കുളക്കരയില്‍നിന്നും ഒബാമയെക്കാണാന്‍...

കുളത്തില്‍ കല്ലിടുന്നതിനെ കുറിച്ചു കൂടുതല്‍ വിശദമായി പഠിക്കാന്‍ ഈ കു ക കു കെ ഒരു അമേരിക്കന്‍ പര്യടനത്തിനു പോവ്വാണ്. നാളെ രാത്രി ന്നുവച്ചാ 23 ആം തിയ്യതി ഏര്‍ലിമോര്‍ണിങ്ങ് ക്രിത്യം രണ്ടുമണി പതിനഞ്ചു നിമിഷങ്ങള്‍ക്ക് പറന്നുയരുന്ന എയര്‍ഫ്രാന്‍സിന്റെ ആകാശനൌകയില്‍ കു കല്ലിട്ടവന്റെ രണ്ടാമത്തെ ആകാശ സഞ്ചാരം തുടങ്ങും. അവിടെചെന്ന് ഒബാമയുമായികൂടിക്കാഴ്ച,

ജോലിസംബന്ധമാ ചിലപ്രധാനകാര്യങ്ങള്‍ എന്നിവകൂടാതെ അവിടെ കുളത്തില്‍ കല്ലിടുന്നതിനെ കുറിച്ചുള്ള ഗവേഷണം ചില ബ്ലോഗ്ഗര്‍മാരെ പറ്റിയാല്‍ വിളിച്ചന്വേഷണം പറയാ തുടങ്ങിയ ബൃഹത് പരിപാടികള്‍ക്ക് രൂപം നല്‍കിയിട്ടുള്ള പോക്കാണ്‌. പിന്നെ ഒരു ക്രിസ്തുമസും ന്യൂയര്‍ പുലരിയും ന്യൂജേഴ്സിക്കാരോടൊപ്പം അഘോഷിക്കാനും പരിപാടിയുണ്ട്.മെമ്മറികാര്‍ഡിന്റെ കോണിലൊളിപ്പിച്ച് ഇളമൊഴിയും എടുക്കുന്നുണ്ട് ഒരു ബലത്തിന്ന്. ഏതാണ്ട് 4ഉം 5ഉം ഡിഗ്രി തണുപ്പില്‍ കുളത്തിലെ വെള്ളം ഐസ് ആവാതിരിക്കാനുള്ള ചില സെറ്റപ്പുകളുമായാണ്‌ യാത്ര.സെറ്റപ്പുകളൊരുക്കാന്‍ സഹായിച്ച പ്രമുഖ ബ്ലോഗര്‍മാരായ പെണ്കൊടിക്കും ഇന്ദുവിനും ഉള്ള നന്ദി തിരിച്ചുവരുമ്പോ കൊണ്ടുവരുന്ന ചോക്ലേറ്റില്‍ കാണിക്കാം എന്നേറ്റിട്ടുണ്ട്.
അപ്പൊ ഇനി ചില തണുപ്പുകാല അമളികളും തമാശകളുമായി കുളത്തില്‍ ഐസിന്റെ കഷണങ്ങള്‍ ഇടാം. ജനുവരി കഴിയും വരെ.