ശരിക്കും ശ്രീശാന്ത് നായരാ?

അല്ലോലെ, ഞമ്മളെ ശ്രീശാന്തും നായരാ?
ആയിരിക്കും.
അതെന്താ?
അതോണ്ടല്ലേ ക്രിക്കറ്റീന്ന് രാജിവെച്ച് ഫിക്സിങ്ങ് ടീമില്‍ കയറിയത്.

ഈ നായമ്മാരൊക്കെ ഇങ്ങനെയാ?
ഞമ്മക്കാറിയൂല്ലേ, ഞാന്‍ നമ്പ്യാരാ.

ബ്ലും!

അവിടെ പ്രശ്നം ഇവിടെ പ്രശ്നം, മൊത്തം പ്രശ്നങ്ങളാണല്ലോ !

നായമ്മാരും ഈഴവരും
സുകുമാരേട്ടനും നടേശന്‍ സാറും രാജിവെയ്ക്കും .

പീസിയ്ക്കു പിന്നെയും തൂവനാതുമ്പികളിലെ അസ്ക്യത !

ബാലേട്ടനും മോനും കപ്പ'ലണ്ടി' കച്ചവടം ന്ഷ്ടപെട്ടതിന്‍റെ ബോധോദയം!

രമേശേട്ടനാണെങ്കില്‍ സുന്ദരനാവനുള്ള മുസ്ലിപവര്‍ കൂടുതല്‍ കഴിച്ച് അപ്പിയിടാന്‍ മുട്ടി കുണ്‍ഢിതപ്പെട്ടപ്പോ അതുകാണാനില്ലാതെപോയപ്പോഴുള്ള സങ്കടം!

അച്ചുമാമനാണെങ്കില്‍ പൂക്കോയിയുടെ കുതിര്പ്പവന്‍റെ ശക്തിയുമായി വീണ്ടും ഗോദയില്‍ ഒരങ്കത്തിനുകൂടി ബാല്യം കൂട്ടുന്നു.

 അപ്പൊപിന്നെ, കുരുത്തം കെട്ടാനെന്തിനടങ്ങിയിരിക്കണം?

ബ്ലും വീണ്ടും !

"പുന്നാരതുമ്പികള്‍" (A)

ആപ്പിളിലും മണീ ചെയിനിലും കാശ് പോയവര്‍ക്ക് പോയ കാശ് തിരിച്ചുപിടിക്കാനൊരു സുവര്‍ണ്ണാവസരം.!

 പുന്നാരതുമ്പികള്‍    (A) 
ദ "കിന്നാരതുമ്പികള്‍" റിമെയ്ക്.

അപ്പനപ്പുപ്പന്റെ കാലത്തെ ഇക്കിളികളായ "രതിനിര്‍വേദം", "അവളുടെ രാവുകള്‍" എന്നിവ വീണ്ടും ഇറങ്ങിയാല്‍ സൂപ്പര്‍ ഹിറ്റാവുമെങ്കില്‍ അത്രയധികം ജനറേഷന്‍ 'ഗാപ്പ്' ഇല്ലാത്ത [സത്യമായിട്ടും അത്രയ്ക്ക് ഗ്യാപ്പില്ല്ല...] "കിന്നാരത്തുമ്പികള്‍" റീമെയ്ക് ചെയ്താലും വന്‍ വന്‍ ഹിറ്റുതന്നെയാവും. കാശിട്ട് കാശുവാരാന്‍ ഒരു സിനിമ... പലതിലും കാശുവാരാന്‍ നോക്കിയ നമ്മുടെ വേദനിയ്ക്കുന്ന കോടീശരന്‍മാര്‍ക്ക് ഇതുപോലുള്ള നല്ല റിട്ടേണ്‍സ് ഉറപ്പുള്ളതും കലാ മൂല്യമുള്ളതുമായ സിനിമകളില്‍ കാശുമുടക്കി ആ പോയ കാശ് തിരിച്ചുപ്പിടിക്കാവുന്നതേയുള്ളൂ.

പേര് "പുന്നാരതുമ്പികള്‍" എന്നു തന്നെ ഇടാം.

