കൊച്ചിയെന്തെല്ലാം കാണണം!

കൊച്ചിയെന്തെല്ലാം കാണണം!
കുടുമ്പത്തില്‍ അടിമൂത്തപ്പോതെറ്റിപ്പിരിഞ്ഞൊരു കുടുമ്പം പുതിയൊരു കുടുമ്പമുണ്ടാക്കി.
ആ സമ്മേളനം മറൈന്‍ ഡ്രൈവില്‍.
പുതിയകുടുമ്പം പല കുടുമ്പങ്ങളോടും കൂട്ടുകുടുംബമാവാന്‍ ശ്രമിച്ചു.
അതുകേട്ടതും മറൈന്‍ ഡ്രൈവ്.
അവസാനം പുതിയകുടുമ്പത്തില്‍ അച്ചനും മോനും തെറ്റി.
അച്ചന്‍ പഴയതറവാട്ടിന്റെ പടിവാതില്‍ക്കല്‍ വന്നു ചുമച്ചൂ.
അകത്തുള്ളോരെന്ത് പറയുംന്നറിയാന്‍.
മനസ്സില്ലാമനസ്സോടെ അവര്‍ കയ്പ്പത്തികൊണ്ട് മാടി വിളീച്ചൂ "വന്നോളൂ" !
അതും മറൈന്‍ഡ്രൈവില്‍ പ്രതിധ്വനിച്ചൂ.
ഇന്നിപ്പോ പഴയകുടുമ്പത്തില്‍ പുറത്തുള്ള മകനെ ബാക്കിയെല്ലാരും തീന്‍മേശയിലിരുന്ന് കുറ്റം പറയുമ്ബോ ആ അച്ചന്റെ കണ്ണുകള്‍ നിറയാറില്ലാത്രെ.
അതിന്റെ സന്തോഷം പങ്കുവെക്കാന്‍ പഴയകുടുമ്പത്തിന്റെ പുതിയ മീറ്റിങ്ങ്.
അതിന്നും വേദി കൊച്ചി തന്നെ.
ആദ്യത്തെ ആ സമ്മേളനത്തിന്ന് കടലവില്‍ക്കനിരുന്ന ഒരു കടലക്കച്ചവടക്കരന്‍ ഇതെല്ലാം കണ്ട് ഒന്നും മനസ്സില്ലാവാത്തവനെപ്പോലെ അഭിനയിച്ച് ഈ മീറ്റിങ്ങിനും കടലവിക്കും.
അവന്റെ കയ്യീന്ന് കടലമേടിച്ച് തിന്നുമ്പോ എന്നത്തെയുംപോലെ അവസാനം വരുന്ന കടലമണി കേടുള്ളതാവും.
അതെടുത്ത് മറൈന്‍ ഡ്രൈവിന്റെ സൈഡിലെ മതില്‍കെട്ടിലിരുന്ന് ദൂരെ വൈപ്പിനിലേക്ക് പോവുന്ന ഫെറിയിലേക്ക് നോക്കി താഴെ കായലിലേക്കിടും .
അപ്പൊഴും കേള്‍ക്കാം

ബ്ലും !