറഞ്ഞത്.

പിന്നല്ലാ...
ചുമ്മാ പഴശ്ശിരാജേം കുങ്കനും കൂടെ ദേഹമനക്കാന്‍ വേണ്ടി
നിന്ന നില്പ്പില്‍ ഒന്ന് മേലേക്ക് ചാടി വെട്ടിയാ
തീരുന്ന കേസേ ഉള്ളു ആ പാക്കിസ്ത്ഥന്റെ കാര്യം.

മര്യാദയ്ക്ക് പറയാനറിയുന്ന ഹിന്ദീം
പിന്നെ കുറച്ചറിയുന്ന ഇംഗ്ലീഷും
വെച്ചു തീര്‍ക്കാവുന്ന ചില്ലറപ്രശ്നങ്ങള്‍
തീര്‍ക്കാനിനി ചൈനീസും പഠിക്കനേയ്...

ചന്തുവിനെ തോല്‍പ്പിക്കാനിനി ചൈനീസും!
അതിനുവെച്ച വെള്ളത്തിലിടാന്‍ വെച്ച
പരിപ്പ് എടുത്ത് കുളത്തിലേക്കെറിഞ്ഞു.

ബ്ലും!

കുളത്തില്‍ ഓളം തള്ളിയത്:
ന്നുവച്ചാ
'ഗോ ബാക്ക് ഒബാമാ'ന്ന്.

ചന്തുവിനു ട്യൂഷനുണ്ട് മക്കളേ... ട്യുഷനുണ്ട്...

തള്ളേ ഒന്ന് ക്ഷമി...

2009-11-19T00:19:00.004+05:30

പ്രിയപ്പെട്ട അമ്മയ്ക്ക്,

അമ്മയെക്കേറി കൂതറേന്നു വിളിച്ചതും,
അപ്പനെക്കേറി ഔസേപ്പച്ചാന്നു വിളിച്ചതും
പുന്നര പെങ്ങളെ പുലയാട്ടുപറഞ്ഞതും
അമ്മേടെ മുഖത്തുനോക്കി കൊഞ്ഞനം കുത്തിയതും,
ആള്‍ക്കാരെ വിളിച്ചുകൂട്ടി തെറി പറഞ്ഞതും,
ചാണ്ടിമാമനെക്കേറി ചണ്ടീന്നു നീട്ടിവിളിച്ച്
പുറകേന്ന് കല്ലേടുത്തെറിഞ്ഞതും
ഷാനുമോനുമായി തല്ലുണ്ടാക്കിയതും
തുപ്പി തോല്‍പ്പിക്കാന്‍ നോക്കിയതും
സാഹചര്യങ്ങളുടെ സമ്മര്‍ദ്ദം മൂലവും
മുല്ലപ്പെരിയാര്‍ ഡാം പൊട്ടുമോ
എന്ന ആവലാതി കാരണവും
ചുഴലിക്കാറ്റടിച്ച് വാഴ നശിച്ചുപോവുമോ
എന്ന ഭീതികാരണവും ആയിരുന്നു.

ഇതെല്ലാം ക്ഷമിച്ച് എന്നെ വീണ്ടും വീട്ടില്‍ കേറ്റുമെന്നും
അറ്റ്ലീസ്റ്റ് മൂന്നുരൂപയുടെ ടോക്കണ്‍ മേടിച്ച് ചോറിനു വീണ്ടും
ക്യൂ നില്‍ക്കാന്‍ സമ്മതിക്കുമെന്നും
മാത്രം കരുതുന്നൂ...
എന്ന്,
വീണ്ടും കദറിടാന്‍ മോഹമുള്ള
സ്വന്തം മോന്‍ മുരൂ...

അമ്മേം മന്ത്രിപ്പണിക്ക് കദറു കുപ്പായം തൈപ്പിച്ച്
തേച്ചുവച്ച മാമന്‍മാരുംകൂടി
ആ കത്തെടുത്ത് നീട്ടിയൊരേറ്..
കറക്റ്റ് കുളത്തില്‍ !
ബ്ലും !