നായകന്‍ പക്ഷേ സന്തോഷ് പണ്ഡിതന്‍ സാര്‍ തന്നെ വേണം. ഈശ്വരന്‍മരേ ആ വലിയകുട്ടീടെ ഡേറ്റ് കിട്ടുമോ എന്തോ. നായിക കുറച്ചു വണ്ണം കൂടിയ കുട്ടിമതി. കൂടെ അഭിനയിക്കുന്നവരെല്ലാം പല വലിപ്പത്തിലുള്ള കുട്ടികളായാ നന്ന്. ഒരഞ്ച് പാട്ടും ഏഴ് ഫൈറ്റും ഓരഞ്ചാറു തുണ്ടും. പക്ഷേ കമ്പ്ലീറ്റ് കഴിവുള്ളവരായിരിക്കണം.

അല്ലെങ്കിലും കഴിവുള്ളവര്‍ കടന്നുവരുമ്പോ ഫീല്ഡിലുള്ളവര്‍ക്ക് ഇത്തിരി അസൂയയാ...അതുമൈന്റ് ചെയ്യാന്‍ പോണ്ട.

ബൈ ദ ബൈ, ഈ ഐഡിയ ബ്ലോഗിലിട്ടതു കാരണം നാളെയോ മറ്റന്നാളോ കാനഡയില്‍നിന്നുള്ള സൈറ്റിലോ ഫ്രാന്‍സില്‍നിന്നുള്ള ഫെയ്സ് ബുക്കിലോ ഈ സിനിമയുടെ ലിങ്ക് കാണാന്‍ സാധ്യതയുണ്ട്. അങ്ങനെ കണ്ടാല്‍ പ്ലീസ്.. പ്രിഥ്വിരായപ്പനെയോ അമ്മയെയോ അറിയിക്കണം . ഒരു പാട് വേദനിച്ചവരെ ഇനിയും വേദനിപ്പിക്കരുത്. അവരൊക്കെ ചിലപ്പോ ഇംഗ്ലീഷില്‍ കരഞ്ഞുകളയും. നമുക്കാണെങ്കില്‍, ഈ മുമ്പൈലൊന്നും പോകാത്തത്കൊണ്ട്, അവരുടെ ആ ഹൃദയവേദന കമ്പ്ലീറ്റ് അങ്ങോട്ട് മനസ്സിലാവില്ല. അതോണ്ട് തന്നെ മനസ്സുതുറന്ന് അവരെയൊന്നാശ്വസിപ്പിക്കാന്‍പോലും കഴിയില്ല.

എന്തായാലും ബാക്കി തിയേറ്ററില്‍ വെച്ചു കാണാം.

കുളത്തിലേക്കൊരു റീമെയ്ക് വരാന്‍ സാധ്യതയുണ്ട്.

ബ്ലും!

"ഓ മാമ മാമ മാമ മാമ... ♫ ♫ "

കേന്ദ്രത്തില്‍ നിന്നും പേപ്പറെത്തിയിട്ടുണ്ട്.
തച്ചങ്കരിയുടെ സസ്‌പെന്‍ഷന്‍ മിക്കവാറും പിന്‍ വലിച്ചേക്കും.


"ഓ മാമാ മാമാ മാമാ മാമാ... ♫ ♫ 
  ....അച്ചു മാമാ..♫ ."


"മകനേ നീയേ തൂണ" എന്ന ഭക്തിഗാന പരമ്പരയിലെ 
അടുത്ത ഭാഗത്തിലെ ആദ്യഗാനത്തിന്റെ ട്യൂണാ...


സിംപിളായിട്ട് കുളത്തിലേക്കൊരു ട്യൂണ്‍...


ബ്ലും!

'ആ സ്ഥാനം' മാറ്റി...

'ബ്ലും!' ഇനി മുതല്‍ കൊച്ചിയില്‍ നിന്നും ...

