രഞ്ജിനീ യൂ റ്റൂ ബ്രൂട്ടസ് ????

വൈകീട്ട് രാമേട്ടന്റെ ചായക്കടയിലിരുന്ന്
വായനശാലയില്‍നിന്നും പുറത്തേക്ക് തിരിച്ചു വച്ച
ടി വി നോക്കി അന്താരാഷ്ട്ര പ്രാധാന്യമുള്ള കാര്യങ്ങള്‍
ലോക്കലായി ചര്‍ച്ചിക്കുന്നൂ.
അപ്പുണ്ണ്യേട്ടന്റെ വീട്ടില്‍ ക ള്ളന്‍ കേറീതും
മേശപ്പുറത്തിരുന്ന പേഴ്സിലെ പണമെടുക്കതെ
മോളുടെ കഴുത്തില്‍ കിടന്ന സ്വര്‍ണ്ണം പൂശിയ മാല
അടിച്ചതുമൊക്കെതന്നെയാണ് കൂലങ്കുഷ ചര്‍ച്ച.

അതിന്നിടയിലാണ് അറുപത്തഞ്ചിന്റെ മറ്റൊരു നവയൌവ്വനം
'സ്റ്റാര്‍ സിങ്ങര്‍ രാവുണ്ണ്യേട്ടന്റെ' വരവ്.
ആളൊരു ഐഡിയ സ്റ്റാര്‍ സിങ്ങര്‍ ഫാനായതോണ്ട്
നമ്മള്‍ കല്പ്പിച്ചു നല്കിയ സ്ഥാനപ്പേരാണത്.
കൂടെ രഞ്ജിനീ ഹരിദാസിന്റെ ഒരാരധകനുമാണ് പുള്ളി.

"മക്കളേ സംഗതി തുടങ്ങിയോ ? "
കസേരയിലിരുന്ന ബള്‍ബ് സതീശനെ തള്ളി മാറ്റി
'സീനിയര്‍ സിറ്റിസണ്‍ സീറ്റ്' മേടിച്ചെടുത്താളതിലിരുന്നൂ.
"സംഗതി തുടങ്ങീട്ടൊരു പത്തുമിനിറ്റായീ രാവുണ്ണ്യേട്ടാ.. "
"എന്താചെയ്യാ , പശൂന് വൈക്കോലിട്ടപ്പ നേരം വൈകീ.. "
"ന്നാലെന്താ.. നി, ഇവിടന്നങ്ങട്ട് കണാലോ... "
"ആ..."

അങ്ങനെ പാട്ടും പരസ്യോം കഴിഞ്ഞ്
മാന്യ ജഡ്ജിമാരുടെ കമന്റിനിടേ
രഞ്ജിനീ ഹരിദാസിന്റെ നേരെ ഒരു ലോങ്ങ് ഷോര്‍ട്ട്..
പല്ലിന്റെ മോണവരെകാണിച്ച്
ചുണ്ടു സ്ക്വയര്‍ രൂപത്തില്ലാക്കിയുള്ള പുഞ്ചിരിയുമായി
നില്ക്കുന്ന രഞ്ജിനിയുടെവേഷം സാരിയാണെന്ന
തിരിച്ചറിവുണ്ടായപ്പോ രാവുണ്ണ്യേട്ടന്റെ മുഖത്ത്
കടുത്ത നിരാശ പ്രകടമായിരുന്നൂ.

രാവുണ്ണ്യേട്ടന്‍ ചുറ്റും നോക്കി...
രഞ്ജിനി സാരിയുടുത്തതിലുള്ള ഒരു വല്ലായ്മ്മകാരണം
പതുക്കെ സീറ്റു വിട്ടെഴുന്നേറ്റൂ. കൂടെ ഒരു കമെന്റും.
"ഈ കുട്ട്യോക്കൊന്നും നന്നായിട്ട് പാടാനറിയൂല്ലാ..."
"ന്നാ പിന്നെ അങ്ങനാവട്ടെ സിങ്ങര്‍ രാവ്ണ്ണ്യേട്ടാ"
പുറകീന്ന് കമന്റ് സ്പാറീ...

അതു പറഞ്ഞു കഴിഞ്ഞതും ജഡ്ജിമാരിലൊരാളായിരുന്ന
ശ്വേത മേനോന്‍ സീറ്റീന്നെഴുന്നേറ്റ്
' പാട്ടു പാടിയ ചെക്കനു മീശയുണ്ടോന്നു ' നോക്കാനായി
സ്റ്റേജിലേക്ക് കയറി.
ഉള്ളതു പറയാലോ ശ്വേതാമേനോന്റെ വേഷം സാരിയല്ലാരുന്നൂ.

"എന്തായാലും ഇതുവരെ വന്നില്ലേ ഇനി തീര്‍ന്നിട്ടുപോവ്വാം..."
രാവുണ്ണ്യേട്ടന്‍ വീണ്ടും സിറ്റി.

ഏഷ്യാനെറ്റിന്റെ ഓരോരോ സൂത്രങ്ങളേ...
രഞ്ജിനി ഹരിദാസ് സാരിയുടുക്കുമ്പോ
ശ്വേതാ മേനോന്‍ വിധികര്‍ത്താവ് !!!

ആ ഇങ്ങനെയൊക്കെ ഓരോന്നു ചെയ്തില്ലെങ്കില്‍
പ്രോഗ്രാമിന്റെ ടി ആര്‍ പീ റേറ്റിങ്ങങ്ങു
കുളത്തിലേക്ക് താഴ്ന്ന് പോവും...
ബ്ലും!