ഹഡ്സണ്‍പുഴയിലേക്കൊരു കല്ല് !

ന്യൂജേഴ്സി...
ന്യൂയോര്‍ക്കിനോടടുത്ത സ്റ്റേറ്റ്.
ഹഡ്സണ്‍ പുഴയാണ്‌ ന്യൂയോര്‍ക്കിന്റെയും ന്യൂജേഴ്സിയുടെയും വേലിക്കെട്ട്.
ഇത് ഹൊബൊക്കന്‍.
ഇവിടെ ഓഫീസിന്നു നോക്ക്യാ ന്യൂയോര്‍ക്കിനെ കാണാം, ഒരു പുഴയകലെ.

ഇന്നലെ വെറും -7ഡിഗ്രി, ഇന്നു -3 ഡിഗ്രി, അതോണ്ട് വിറച്ചിട്ടു പുറത്തിറങ്ങില്ല.
ഇനി ഇറങ്ങുമ്പോള്‍തന്നെ ഒരു ചൂടു വസ്ത്രം അതിന്നുപുറമെ ഷര്‍ട്ട് പാന്‍സ് അതിന്നും പുറമെ ജാക്കറ്റ്, കാപ്പ് ഗ്ലൌസ് ...കോപ്പ് തുടങ്ങി എല്ലാം വേണം.
വൈകീട്ട് അഞ്ച്മണിക്ക് ഒരു രാത്രി പന്ത്രണ്ട് മണിയുടെ ഇരുട്ടുണ്ട്.
പിന്നെ എവിടെനോക്കിയാലും ധാരാളം ഇന്ത്യക്കാരെക്കാണാം.

യാത്ര പാത്ത് ട്രെയിനില്‍.
അമ്പത്തിനാല് ഡോളറിന്ന് ഒരുമാസം ആട്രെയിനില്‍ എങ്ങോട്ടും എത്രതവണയും യാത്രചെയ്തര്‍മ്മാദിക്കാം.
ചെന്നയിലെ മെട്രോയും ഇതും തമ്മിലൊരു കടലപ്പൊതിയുടെ വ്യത്യാസം മാത്രം.
ചെന്നയില്‍ ധാരാളം കടലവില്‍പനക്കരും കടലയുംകൊണ്ട് ട്രെയിന്‍ വൃത്തികേടാണ്.
ഇവിടെ അതുരണ്ടുമില്ലാ, ട്രെയിനില്‍ തിന്നാന്‍ പാടില്ല.

താമസം ജേര്‍ണല്‍ സ്ക്വയറില്‍.
ഇവിടെ ഒരു ഇന്ത്യന്സ്ട്രീറ്റുണ്ട്.
തികച്ചും ഒരിന്ത്യന്‍ മയം.
ഒന്നും ഓര്‍ഡറിലല്ല. ഒരിന്ത്യന്‍ തെരുവിന്റെ വൃത്തി.
അതൊട്ടുംകൂടുതലല്ല കുറവും!
നല്ല മീഠാപാന്‍ മുതല്‍ പാരച്യൂട്ട് വെളിച്ചെണ്ണ വരെ, എന്തിനു നമ്മുടെ കുക്കറിന്റെ വാള്‍വ് വരെ ഇവിടെകിട്ടും.

കൂടെയുള്ളോരെല്ലവരും വളരെ നല്ല മനുഷ്യര്‍.
ഒരൊറ്റ കുരുത്തം കെട്ടവന്‍മാരുമില്ലാ.
അതോണ്ട് എനിക്കു കമ്പനിയുമില്ല.
മലയാളം വെടിക്കുപോലും ഒന്നിനും തൊട്ടു തേറിച്ചിട്ടില്ലാ.
താമസിക്കുന്നതിന്റെ അടുത്തെങ്ങും നല്ല ഒരു പബ്ബോ ക്ലബ്ബോ കണ്ടുപിടിച്ച്ട്ടില്ലാ ഇതുവരെ.

അങ്ങനെ കുരുത്തം കെട്ടവന്റെ ജീവിതത്തിലെ വിലകൂടിയ രണ്ടര മാസം ലമ്പതലത്തിലും തിരശ്ചീന തലത്തിലും ബോറാവുംന്ന് ഏതാണ്ട് ഉറപ്പായി ക്കഴ്ഞ്ഞു.

അങ്ങനെ കഴിയുന്ന ഒരു ദിവസം തണുപ്പിനെ വകവയ്ക്കാണ്ട് ഇറങ്ങി നേരെ ഹഡ്സണ്‍ റിവറിലേക്കൊരു കല്ലിട്ടൂ. ഇവിടെയും അതേ ശബ്ദം!
ബ്ലും!

...ആകാണണതാണ്‌ മക്കളേ ന്യൂയോര്‍ക്ക്...

നീന്തിക്കോ... ഒറ്റകാര്യം മാത്രം ഓര്‍ത്താമതി.

ഒബാമാക്കാദോസ്ത്;

അസ്സലാമു അലൈക്കും വ അലൈക്കും സലാം!

മതി അതു മതി. ധൈര്യായിട്ടൂ ചാടിക്കോ...