കൊച്ചിപിടിക്കാന്‍ വേണ്ടി ചെറിയ ഒരു സര്‍ക്കസ്.
കമ്പനിയൊന്നു മാറി.
ഇപ്പോ സ്മാര്‍ട്ട് സിറ്റീം മെട്രോറെയിലും നാളെ അല്ലെങ്കില്‍ മറ്റന്നാള്‍ തീര്‍ച്ചയായിട്ടും വരുന്ന കൊച്ചിയിലാണ് പുതിയ 'ആ സ്ഥാനം'. മഴക്കാലത്തിന്റെ ആരംഭത്തില്‍ ശൂരത്തം കാണിച്ചതോണ്ടാവും പേരുവെട്ടി പുതിയ  സ്കൂളില്‍ ചേര്‍ത്തിയ ഒരു പ്രതീതി.
എന്നാലും പണിക്കുയാതൊരു കുറവുമില്ല കെട്ടോ...

അപ്പോ ഇനി കല്ലുകള്‍ കൊച്ചിയില്‍നിന്നും ഇടുന്നതായിരിക്കും.

മഴ മാറിയപ്പോള്‍...




വൈകീട്ട് മഴയല്‍പ്പം നിന്നപ്പോള്‍, കോവളത്തുനിന്നും....

ഗോപുമോന്‍ റോ(ജോ)ക്സ്...

ടിന്റുവിനെ കടത്തി വെട്ടി നമ്മടെ ഗോപുമോന്‍ SMS ഈ വേള്‍ഡ് കപ്പ് സമയത്ത്...
എനിക്കു ഫോര്‍വേഡ് ചെയ്തു കിട്ടിയത് കിട്ടാത്തവര്‍ക്ക് വേണ്ടി ഇവിടെ ബ്ലോഗുന്നു,സമയക്രമമനുസരിച്ച്... കിട്ടിയവന്‍ കിട്ടാത്തവന് കൊടുക്കണമല്ലോ, അതോണ്ട് മാത്രം

ഗോപുമോന് ടീമിലിടം കിട്ടയപ്പോ: 
മികച്ച ഫലം ഉറപ്പുള്ള ചാത്തന്‍ സേവകള്‍ക്ക് സമീപിക്കുക, ഗോപുമോന്‍ മഠം, എറണാകുളം.
"ജീവിതത്തിലിന്നുവരെ ഇങ്ങനെയൊരു പരിക്ക് പറ്റിയിട്ടില്ല"- പ്രവീണ്‍ കുമാര്‍


ആദ്യകളിയില്‍ വന്‍ ബൌളിങ്ങ് കാഴ്ചവെച്ച് പുറത്തിരിക്കേണ്ടിവന്നപ്പോ:
ശ്രീകുട്ടനെ സി ഐ ടി യു വിന്റെ  ബ്രാന്റ അംബാസിഡറാക്കി; ഏറ്റവും വലിയ നോക്കു കൂലി വാങ്ങിയത് കാരണം!

ഫൈനലില്‍ കളിക്കും എന്നുറപ്പായപ്പോ:
ഗോപുമോന്‍ പ്ലേയിങ്ങ് ഇലവനില്‍. ഹനുമാനില്ലാതെ എന്ത് ലങ്കാ ദഹനം !

ഫൈനലു കഴിഞ്ഞപ്പോ:
ഗോപുമോന്റമ്മ ഇന്റര്‍വ്യൂയില്‍.. ഗോപുമോനു രണ്ട് ഓവര്‍കൂടെ കൊടുക്കായിരുന്നു. എന്നാ ധോണിക്ക് സെഞ്ച്വറി അടിക്കായിരുന്നൂ

എല്ലാര്‍ക്കും കോടികള്‍ പാരിതോഷികം കിട്ടിയപ്പോള്‍:
ധോണിക്ക് രണ്ട് കോടി  -ഡല്‍ഹി സര്‍ക്കര്‍; സച്ചിന്‍ രണ്ട് കോടി -മഹാരഷ്ട്ര സര്‍ക്കര്‍; ഗോപുമോന് രണ്ട്......... രൂപയ്ക്കരി- കേരളാ സര്‍ക്കാര്‍

ബ്ലും...!
നമുക്കൊന്നും അസൂയയ്ക്ക് ഒട്ടും കുറവില്ല... ഇനീം ഇറങ്ങും. നമ്മളൊക്കെ അതു ഫോര്‍വേഡേം ചെയ്യും.

