കവിതയെ നശിപ്പിച്ചത് !!!

ഈ രാമചന്ദ്രന്‍ വെട്ടിക്കാട്ടും കൂടിയാണ് കവിതയെ നശിപ്പിച്ചത്. ഒന്നും കിട്ടാഞ്ഞപ്പോ കവിതയെ പിണക്കി പറഞ്ഞയച്ച് അതും കവിതയാക്കി...എന്നിട്ടതിന്ന് ഡൈവോഴ്സ് നോട്ടീസ്ന്നൊരു പേരും. ശ്ശെ... ഇങ്ങനെയാണോ കവിത.. രമേട്ടനൊക്കെ കവിയായി അറിയപ്പെടണംന്നൊരഗ്രഹമേ ഉള്ളൂ. അതിനായി ബ്ലോഗും തൂടങ്ങി അങ്ങെഴുത്താരംഭിച്ചൂ.. വൃത്തമുണ്ടോ ? അലങ്കാരമുണ്ടോ? ലഗുവും ഗുരുവുമുണ്ടോ ? പോട്ടെ ചില്ലക്ഷരമുണ്ടോ? എന്തിന് ഒരു ലസാഗു പോലുമില്ല...അര്‍ഥം മാത്രമുണ്ട് ഗര്‍ഭമില്ലെങ്കിലും... ഇതൊക്കെ ഏത് കുഞ്ഞുണ്ണിക്കും പറ്റുന്നതല്ലെ, ഇതിനെ ഒക്കെ കവിത എന്നു പറയാനൊക്കുമോ ????

ഹാവൂ... സമാധാനമായീ...ടി പദ്മനാഭന് കുഞ്ഞുണ്ണിമാഷടെ കവിതയെ കുറ്റം പറയാമെങ്കിലെന്തുകൊണ്ട് കല്ലിട്ടവനായിക്കൂടാ? "രാമേട്ടന്‍ കവിത" ഒരു നിമിത്തം മാത്രം...നാലാളറിയുന്നോനെ കുറ്റം പറഞ്ഞാലല്ലേ നാളെ ബ്ലോത്രത്തിലെങ്കിലും വരൂ.. പദ്മനാഭന്‍ പറഞ്ഞത് പലപത്രത്തിലും വന്നതല്ലേ... ആളാവാന്‍പറ്റോന്ന് ഞാനുമൊന്നു നോക്കട്ടെ... കിട്ട്യേത് രമേട്ടനെയാ, അങ്ങ് കുളത്തിലേക്കിട്ടൂ...
ബ്ലും!
പക്ഷേ രമേട്ടന്‍ കവിതയേ നമുക്കൊക്കെ മനസ്സിലാവൂ.. നമ്മക്കും ഒടുക്കത്തെ സ്റ്റാന്‍ഡേര്‍ഡാണല്ലോ...