ഒരു അമേരിക്കന്‍ പോക്കറ്റടി

സ്ഥല കാല ബോധം:
ഹൊബ്ബോക്കന്‍, ന്യൂജേഴ്സി.
സമയം ശനിയാഴ്ച രാത്രി പന്ത്രണ്ടര.

ഒരു ഡാന്‍സ് ക്ലുബ്ബ്.
കുരുത്തക്കേടിന്ന് ഇവിടേം കുറവില്ല.
രണ്ട് ബിയറും നല്ല ഡീ.ജേ. നല്ല മൂഡും!
യുവത്വത്തിന്റെ രക്തം തിളയ്ക്കുന്ന ആള്‍ക്കൂട്ടം.
നല്ല തിരക്കും.
എന്റെ മുന്നില്‍ ഒരു കൂട്ടം പെണ്‍പിള്ളേര്‍.
അവരുടേം കഥ ഇതു തന്നെ.
പാട്ടിന്റെ താളത്തിനൊത്ത് അവരും ആടുന്നു
അവരുടെ ഇടയിലേക്ക് ഒരു ചുള്ളന്‍ കടന്നു വന്നു!
സ്വാഭാവികമായും ഒരു പെണ്‍കൊച്ചിനെ ലവന്‍ അടിച്ചുമാറ്റി.
റൊമാന്‍സ്‌ നല്ലരീതിയില്‍ മുന്നേറുന്നു.
റൊമാന്‍സും ഡാന്‍സും ഡി ജെ യും ഒരു ഒരു മണിയായതോടു കൂടെ ഉത്തുംഗശ്രേണിയിലെത്തി.
പെട്ടെന്നാണത് സംഭവിച്ചത്.
ലവളുടെ ഷോള്‍ഡറില്‍ തൂങ്ങിക്കിടന്നിരുന്ന ബാഗില്‍നിന്നും ലവന്‍ ഒരു വാല്ലറ്റ് അടിച്ചുമാറ്റി ലവന്റെ പോക്കറ്റിലേക്കിട്ടു.
ഒരു നിമിഷം കഴിഞ്ഞപ്പോള്‍ അവനവളെ വിട്ടിട്ടു പോയീ.
ഇതൊന്നും അറിയാതെ നായിക നൃത്തം തുടര്‍ന്നു.
ഞാനല്ലാതെ മറ്റൊരു കൂട്ടം ‍പിള്ളേരും ഇതുകണ്ടന്തം വിട്ടുനിന്നൂ.
പെട്ടന്ന് എന്താണ്‌ സംഭവിച്ചതെന്നു മനസ്സിലായപ്പോള്‍ നേരെ ചെന്ന് അവളോടു വിവരം പറഞ്ഞൂ. ശബ്ദം കാരണം പറയുന്നതു കേള്‍ക്കുന്നില്ലാ.
അവസാനം കാണിച്ചു കൊടുത്തപ്പൊഴാണ് വിവരം അറിയുന്നത്.
അധികം സമയമാവാഞ്ഞതു കാരണം ആളവിടെ തന്നെയുണ്ട്.
അവളോട് പോയി സെക്യൂരിറ്റിക്കുള്ള ബൌണ്‍സേഴ്സിന്നോട് വിവരം പറയാന്‍ പറഞ്ഞൂ.
അവരവനെ അതുപോലങ്ങു താഴ്ത്തീ.
അവള്‍ക്ക് സംഭവം തിരിച്ചു കിട്ടീ.
അഭിമാനം കൊണ്ട് ഞാന്‍ രണ്ടിഞ്ച് പൊങ്ങീ.
പിന്നെ ആലോചിച്ചപ്പോ വല്ല്യ ഗുണം തോന്നീല്ല.
പോക്കറ്റടിക്കാരന്റെ ടീം അവിടെ ഉണ്ടെങ്കിലോ?
നല്ല തല്ല്‌ നാട്ടിക്കീട്ടുമ്പോ എന്തിനാ ഇവിടെവന്ന്?
അതും പബ്ബില്‍ പോയി കണ്ണിനു താഴെ ഒരു കറുപ്പുമായി വന്നാല്‍ പിന്നെ പറയേം വേണ്ട.
മാനം പാറിയ വഴിക്ക് പിന്നെ ഡക്കാനെയര്‍വേസുപോലും പറക്കൂല്ലാ...
നിന്ന സ്ഥലത്തുന്ന്നും ഒറ്റ മുങ്ങലായിരുന്നു ആള്‍ക്കൂട്ടത്തിലേക്ക്.
ബ്ലും!