ഉറുമി-ആഗസ്റ്റ്15-ക്രിസ്ത്യന്‍ ബ്രദേഴ്സ്



ക്രിസ്ത്യന്‍ ബ്രദേഴ്സ് : മൂന്ന് കോട്ടും രണ്ട് പോലീസും  ഒരു മന്ത്രീം വിജയരാഘവനും. ഊഹിക്കാന്‍ പറ്റാത്ത ഒരു സീന്‍ പോലുമില്ല. ഉള്ളത് പറഞ്ഞാ ശരത്കുമാര്‍ സ്പാറി.

ആഗസ്റ്റ്15: മലയാള സിനിമാ ചരിത്രത്തില്‍ ബൈക്കിനെ നായകനാക്കിയും മമ്മുട്ടിയെ സഹനടനാക്കിയും എടുത്ത ആദ്യത്തെ സിനിമ. പണ്ടാര സസ്പന്‍സാ.
ഗുണപാഠം- അഞ്ഞൂറു രൂപ അടക്കേണ്ടിവന്നലും ഹെല്‍മെറ്റ് വയ്കരുത് !

ഉറുമി: ഒരു സിനിമയ്ക്കു പോയപോലെ തോന്നും. ഫ്രെയിംസ് എല്ലാം മനോഹരം. ജഗതിയോടു മത്സരിക്കാന്‍ കെല്പില്ലെങ്കിലും അറയ്ക്കല്‍ ആയിഷയും കേളുനായനാരും മോശമാക്കിയില്ല. എന്നാലും മിക്ക ഷോട്ടുകളും കൈ മസിലുകളില്‍നിന്നും തുടങ്ങുന്നതു ബോറാല്ലേന്നൊരു സംശയം. ഉറുമി അയിഷയ്ക്ക് കളിക്കാന്‍ കൊടുത്തിട്ട് മെയിന്‍ സംഘട്ടനങ്ങളെല്ല്ലാം മസിലുവച്ച് തന്നെയാണ്. റൊമാന്‍സ് കൊള്ളാം, രാവണിന്റെ പോരായ്മ ​പൃഥ്വി ഇവിടെ തീര്‍ത്തിട്ടുണ്ട്. പ്രഭുദേവയും നന്നായി. വിദ്യാ ബാലനു ഉറുമി സില്ക് സ്മിതയാവാനുള്ള ട്രയല്‍ റണായിരുന്നോന്നൊരു സംശയം.  നിത്യാ മേനോന്‍ന്റെ റോളിനെ കുറിച്ച്കേട്ട ഏറ്റവും നല്ല കമന്റ് ഇതാണ്. "അവളുടെ ഒരു അന്ന നട!" .


ബ്ലും !
ഇനീം പോവും...

ഒരു ക്ലിക്ക്

ഇതിപ്പോ പലതും ക്ലിക്കിയപ്പോ ഒന്നു നല്ലതുവന്നൂന്ന് പറയാം. 
ഓഫീസിലെ ടീംസാ... 
ഉള്ളതു പറയാലോ, എര്‍ക്കാട് എന്ന സ്തലം ഫെബ്രുവരി മാസത്തില്‍ ഒരു വെയ്സ്റ്റാ... 
എന്തിനധികം പറയണം, ഒരു ബിയറുപോലും കിട്ടീലഷ്ടാ... 
കഷ്ടപ്പാടായി. 

ഒരു ചിത്ര ബ്ലും !

മാര്‍ത്താണ്ഡ വര്‍മ്മ

സൂര്യാടിവി, ശനിയാഴ്ച, പത്തുമണി രാത്രി.
"മാര്‍ത്താണ്ഡവര്‍മ്മ" [മ്യൂസിക്കുണ്ട്]

നിങ്ങള്‍കായി അവതരിപ്പിക്കുന്നത്

"സമാനതകളില്ലാത്ത പ്രവര്‍ത്തനങ്ങളുമായി,
ജനകീയ കേരളാ സര്‍ക്കാര്‍"  [മ്യൂസിക്കില്ലാ,അല്ലെങ്കി എന്തിനാ മ്യൂസിക്?!!]

കേരളാ സര്‍ക്കാര്‍ സീരിയല്‍ സ്പോണ്‍സര്‍ഷിപ്പിനും !
സമാനതകള്‍ ശരിക്കും ഇല്ലാ ട്ടോ!

ബ്ലും!